तीतुस 3:3 - सादरी नवाँ नियम

³ काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

तीतुस 3:3 Iomraidhean Croise

मत्ती 21:29

उ अपन आबा के जबाब देलक, ‘मोंय नी जामूँ,’ मगर पाछे पसताय के अंगूर केर बारी में कमाएक लगिन चाइल गेलक।

लूका 21:8

यीशु जबाब देलक, “सावधान रहा, बहइक ना जबा, काले कि ढेइर आदमीमन मोर नाँव से आय के कहबैं, ‘मोंय मसीह हेकों!’ आउर इ हों कहबैं, ‘समय भीरे आय पोंहइच हें।’ तोहरेमन उ मनक पिछे ना चाइल जबा।

यूहन्ना 8:34

यीशु उमन के जबाब देलक, “मोंय तोहरेमन से सच-सच कहाथों कि जे केऊ पाप करेला, उ पाप केर गुलाम हेके।

रोमानियनमन 11:30

परमेश्‍वर सोउब आदमीमन के आगया नी मानेक लगिन छोइड़ देलक, ताकि सोउबमन उपरे दया करोक। एक समय तोहरे परजाइतमन परमेश्‍वर केर आगया के नी मानला से लगिन इसराइलीमन उपरे दया होलक, मगर एखन इसराइलीमन परमेश्‍वर केर आगया के नी मानाथैं, सेकर चलते तोहर उपरे दया होलक।

रोमानियनमन 6:12

इ लगिन पाप तोहर मोरल काया में राइज ना करोक, ताकि तोहरेमन पाप केर इच्छा के पूरा नी करबा।

रोमानियनमन 6:17

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।

रोमानियनमन 6:22

मगर अब पाप से आजाद होई के आउर परमेश्‍वर केर धांगर बाइन के, तोहरेमन उ काममन के करा जे पवितर जिंदगी जियेक लगिन अगुवाई करेला, जेकर फल जुग-जुग केर जिंदगी हेके।

रोमानियनमन 6:6

काले कि हमरे जानिला कि हमर पुरना पापी स्वभाव यीशु मसीह केर संगे क्रूस उपरे चढ़ाल गेलक, ताकि हमर काया केर पापी स्वभाव नाश होई जाई आउर हमरे पाप केर गुलाम में नी रहब।

2 कुरिनथियनमन 12:20

काले कि मोके डार अहे, कहीं एइसन ना होवोक कि मोंय आय के जइसन चाहोना, तइसन तोहरेमन के नी पामूँ, आउर तोहरेमन हों मोके जइसन चाहाला तइसन नी पाबा, जेकर से तोहर माझे झगरा, हिसिंगा, डाह, खीस, स्वार्थ, चुगली, घमंड, आउर बखेड़ा ना होवोक।

गलातियनमन 6:3

अगर केऊ अपने के समझेला कि मोंय खास आदमी हेकों, जबकि उ खास आदमी ना लगे, तो खुद के उ धोखा देवाथे।

कुलुसियनमन 1:21

तोहरेमन जे पहिले परमेश्‍वर से दूर रहा, आउर अपन बुरा काममन केर चलते उकर दुश्मन रहा।

कुलुसियनमन 3:7

आउर एक समय तोहरे हों एहे बुरा काममन केर मोताबिक अपन जिंदगी के बितात रहा, तो तोहरे हों एहेमन केर मोताबिक चलत रहा।

2 तीमुथियुस 3:13

मगर दुष्ट आउर बहकाएक वालामन धोखा देते आउर धोखा खाते, बिगड़ते चाइल जाबैं।

2 तीमुथियुस 3:6

एहेमन में से थोरेक आदमीमन दोसर मनक घर में जायना आउर मूरख जनानामन के अपन कब्जा में काइर लेवैना। जेमन पापमन से दबल आउर सोउब रकम केर बुरा इच्छामन केर कब्जा में अहैं।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

तीतुस 2:12

आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

याकूब 1:26

अगर केऊ खुद के परमेश्‍वर केर भक्त समझेला, आउर अपन जीभ के बुरा गोइठ गोठियाएक से नी रोकेला, तो उ खुद के धोखा देवेला आउर उकर भक्ति बेकार अहे।

1 पतरस 1:14

आउर परमेश्‍वर केर आगया के माना जइसन कि बेस छउवामन अपन आबा केर आगया के मानैना। आउर उ बुरा काममन के ना करा जेके तोहरे उ बेरा करेक चाहत रहा, जब तोहरे परमेश्‍वर केर सच्चाई के नी जानत रहा।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 18:2

उ जोर से कहलक, “धाँइस गेलक, महान देस बेबीलोन धाँइस जाय हे! उ भूतमन केर डेरा आउर हर एक अशुद्ध आत्मामन केर अड्डा आउर हर एक अशुद्ध आउर घिनघिना चरई केर अड्डा बाइन गेलक।