1 Johan 3:18 - Santali Common Language New Testament

¹⁸ E gidrạko, abo do eken moca kathate dulạṛ baṅ udukʼkate kạmi hotete sạriakʼ reakʼ dulạṛ bon udugma.

সান্তালী বাইবেল

¹⁸ E gidrạko, abo do eken moca kathate dulạṛ baṅ udukʼkate kạmi hotete sạriyakʼ reakʼ dulạṛ bon udugma.

1 Johan 3:18 Iomraidhean Croise

Luk 7:5

ente uni do aleren hoṛkoe dulạṛetʼkoa ar aleakʼ sunạgog do unigeye tearakada.”

Johan 17:19

Onko iạte am lạgitʼ iń doń begar akana jemon sạriakʼ hotete onko hõko begar ocokʼ.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Ephesiko lạgitʼ Pạul Apostolakʼ ciṭhi 4:15

Bickom dulạṛ monte Mạsi reaṅ sạri kathako bon roṛma ar sanamakʼre hara burukʼte Mạsi leka bon hoyokʼma. Uni kangeae hoṛmo reakʼ matha do.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼ, ona katha do jaoge aboren Isor Baba samaṅre koejoṅrele disạyeda.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Johan 2:1

E ińren dulạṛiạ gidrạko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛo abon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

1 Johan 3:7

E gidrạko, okoe hõ bạricʼ horte aloko bulạu idipe ma. Mạsi do bae bedhoroma, ar jãhãe bhageakʼe kạmiyetʼ khan uni hõ bae bedhoroma.

2 Johan 1:1

Isor okoeye bachao akade uni maejiu ar uniren hoponko ṭhen iń murubi do noa ciṭhiń oletʼkana. Isorakʼ sạriạkʼtetʼ iạte iń do ape sanamkoń dulạṛetʼpea. Eken ińiń dulạṛetʼpea ona do baṅ, menkhan okoe Isorakʼ sạriakʼtetʼko baḍae oromakatʼ onko sanamkoge apeko dulạṛetʼpea.

3 Johan 1:1

Isorakʼ sạriakʼtetʼ iạte okoeyiń dulạṛedekan, ińren uni dulạṛiạ gate Gạius ṭhen iń murubi do noa ciṭhiń oleda.