1Timothi 4:3 - Santali Common Language New Testament

³ Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriakʼtetʼko baḍae akatʼ, onko do gun manao joharkateko jomma ar onatege Isor do noako jomakʼe sirjạu akada.

সান্তালী বাইবেল

³ Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriyakʼtetʼko baḍae akatʼ, onko do gun manao joharkateko jomma ar ona iạtege Isor do noako jomakʼe sirjạu akada.

1Timothi 4:3 Iomraidhean Croise

Mathae 14:19

Tayomte uni do gadel hoṛko ghãsre duṛupʼe hukumatʼkoa, ar ona mõṛẽ goṭen piṭhạ ar barea hako ataṅkate serma secʼ beṅgetʼkateye bhorada. Inạ tayom piṭhại kecakʼketʼte celakoe ematʼkoa ar celako do gadel hoṛkoko calatʼkoa. Ar sanamkoko jomkeda arko biyena.

Mathae 15:11

Moca secʼte oka bolokʼkan onate manwa do bae bhõnḍokʼa, menkhan moca khon oka oḍokokʼkan onatege manwa doe bhõnḍokʼ kana.”

Mathae 15:36

Ar Isore gun manao joharadete onakoe kecakʼketʼte celakoe calatʼkoa ar onko do gadel hoṛkoko ematʼkoa.

Luk 24:30

Ado unkin tulucʼ jojome duṛupʼenre uni do piṭhạ ataṅkate Isore gunmanao joharadea are kecakʼketʼteye ematʼkinạ.

Johan 6:23

Menkhan okare Probhu do gun manao joharkate hoṛko piṭhại jom ocoletʼko ona jaegare unre Tibiriạ nagraha khon eṭakʼ lạukạko hecʼena.

Aposkạmi 27:35

Ado noa katha menkate Pạul do piṭhạ hataokate onko samaṅre Isore gun manao joharadea ar ona kecakʼkate jojome ehopʼena.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼ kana, dhorom ar suluk ar rạskạge Sonot Jiure.

Romiko lạgitʼ Pạul Apostolakʼ ciṭhi 14:3

Jel jojom hoṛ do jel baṅ jojomicʼ hoṛ aloe nisṛạuema ar jel jojomicʼ hõ jel baṅ jojomicʼakʼ dos aloe sabtaema, ente Isor do unkin bana hoṛgeye ataṅ sãohã akatʼkinạ.

Romiko lạgitʼ Pạul Apostolakʼ ciṭhi 14:6

Din okoeye manaoetʼkan uni do Probhu kusi ocoye lạgitʼgeye onkayeda. Ar okoe sanamakʼe jometʼkan uni do Probhu kusi ocoye lạgitʼgeye jomeda, ente uni do Isore gunmanao joharae kana. Okoe sanamakʼ bae jometʼkan uni hõ Probhu kusi ocoye lạgitʼge bae jomeda, ar uni hõ Isore gun manao joharae kana.

1 Korinthiko 6:13

Ar noa katha hõ roṛakana, “Jomakʼ do lacʼ lạgitʼ, ar lacʼ do jomakʼ lạgitʼge.” Menkhan mitʼ din Isor do noakin banargeye maraoa. Hoṛmo hõ loṭghuṭi lạgitʼ do baṅkana bickom ona do Probhu lạgitʼge ar Probhu do hoṛmo lạgitʼge.

1 Korinthiko 7:28

Menkhan amem baplalenre am do bam kạiyetʼ kana. Ar jãhãe kũạ̃ri kuṛiye baplalenre uni hõ bae kạiyeda. Menkhan okoeko baplakʼkan onko do hoṛmore jalako ńama, ar iń do ona khoniń rukhiyạkepea.

1 Korinthiko 8:8

Menkhan jomakʼ hotete Isor ṭhen do babo teṅgo ṭarhao daṛeakʼa. Ente babon jomle khan aboakʼ do cetʼ loksan hõ baṅ hoyokʼtabona; ar bon jom lekhan hõ jãhãn lab do bạnukʼa.

Kolossiko lạgitʼ Pạul Apostolakʼ ciṭhi 2:16

Onate jom-ńu se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumte kạmipe ar uni hotete Isor Baba hõ gunmanao joharaepe.

1Timothi 2:4

Uni doe menjoṅkana sanamkoge jemon kại khon bańcaoko ńam ar Mạsi reaṅ sạri khạndritetʼko baḍae daṛeakʼ.

1Timothi 4:4

Isore sirjạu akatʼ sanamakʼge bhagegea, onate okaṭakʼ hõ bạṛicʼ hudiskate giḍikakʼ lek do baṅkana; menkhan ona do jemon gun manao joharkate ataṅokʼ,

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoe lek kana, ente jãhãlekan laṭghaṭge, ar jãhãe ona dusireko dusige khan Isor do onkoe sạjạikogea.

Ibriko 13:9

Aema lekan nawa nawa cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoelentakoa.