2Timothi 2:22 - Santali Common Language New Testament

²² Juạn umer reakʼ bạṛicʼ sanako khon ńirjoṅme ar sapha ontorte Probhuko hohoaekan onko tulucʼ dhorom, pạtiạr, dulạṛ ar suluk baṛe khudạume.

সান্তালী বাইবেল

²² Juạn umer reakʼ bạṛicʼ sanako khon ńirjoṅme ar sapha ontorte okoe do Probhu Isorko hohowaekan onko tulucʼ dhorom, pạtiạr, dulạṛ ar suluk baṛe khudạume.

2Timothi 2:22 Iomraidhean Croise

Aposkạmi 7:59

Arko tińekan tahẽkanre uni do nonkae koekeda, “E Probhu Jisu, ińakʼ jiwi ataṅ tińme baṛe.”

Aposkạmi 9:14

Ona chaḍa am ńutumte koejoṅkanko sapʼko lạgitʼ maraṅ naekeko ṭhen khon ektiạri hataokate nonḍeye hecʼakana.”

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼ kana, dhorom ar suluk ar rạskạge Sonot Jiure.

Romiko lạgitʼ Pạul Apostolakʼ ciṭhi 14:19

Onate okaṭakʼ kạmile khan suluk hoyokʼ ar okaṭakʼte sanamko bon gopoṛo daṛeakʼ, ona reakʼ bon kurumuṭuima.

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn dola duli alo tahen ma, bickom ape do mitʼmon ar mitʼakan tahenpe.

1 Korinthiko 10:14

Onate E ińren gateko, boṅga sewa khon men ńir joṅpe.

1 Korinthiko 14:1

Noa dulạṛ lạgitʼ ape do biseskaete kurumuṭuipe, ar sonot Jiu emakʼ dan, biseskaete nạbi lekate roṛ reakʼ ektiạri ńam lạgitʼ gagojokʼpe.

1 Korinthiko 6:18

Sanam lekan loṭghuṭi khon ńir joṅpe. Ente manwa okakoe kạiyetʼkan ona do acʼakʼ hoṛmo bahrereye onkayeda; menkhan okoeye loṭghuṭiyetʼkan uni do acʼakʼ hoṛmo birudregeye kạiyeda.

1Timothi 1:14

Aboren Probhu do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoe. Noa dulạṛ do niphuṭ ontor, sapha bibek ar sạri biswạs khon hijukʼ kana.

1Timothi 2:8

Ińakʼ monejoṅakʼ do noage herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

1Timothi 4:12

Amakʼ koṛa umer do okoe hõ aloko neṅghaotam ma. Menkhan pạtiạuko lạgitʼ nạmuna hoyokʼme, amakʼ kathare, amakʼ cạl-colonre, amakʼ dulạṛre, amakʼ biswạsre ar sonotre.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu do okoe hõ bako ńelńamea.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akan tahenpe,

1 Patras 3:11

Uni do bạṛicʼ kạmi khone sahaṛokʼ ma, ar bhageakʼe kạmima; suluk ńam lạgitʼe kurumuṭuima. Ar ona do aloe bạgiyakʼ ma.

3 Johan 1:11

Dulạṛiạ gate, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńṭoṭhadea.