1 Johan 2:23 - Santali Common Language New Testament

²³ Okoe Hopon bae aṅgoce uni tulucʼ Babawakʼ do jãhãn jopoṛao bạnukʼtaea, menkhan Hopon okoeye aṅgoce uni tulucʼ do Babawakʼ hõ jopoṛao menakʼtaea.

সান্তালী বাইবেল

²³ Okoe Hopon bae aṅgoce uni tulucʼ Babawakʼ do jãhãn jopoṛao bạnukʼtaea, menkhan Hopon okoeye aṅgoce uni tulucʼ do Babawakʼ hõ jopoṛao menakʼtaea.

1 Johan 2:23 Iomraidhean Croise

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍaeyedea, Hopon okoe ṭhen Baba sodoreye menjoṅkan unige uni doe baḍaeyea.

Luk 10:22

‘‘Ińren Baba do ińakʼ tire sanamakʼe jimạ akada. Baba chaḍa okoe hõ bako baḍaea Hopon doe okoe kana, arhõ Hopon chaḍa okoe hõ bako baḍaea Baba doe okoe kana mente. Ona chaḍa Hopon okoe ṭhen Baba sodoreye menetʼkan eken unigeye baḍaea.’’

Johan 10:30

“Iń ar Baba doliń mitʼgea.”

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kolakadińicʼ Baba hõ bae manotea.

Johan 8:19

Phạrusikoko metadea, “Amren Baba do okare menaea?” Jisui roṛ ruạṛatʼkoa, “Ape do iń hõ bape baḍae akadińạ ar ińren Baba hõ bape baḍae akadea. Ente ińpe baḍaeliń khan honaṅ ińren Baba hõpe baḍaekea.”

1 Johan 2:22

Okoeye menetʼkan, Jisu do Mạsiye baṅkana, uni doe eṛeyicʼ kana? Okoe Baba ar Hopon bae aṅgockin uni do Mạsiren bạiri kanae.

1 Johan 4:15

Ar jãhãege Jisu do Isorren Hopon kanae menteye aṅgoce, Isor do unireye tahena ar uni hõ Isorreye tahenkana.

1 Johan 4:2

Isorren Jiu do nonkatepe orom daṛeakoa, okoe Jiu do Jisu Mạsi manwa lekateye hecʼlena menteye aṅgoce uni Jiuge Isor khon hecʼ akanicʼ do;

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janamakana. Ar okoe Babako dulạṛedekan onko do uniren Hopon hõko dulạṛede kana.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.