3 Johan 1:10 - Santali Common Language New Testament

¹⁰ Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale birudre hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.

সান্তালী বাইবেল

¹⁰ Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale upạrte hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.

3 Johan 1:10 Iomraidhean Croise

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

Johan 9:22

Uniren go-baba do Jihudi mukhiạko botorte noa dokin menkeda, ente Jihudi mukhiạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgoyente menkeda,

2 Korinthiko 13:2

Dosar dhao ape ṭheniń tahẽkanre okoe lahateko kại akatʼ onko ar eṭakʼko joto doń sontor akatʼko tahẽkana. Ar ńitokʼ hạjir bạnuńre hõ arhõń sontoretʼpe kana, iń do arhoń hijukʼre okoe hõ bạń mãyãwakoa,

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ katha ar eṭakʼkoakʼko oktawa ar baṅ ganoakʼ kathakoko roṛa.

2 Johan 1:10

Ar jãhãe hoṛ ape ṭhen hecʼkate ona sikhnạt bae emokʼ enḍekhan apeakʼ oṛakʼre uni do alope ataṅ daramea ar johar hõ alope joharaea.

2 Johan 1:12

Ape olape lạgitʼ ińakʼ aema katha menakʼre hõ enhõ kagoc ar kạlite olape do bạń menjoṅ kana. Ona khon bickom ape ṭhen senkate mocate galmarao reakʼ iń asokʼ kana, jemon aboakʼ rạskạ do purạukʼ tabon.

3 Johan 1:3

Iń do ạḍitetʼiń rạskạyena ente adom biswạsi boehako hecʼkate am reaṅ noa gohako emkeda je, am do Isorakʼ sạriakʼre pạtiạr menama ar ona lekam taṛameda.

3 Johan 1:5

Dulạṛiạ gate, am do begor oromte hõ biswạsi boehako lạgitʼ okaṭakʼem cekayetʼ ona do pạtiạrtegem onkayeda.