1Timothi 6:18 - Santali Common Language New Testament

¹⁸ Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

সান্তালী বাইবেল

¹⁸ Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

1Timothi 6:18 Iomraidhean Croise

Mathae 5:42

Koyetʼmekạnicʼ do emaeme, ar okoe am ṭhen pańcae khojkan uni hõ alom dea giḍikaea.

Luk 12:21

Ado mucạtʼre Jisui menkeda, “Okoe hoṛ apnar lạgitʼ dhone jarwae ar Isor samaṅre kisạ̃ṛicʼe baṅkan, enḍekhan uniakʼ dosa hõ onkage hoyokʼtaea.”

Luk 3:11

Metatʼkoae, “Jãhãeakʼ barea aṅgrop menakʼtae khan, uni do bạnukʼtaeicʼe hạṭińaema. Ar jomakʼ menakʼtaeicʼ hõe onkaema.”

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 11:29

Unre celako doko goṭakeda, Jihudạ disạmren biswạsi boehako goṛoako lạgitʼ apan ạpin daṛe leka onko do jemon ṭakako kol. Arko onkaletʼgea.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛoakokan tahẽkana.

Romiko lạgitʼ Pạul Apostolakʼ ciṭhi 12:13

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

Romiko lạgitʼ Pạul Apostolakʼ ciṭhi 12:8

okoe sikhạu paṛhao reakʼ daṛeye ńamakatʼ uni doe sikhạu paṛhaokoma; okoe eṭakʼko danako reakʼ daṛeye ńamakatʼ, uni do soṛa monteye emokʼma; okoe mukhiyạ hoyokʼ reakʼ daṛeye ńamakatʼ uni do jidkateye calaoma; ar okoe eṭakʼko goṛowako lạgitʼ daṛeye ńamakatʼ uni do kharsala monteye goṛoakoma.

1 Korinthiko 16:2

Ape mimitʼko apeakʼ daṛe leka thoṛa thoṛate doho jarwaepe hapta reakʼ pạhil dinre, jemon ińiń hecʼlenre canda uṭhạu alo lagaoape.

2 Korinthiko 8:12

Jãhãeakʼ emokʼ reakʼ sana tahentae khan enḍekhan uni do oka menakʼtae ona lekage Isor uniakʼ dane ataṅtaea, ar oka bạnukʼtae ona do Isor bae khojkana.

2 Korinthiko 8:9

Ape do aboren Probhu Jisu Mạsiakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniakʼ reṅgejokʼ hotete apepe kisạ̃ṛ daṛeakʼ.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Ephesiko lạgitʼ Pạul Apostolakʼ ciṭhi 4:28

Kombṛoicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

1Timothi 5:10

Ona chaḍa bhage kạmire uniakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiạ paṛao akae jemone tahen.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạte saphakote eken acʼrengeko hoyokʼte eṭakʼko bhạlại lạgitʼko ahkaokʼ.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛedekan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

1 Patras 3:11

Uni do bạṛicʼ kạmi khone sahaṛokʼ ma, ar bhageakʼe kạmima; suluk ńam lạgitʼe kurumuṭuima. Ar ona do aloe bạgiyakʼ ma.

1 Johan 3:17

Noa dhạrtire jiwetʼ tahen lạgitʼ okoeakʼ ạsulokʼakʼko menakʼtae, ar acʼren boehawakʼ reṅgecʼ ńelkate hõ bae beṅgetʼae enḍekhan cekate uniakʼ ontorre Isorakʼ dulạṛ do tahẽ daṛekokʼa?

3 Johan 1:11

Dulạṛiạ gate, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńṭoṭhadea.