1 Johan 4:7 - Santali Common Language New Testament

⁷ Dulạṛiạ gidrạko, abo mimitʼko jemon bon dupulạṛ, ente dulạṛ do Isor ṭhen khonge hijukʼ kana. Okoeakʼ ontorre dulạṛ menakʼtako, onko do Isor khongeko janamakana ar Isorko baḍae akadea.

সান্তালী বাইবেল

⁷ Dulạṛiạ gidrạko, abo mimitʼko jemon bon dupulạṛ, ente dulạṛ do Isor ṭhen khonge hijukʼkana. Okoeyakʼ ontorre dulạṛ menakʼtako, onko do Isor khongeko janam akana ar Isorko baḍae akadea.

1 Johan 4:7 Iomraidhean Croise

Johan 13:34

Mitʼṭen nawa hukumiń emape kana dupulạṛpe. Cetʼleka iń do apeń dulạṛakatʼpe onkage ape hõ dupulạṛpe.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

1 Korinthiko 8:3

Menkhan okoe Isore dulạṛedekan, Isor do eken unigeye baḍaeyede kana.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniakʼ mạhima bujhạu lạgitʼ marsal sodorokʼ. Ar noa mạhimage Mạsiakʼ mẽtʼãhãre menakʼa.

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

2Timothi 1:7

Ente Isor do ḍurukiạ jiu do bae emakatʼbona; bickom nonkan jiugeye emakana, one okaṭakʼre do daṛe, dulạṛ ar apnar sambṛaokʼ reakʼ ektiạri menakʼ.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Johan 2:10

Okoe acʼren boehae dulạṛedekan uni do marsalreye tahenkana ar unire jãhãn tạkicʼakʼ do bạnukʼanaṅ.

1 Johan 2:29

Baḍaegeape, uni doe dhoromgea, ar noa hõ baḍae dohokakʼpe, okoe dhorom kạmire apnarte lạgiạ paṛao akanko tahen, onko do Isor khongeko janamakana.

1 Johan 2:3

Uniakʼ sanam hukumko leka bon senlen khan, enḍekhan khạṭige bon bujhạua, abo do uni bon baḍae akadea.

1 Johan 2:4

Ar okoeye menetʼkan, “Iń do uniń baḍae akadea,” Menkhan uniakʼ hukumko bae batao enḍekhan uni doe eṛeyicʼ kana; unire sạriakʼ do bạnukʼanaṅ.

1 Johan 2:7

E dulạṛiạ gidrạkotiń, ape ṭhen jãhãn nawa hukum reakʼ katha do bạń oleda, bickom pạhil khonge okaṭakʼ hukum tahẽkan ona mare hukum reakʼ kathageń oleda. Ar okaṭakʼ katha lahatepe ańjomakatʼ ona kangea ona mareakʼ hukum do.

1 Johan 3:9

Isor khon janamicʼ do kạire bae tahena, ente Isorakʼ gun do unire tahenkana. Isor khone janamakante uni do kạire bae jobe tahẽ daṛeakʼa.

1 Johan 4:11

E dulạṛiạ gidrạko, Isor do nonkae dulạṛetʼ bon khan eḍekhan abo hõ mimitʼko dulạṛ lek kan tabona.

1 Johan 4:12

Isor do okoege tishõ bako ńṭoṭhadea. Ar abo mimitʼko bon dupulạṛ khan, enḍekhan bon bujhạu daṛeakʼa, Isor do aboakʼ ontorre menaea ar uniakʼ dulạṛ do aboakʼ ontorre purạteye kạmiyeda.

1 Johan 4:16

Baḍaegea bon Isor do aboe dulạṛetʼ bona, ar uniakʼ dulạṛre aboakʼ biswạs menakʼ tabona mente. Isor do acʼtetʼgeye dulạṛ kana. Ar dulạṛre okoeye tahen kan, uni do Isorregeye tahenkana ar Isor do unireye tahenkana.

1 Johan 4:20

Okoe Isore dulạṛede kana menteye menetʼkan, menkhan acʼren boehae kurudae kan uni doe eṛeyicʼ kana; ente mẽtʼte ńṭoṭhade boeha okoe bae dulạṛedekan uni do cekate baṅ ńṭoṭhade Isor doe dulạṛ daṛekea?

1 Johan 4:8

Okoeakʼ ontorre dulạṛ bạnukʼ, onko do Isor bako baḍae akadea, ente dulạṛ do Isor acʼtetʼ kangeae.

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janamakana. Ar okoe Babako dulạṛedekan onko do uniren Hopon hõko dulạṛede kana.

2 Johan 1:5

Abo mimitʼko jemon bon dupulạṛ, noage am ṭhen ińakʼ nehõr do. E dulạṛiạ miserań, okań oletʼkan ona do jãhãn nawa hukum do baṅkana, bickom noa hukum do pạhil khonge bon ńam akada.