1Timothi 5:3 - Santali Common Language New Testament

³ Okoe rạnḍi maejiuren celege bạnukʼko onko tojbijkope.

সান্তালী বাইবেল

³ Okoe rạnḍi maejiuren celege bạnukʼko onko tojbijkope.

1Timothi 5:3 Iomraidhean Croise

Mathae 15:6

enḍekhan uni do eṅgat se apat manotkin reakʼ jạruṛ bạnukʼtaea. Apeakʼ noako ạri-cạli iạtege ape do Isorakʼ kathape mạutạ akada.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼetʼ kana. Onare ape hõ bape bolokʼkana ar okoe bolokʼko kurumuṭukan onko hõ bape bolo ocoakokana.

Luk 2:37

Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawaekan tahẽkana.

Luk 7:12

Ado ona ato reakʼ phaṭok-duạr ṭhene seṭeren khan mitʼṭen gocʼ hoṛ do bahreteko oḍok ạguyede tahẽkana. Ar okoeye gocʼ akan tahẽkan uni do eṅgattetʼren sadher hopone tahẽkana, ar uni maejiu hõ rạnḍigeye tahẽkana. Ar atoren ḍher hoṛge uni rạnḍi maejiu sãoteko tahẽkana.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniakʼ monre jãhãn phạsiạratetʼge bạnukʼ anaṅ.”

Aposkạmi 6:1

Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkana onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Aposkạmi 9:41

Unre Patras do ti sapʼkate uniye beretʼkedea. Ar Isorren hoṛko ar rạnḍi maejiuko hohoatʼkote onkoe udukʼatʼkoa je, Dorkas doe jiwetʼena.

1 Thessalonikikko 2:6

Hoṛko ṭhen khon, metakʼme ape ṭhen se eṭakʼ jãhãeko ṭhen khon sarhao ńam reakʼ do bale kurumuṭu akada. Ale do Mạsiren apostolko lekate aleakʼ ạidạri ape cetanrele khaṭao daṛekea,

1Timothi 5:2

Buḍhi hoṛko do gogo leka, ar kom umerren maejiuko do miserako leka napaete bujhạukope.

Jakob 1:27

Rạnḍi maejiu ar tũạr amarko dukokʼre hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼ kana Isorakʼ mẽtʼre sạri dhorom ar khạṭitetʼ.

1 Patras 2:17

Joto hoṛge manotkope, aperen biswạsi boehako dulạṛkope, Isor botoraepe, ar maharaj manotepe.

1 Patras 3:7

Onkage ape hõ E jãwãeko, ape do buj sujte bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.