1Timothi 1:5 - Santali Common Language New Testament

⁵ Noa hukum reakʼ monsubạ do hoyokʼ kana dulạṛ udgạu ocoe. Noa dulạṛ do niphuṭ ontor, sapha bibek ar sạri biswạs khon hijukʼ kana.

সান্তালী বাইবেল

⁵ Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

1Timothi 1:5 Iomraidhean Croise

Mathae 12:35

Bhage hoṛ do acʼakʼ bhageakʼ khon bhageakʼgeye oḍoka, ar bạṛicʼ hoṛ do acʼakʼ bạṛicʼ babaeakʼ khon bạṛicʼakʼgeye oḍoka.

Mathae 5:8

Okoeakʼ ontor khạṭigetako onkogeko bhạgana, ente onko do Isorko ńelea.

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoe reakʼ iń kurumuṭuyeda.

Romiko lạgitʼ Pạul Apostolakʼ ciṭhi 10:4

Mạsige ạnkoe purạuketʼte ona reakʼ daṛeye bạtilkeda, jemon acʼre okoeko pạtiạukʼ onko do Isor ṭhen dhorom menteko ataṅ ocokʼ.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Romiko lạgitʼ Pạul Apostolakʼ ciṭhi 14:15

Jãhãn jomakʼ iạte amren boeham duk ocoyedekan khan am do bam dulạṛede kana. Okoe lạgitʼ Mạsiye gocʼlen, jomakʼ karonte uni do alom nasao ocoyea.

Romiko lạgitʼ Pạul Apostolakʼ ciṭhi 9:1

Mạsi tulucʼ mitʼakanteń meneda, iń do ontorre ạḍi duk ar ạḍi kosṭoń ńameda, ar noa do sạri katha kana, eṛe do baṅa. Ińakʼ bibek hõ sonot Jiure jopoṛao tahẽkate inạ mitʼ gohageye emeda.

1 Korinthiko 13:1

Manwakoakʼ ar serma goḍetkoakʼ pạrsiteń roṛlere hõ dulạṛ bạnukʼtiń khan, raṛaṅ raṛaṅokʼkan ghonṭa ar chaṅ chaṅokʼkan kortaliń hoeakana.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsirenkan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

1Timothi 1:18

E bachatiń Timothi, am reaṅ eṭakʼko nạbi lekate oka kathako lạiletʼ ona katha lekage iń do noań hukumam kana. Ar noa katha disạ dohoe tulucʼ am do Mạsi khạtirte jiwi alaekate ma lạṛhạime.

1Timothi 1:19

Ona sãote biswạs ar bhage bibek dohojoṅme. Adom hoṛ do bibek reakʼ katha bako ańjometʼkante biswạsre tạkicʼakʼko janam ocoyeda.

1Timothi 3:9

Onko do sapha bibekte jemon Mạsiakʼ dhorom biswạs reakʼ sạri okoakʼko sapʼ doho daṛeakʼ.

2Timothi 1:3

Ińren mare hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

2Timothi 1:5

Amakʼ ontorre menakʼ sạri biswạs reakʼ katha hõ disạ menakʼ getińa. Ar noa biswạs do amren goṛom ayo Loisre ar amren eṅgam Eunikere girobas akan tahẽkana, ar ińiń baḍaea, noa biswạs do amakʼ ontorre hõ menakʼgea.

2Timothi 2:22

Juạn umer reakʼ bạṛicʼ sanako khon ńirjoṅme ar sapha ontorte Probhuko hohoaekan onko tulucʼ dhorom, pạtiạr, dulạṛ ar suluk baṛe khudạume.

Titus lạgitʼ Pạul Apostolakʼ ciṭhi 1:15

Okoeakʼ ontor napaege onko ṭhen do jotowakʼge napaegea, menkhan okoeakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

Ibriko 10:22

Onate pạtiạu talate oka khạṭitetʼ hijukʼkan, ona sạbit utạrakʼ khạṭi ontorte Isor samaṅre bon calakʼma; ente dusi bibek reakʼ ti khon aboakʼ ontor do mãyãm chiṭạukate sapha ocoakana ar phạriạ dakʼte hoṛmo do um sapha akan tabona.

Ibriko 13:18

Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor khạṭi dohoepe.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Patras 3:16

Apeakʼ bibek sapha dohoetape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.

1 Patras 3:21

Noa do hoyokʼ kana bạptisma reakʼ mitʼṭen nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilạye ocokʼ giḍi daṛeakʼa ona do baṅ; Isor ṭhen noa do mitʼṭen bhage bibek reakʼ hohokana. Ape do Jisu Mạsiakʼ gujukʼ ar jiwetʼ beredokʼ hotetepe bańcao ocoakana.

1 Patras 4:8

Sanam khon maraṅ katha do hoyokʼ kana, ape apere khạndri dupulạṛ tahentape ma, ente dupulạṛ do ạḍi utạr kạiye dapala.

2 Patras 1:7

ar bhokti tulucʼ boeha dulạṛ ar ona dulạṛ sãote arhõ khạndri dulạṛ mon juṭucʼakʼpe.

1 Johan 3:10

Okoe bhage kạmire apnar bako lạgiạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana.

1 Johan 3:23

Uniakʼ hukum do naoge, jemon uniren Hopon Jisu Mạsire bon pạtiạukʼ ar abo abore bon dupulạṛ. Ar noa hukumge uni doe emoṭoakatʼ bona.

1 Johan 3:3

Okoe Mạsire noa ase dohoe uni do apnare khạṭikʼ kana cetʼleka Mạsiye khạṭige.