1 Johan 5:13 - Santali Common Language New Testament

¹³ Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.

সান্তালী বাইবেল

¹³ Ape okoeko Isorren Hoponrepe biswạs akan, ape ṭhen iń do noakoń olkeda jemonpe baḍae daṛeakʼ, ape do jaejug jionpe ńam akada mente.

1 Johan 5:13 Iomraidhean Croise

Johan 1:12

Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ektiạriye ematʼkoa.

Johan 2:23

Ado sen-parom porobre Jisu Jerusalemre tahẽkate okako hahaṛa kạmiye kạmiketʼ ona ńelte ạḍi utạr hoṛ do unireko pạtiạuena.

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 21:24

Uni celage noako reaṅ gohae emetʼkana ar noakoe oletʼkana. Alele baḍaea uniakʼ goha do sạrigea.

Johan 3:18

Okoe uni Hoponreye pạtiạukʼ uniakʼ do jãhãn bicạr baṅ hoyokʼtaea, menkhan okoe bae pạtiạukʼ uni do dusi kanae mente laharegeye lekha ocoakana, ente uni do Isorren eskar janam Hoponre bae pạtiạu akana.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Aposkạmi 3:16

Nuipe ńelekan arpe baḍaeyede kan hoṛ do, Jisureye pạtiạuente, uniakʼ ńutumte daṛeye ńamkeda. Ar Jisu hotete oka pạtiạu hijukʼkan ona pạtiạuge uni do sanamko samaṅreye bogekedea.

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniakʼ ńutumte kại khon bańcao bon ńam daṛeke.”

2 Korinthiko 5:1

Baḍaegeabon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼbon ona rạputʼlenre hõ aboakʼ do Isor emakʼ mitʼṭen oṛakʼ menakʼ tabona. Ona oṛakʼ do manwa tite benaoakʼ baṅkana, ona do jaejug khonge sermare menakʼa.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

1 Patras 5:12

Siluạnus, okoe do ińren pạtiạrạnicʼ boehań metaekan, uni hotete noa ciṭhi do thoṛa kathate ape ṭheniń olkeda, jemon iń do apeń udgạu daṛeape ar Isorakʼ sạriạkʼ reakʼ dayaren gohań em daṛeakʼ. Ape do Isorakʼ noa dayare ṭarhao akan tahenpe.

1 Johan 1:4

Aleakʼ rạskạ jemon perejokʼ onate ale do noakole oleda.

1 Johan 2:1

E ińren dulạṛiạ gidrạko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛo abon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

1 Johan 2:21

Sạriakʼ bape baḍae akatʼte apeń ol ape kana ona do baṅ, menkhan ape do noa hõpe baḍaea, sạriakʼ khon eṛeakʼ do baṅ hijukʼa; ar ona iạtegeń olatʼpea.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

1 Johan 2:26

Okoe bạṛicʼ horte idipe lạgitʼko kurumuṭuyetʼkan, onko reaṅ iń do noakoń olatʼpea.

1 Johan 3:23

Uniakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe emoṭoakatʼ bona.

1 Johan 4:9

Abo lạgitʼ Isorakʼ dulạṛ do nonkate sodor akana, uni do acʼren eskar janam Hopon noa dhạrtiteye kolkedea jemon uni hotete jion bon ńam.

1 Johan 5:10

Isorren Hopon cetanre okoeye pạtiạukʼkan uniakʼ ontorre ona goha do menakʼa. Ar Isorre okoe bako pạtiạukʼkan onko do eṛeyicʼko benao akadea, ente Isor acʼren Hopon reaṅ oka gohae emakatʼ onare onko do bako pạtiạu akana.

1 Johan 5:11

Ona goha do noage, Isor do jaejug jione emakatʼ bona ar ona jion do acʼren Hoponre menakʼa.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.