1Timothi 1:3 - Santali Common Language New Testament

³ Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do judạwakʼ alo jemonko lại cecetʼ.

সান্তালী বাইবেল

³ Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do eṛe cecetʼakʼ aloko emokʼ.

1Timothi 1:3 Iomraidhean Croise

Aposkạmi 18:19

Ar Ephesus nagrahae seṭeren khan Priskillạ ar Akuilạ doe bạgiatʼkinạ. Ar sunạgogre bolokate Jihudiko sãote apnarge Jisu reaṅ galmaraoakoe ehopʼena.

Aposkạmi 18:21

Menkhan onḍe khon calakʼ jokhecʼ uni doe metatʼkoa, “Isorakʼ sana hoelen khan iń do arhõń ruạṛ hijukʼa.” Ar ona tayom uni do Ephesus khon jahajteye mohnḍayena.

Romiko lạgitʼ Pạul Apostolakʼ ciṭhi 15:26

ente Jerusalemre Isorren hoṛko modre okoe reṅgecʼ hoṛ menakʼko onko lạgitʼ Makedoniạ ar Akhaea manḍerren hoṛko do thoṛa danko uṭhạu akada.

Romiko lạgitʼ Pạul Apostolakʼ ciṭhi 16:17

E boehako, okaṭakʼ sikhnạtpe ńamakatʼ ona birudre okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

2 Korinthiko 11:4

Ente okoe Jisu reakʼ kathale porcar akatʼ, uni chaḍa jãhãe eṭakʼ Jisuakʼ kathae porcarape se okoe sonot Jiupe ńamakade uni chaḍa eṭakʼ lekan Jiupe ńame, se oka bhage sombatpe ataṅakatʼ ona khon eṭakʼ lekan bhage sombatpe ńametʼkanre ape do ạḍi rạskạ salakʼge onape ataṅetʼ kana.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Philipiko lạgitʼ Pạul apostolakʼ ciṭhi 2:24

Probhure noa pạtiạu menakʼtińạ je, iń apnar hõ usạrategeń hijukʼa.

1Timothi 4:11

Ar noako babotre am do hukum emakom ar cetʼakome.

1Timothi 4:6

Am do noako reaṅ boehakom bujhạuako khan enḍekhan Mạsiakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

1Timothi 5:7

Onko do noako babotre hukumakope jemon okoe hõ aloko dusi daṛeako.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼma, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beohar joṅ lạgitʼ.

1Timothi 6:3

Jãhãe hoṛ judạwakʼe lại cecetʼ khan ar sạriakʼ kathako, metakʼme aboren Probhu Jisu Mạsiakʼ kathako ar Isor bhokti sikhạunako bae aṅgoc enḍekhan uni do bạḍạiteye phulạu akana.

2Timothi 1:18

Ephesusre okalekae sapʼ dapʼetʼ tahẽkan, ona do bes okocʼtem baḍaegea. Probhui danae ma, jemon Mạsiakʼ hijukʼ dinre Probhu ṭhen khon mãyãe ńam.

2 Johan 1:7

Dhạrtire nonkan aema hoṛko oḍok akana okoe doko bulạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

Johan sodor 2:14

Menkhan enhõ am birudre ińakʼ roṛ reakʼ thoṛa menakʼtińạ. Onḍe am ṭhen nonkan hoṛko menakʼkoa okoe do Balamakʼ sikhnạt lekateko calakʼkan. Balak raj do Balame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Johan sodor 2:20

Enhõ am birudre ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼko jom.