तीतुस 3:9 - सादरी नवाँ नियम

⁹ मगर तोंय बे मतलब केर उटपटांग बक झक, पुरखामन केर बंशावली, बिरोध आउर झगरामन से दूर रह, जे मूसा केर नियम केर बारे में अहे, काले कि उमन बेकार आउर कोनों फायदा केर ना लगे।

तीतुस 3:9 Iomraidhean Croise

1 कुरिनथियनमन 13:2

आउर अगर मोंय परमेश्‍वर केर संदेश के परचार करमूँ, आउर सोउब भेदमन आउर सोउब रकम केर गेयान के समझमूँ, आउर मोर ठिना परमेश्‍वर उपरे एतना मजबूत बिसवास अहे कि मोंय पहारमन के हों हटाएक पारमूँ, मगर प्रेम नी करमूँ, तो बिलकुल मोर कोनों कीमत नखे।

1 कुरिनथियनमन 8:1

तोहरे अपन चिट्ठी में मूर्तिमन लगिन बलि चढ़ाल चीजमन केर बारे में पूइछ हा, हमरे सोउब इकर बारे में जानिला, मगर गेयान हमरे के खुद केर उपरे घमंडी बनायला, जबकि प्रेम हमरे के एक दोसर केर मदइत करेक वाला बनायला।

1 तीमुथियुस 4:7

अशुद्ध आउर झूठा कहानीमन में अपन समय के ना गवाँव, मगर परमेश्‍वर के आदर देवेक वाला जिंदगी जी के, खुद के लगातार सिखाते रह।

2 तीमुथियुस 2:14

इ गोइठमन केर बारे में बिसवासीमन के घरी-घरी सिखाव, जेके मोंय तोके सिखाय हों। आउर परमेश्‍वर के एगो गवाह नियर माइन के उमन के चेताय दे कि उमन शबदमन केर अर्थमन उपरे बक-झक ना करोक। जेकर से कोनों फायदा नी होवेला, बल्कि सूनाइयामन बिगइड़ जायना।

2 तीमुथियुस 2:16

मगर बेकार गोइठमन के ना सुन, जेकर से परमेश्‍वर के कोनों आदर नी मिलेला। बल्कि एइसन गोइठमन आदमीमन के परमेश्‍वर से आउर बगरा दूर लेई जायला।

2 तीमुथियुस 2:23

बे मतलब केर आउर उटपटांग बक-झक से दूर रह, काले कि तोंय जानिसला, उमन से झगरा होवेला।

तीतुस 1:14

आउर उमन यहूदीमन केर झूठा कथा कहानीमन आउर उ आदमीमन केर आगयामन उपरे मन ना लगाओक, जेकर से कोनों फायदा नखे, बल्कि उ आदमीमन के यीशु मसीह केर सच्चा संदेश उपरे बिसवास करेक से भटकाय देवेला।

याकूब 4:1

तोहर माझे लड़ाईमन आउर झगरामन काले होवेला? इ उ स्वार्थी इच्छामन से आवेला जे तोहर अंगमन में लड़ते-भिड़ते रहेला।