तीतुस 3:8 - सादरी नवाँ नियम

⁸ इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

तीतुस 3:8 Iomraidhean Croise

मत्ती 20:4

उमन से कहलक, ‘तोहरेमन हों मोर अंगूर केर बारी में जावा आउर काम करा, जे उचित मजूरी बनी, मोंय तोहरेमन के देमूँ।’ उमन कमाएक लगिन चाइल गेलैं।

यूहन्ना 12:44

यीशु भीड़ केर आदमीमन के हकाय के कहलक, “जे मोर उपरे बिसवास करेला, उ मोर उपरे निहीं मगर जे मोके भेइज हे, उकर उपरे बिसवास करेला।

यूहन्ना 5:24

मोंय तोहर से सच कहाथों, जे मोर बचन के सुनेला आउर सुइन के मोर भेजेक वाला केर उपरे बिसवास करेला, उके जुग-जुग केर जिंदगी मिल हे, उके सजा नी देवल जाई, मगर उ जुग-जुग ले मोरेक से बाइच के नवाँ जिंदगी पाय चुइक हे।

खास चेलामन केर काम 12:15

उमन उकर से कहलैं, “तोंय पगली हेकिस।” मगर उ जोर देई के कहलक कि इ पतरस हें हेके, तब उमन कहलैं, “उ पतरस केर स्वरगदूत होवी।”

रोमानियनमन 4:5

मगर जे आदमी धरमी ठहरेक लगिन काम नी करेला, बल्कि पापी आदमी के धरमी ठहराएक वाला उपरे बिसवास करेला, उकर बिसवास उके धरमी ठहरायला।

2 कुरिनथियनमन 4:13

से लगिन हमरे लगातार परचार करिला काले कि हमरे में ओहे नियर बिसवास अहे, जइसन पवितर किताब में लिखल अहे, “मोंय परमेश्‍वर में बिसवास करलों, से लगिन मोंय गोठियालों।”

इफिसियनमन 4:28

चोरी करेक वाला फिन चोरी ना करोक, बल्कि उके अपन हाँथ से ईमानदारी से काम करेक चाही, ताकि गरीबमन के देवेक ले उकर ठिना भरपूर चीजमन रहोक।

1 तीमुथियुस 1:15

इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

1 तीमुथियुस 2:8

मोंय चाहोना कि सोउब जगा सभामन में मरदानामन परमेश्‍वर लगिन अपन दुइयो हाँथ के उठाय के बेगर खीस आउर बेगर बक-झक केर प्रार्थना करोक।

1 तीमुथियुस 5:10

आउर उकर नाँव भला काम करेक वाला केर रूप में जानल जायला, जे छउवा पुतामन केर ठीक से पालन-पोषण काइर हे, गोतियामन केर सेवा काइर हे, आउर परेशानी में पड़ल आदमी मनक मदइत काइर हे, आउर सोउब रकम केर भला काम के करेक में मन लगाएक वाला हेके।

2 तीमुथियुस 1:12

इ एहे खातिर होई हे जेकर से मोंय हिंयाँ जेहेल में हों दुःख उठाथों, आउर नी लजावना, काले कि मोंय मसीह के जानोना जेकर उपरे मोंय बिसवास काइर हों, आउर मोके पूरा भरसा अहे कि यीशु मसीह उ दिन तक, जब तक उ घूइर के नी आवी, जे कोनों उ मोके देई हे उकर रखवाली करी।

तीतुस 1:9

आउर उके मसीह केर बारे में बिसवास लाएक संदेश उपरे पोक्ता बिसवास करेक चाही जेके हमरे सिखाय ही। ताकि उ दोसरमन के सही शिक्षा केर पालन करेक ले उसकायक पारी, आउर जेमन सही शिक्षा केर बिरोध करैना उ उमन के गलत ठहराएक पारी।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

तीतुस 3:1

बिसवासीमन के याइद दिवाव कि उमन हाकिममन आउर अधिकारीमन केर आदर करोक, आउर उमन केर आगया के मानोक, आउर दोसरमन लगिन बेस काम के करोक।

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

फिलेमोन 1:11

एक समय रहे जब उ तोर कोनों काम केर नी रहे, मगर अब तोर आउर मोर दुयो झन केर बड़का काम केर हेके।

इब्रानीमन 10:24

आवा हमरे एक दोसर के प्रेम करेक लगिन उसकाते रहब आउर भला काममन के करते रहब।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।