1Timothi 5:1 - Santali Common Language New Testament

¹ Haṛam hoṛko dos udukʼakore ãṭ kathate alope metakoa; bickom baba leka ạjijakope. Ar juạnko do aperen boehako leka bujhạukope.

সান্তালী বাইবেল

¹ Haṛam hoṛko dos udukʼakore ãṭ kathate alope metakoa; bickom baba leka ạjijakope. Ar juạnko do aperen boehako leka bujhạukope.

1Timothi 5:1 Iomraidhean Croise

Mathae 23:8

“Ape do guru mente alope hoho ocokʼa, ente mitʼṭengeae aperen Guru do, ar ape do jotokogepe boeha kana.

Aposkạmi 14:23

Unkin do mitʼke mitʼ manḍerre maraṅ mukhiyạ kin bahalketʼkoa ar okoe Probhu cetanreko biswạs akan tahẽkan, koejoṅ ar upạste uni Probhuakʼ tirege manḍerren hoṛkokin jimạkatʼkoa.

Aposkạmi 15:4

Pạul ar Barnabas Jerusalemtekin hecʼen khan manḍerren hoṛko, mukhiyạko ar apostolko do ạḍi rạskạ salakʼko ataṅ daramketʼkinạ. Ar unkin hotete Isor okakoe cekaletʼ tahẽkan ona sanamakʼkin lạiatʼkoa.

Aposkạmi 15:6

Unre apostolko ar manḍerren mukhiyạko do noa reaṅ hudis lạgitʼ mitʼ ṭhenko jarwayena.

Aposkạmi 20:17

Pạul do Miletus khon Ephesuste hoṛ kolkate ona manḍerren murubikoe hoho ạgu ocoketʼkoa.

Romiko lạgitʼ Pạul Apostolakʼ ciṭhi 13:7

Okoeakʼ oka paona ona emkataepe. Khajna hataoicʼ do khajna; mạsul uṭhạuicʼ do mạsul; botorae lekicʼ do botor; ar manot emae lekicʼ do manot emaepe.

Galathiko lạgitʼ Pạul Apostolakʼ ciṭhi 6:1

E boehako, ape modre jãhãe hoṛ jãhãn dosreye paṛaolenre, enḍekhan okoe sonot Jiu tabere menakʼpe ape do onkanicʼ jut ruạṛepe. Menkhan dulạṛ monte noa kạmipe ar apnartetʼ sontor tahenpe jemon ape hõ kạire alope ńurokʼ.

1Timothi 5:17

Manḍerren maraṅ mukhiyạko okoe bes okocʼte manḍerko calaoetʼkan, ar okoe do Isorakʼ kathako porcaretʼkan ar lại cecetʼreko mehnotetʼkan, onko do dobṛa manot ocokʼ lek kanako.

1Timothi 5:2

Buḍhi hoṛko do gogo leka, ar kom umerren maejiuko do miserako leka napaete bujhạukope.

Titus lạgitʼ Pạul Apostolakʼ ciṭhi 2:2

Haṛam hoṛ do jotowakʼre soteko tahen ma; ar manot ńam lekko hoyokʼma; onko do bhage akelanko, sạri pạtiạu, dulạṛ ar sombhuri mon tahentako.

Titus lạgitʼ Pạul Apostolakʼ ciṭhi 2:6

Onkage juạnko hõ hukumakome jemon apnartetʼko sambṛaokʼ.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Jakob 5:14

Uni doe sarhao sereń ma. Jãhãe ruạreye paṛao akana? Uni do manḍerren mukhiyạkoe hoho jarwakoma. Onko do Probhu ńutumte uniakʼ bohokʼre sunumko ojokʼaete uniko koeyae ma.

1 Patras 5:1

Iń do Mạsiakʼ duk sasetren goha kạnạń ar Mạsiakʼ oka ṭhonok sodorokʼ onaren hõ bhạgiạdar kạnạń. Onate ape modre okoe doko manḍerren maraṅ mukhiyạkan iń do onkoren ar mitʼṭen maraṅ mukhiyạ lekate noa sikhạunań emako kana.

2 Johan 1:1

Isor okoeye bachao akade uni maejiu ar uniren hoponko ṭhen iń murubi do noa ciṭhiń oletʼkana. Isorakʼ sạriạkʼtetʼ iạte iń do ape sanamkoń dulạṛetʼpea. Eken ińiń dulạṛetʼpea ona do baṅ, menkhan okoe Isorakʼ sạriakʼtetʼko baḍae oromakatʼ onko sanamkoge apeko dulạṛetʼpea.

3 Johan 1:1

Isorakʼ sạriakʼtetʼ iạte okoeyiń dulạṛedekan, ińren uni dulạṛiạ gate Gạius ṭhen iń murubi do noa ciṭhiń oleda.

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.