तीतुस 3:2 - सादरी नवाँ नियम

² केखो बदनाम ना करोक आउर ना केकरो से झगरा लड़ोक, मगर किरपा करेक वाला स्वभाव से रहोक, आउर सोउब आदमीमन केर संगे नरम बाइन के रहोक।

तीतुस 3:2 Iomraidhean Croise

मत्ती 11:29

मोर पाछे होई लेवा आउर मोर से सिखा, काले कि मोंय मन से सीधा आउर हृदय से नरम अहों, इ लेखे तोहरेमन अपन मन में आराम पाबा।

खास चेलामन केर काम 23:5

पौलुस जबाब देलक, “हे भाईमन, मोंय नी जानत रहों कि इ यहूदी महापुरोहित हेके। काले कि पवितर किताब में लिखल अहे, ‘अपन परजा केर अगुवा के बुरा शबद ना कहबे।’”

1 कुरिनथियनमन 6:10

ना चोर, ना लोभी, ना मतवार, ना गरियाएक वाला, ना धोखाबाज आदमी परमेश्‍वर केर राइज केर हकदार होवी।

1 कुरिनथियनमन 9:19

इकर मतलब मोंय आदमीमन केर आगया मानेक लगिन गुलाम नखों कि उमन मोके तनखा देवैना, फिन भी मोंय सोउब केर धांगर बनलों ताकि मोंय उमन के मसीह ठिना लेई लानमूँ।

2 कुरिनथियनमन 10:1

थोरेक आदमीमन कहैना कि जब मोंय तोहर संगे रहोना तो नरम रहोना, मगर जब तोहर से दूर रहोना तो साहस करोना, से लगिन मोंय पौलुस तोहरे से अरजी करोना कि यीशु मसीह केर धीरज आउर नरम जिंदगी केर चलते मोंय उकर नमूना केर पालन करोना।

2 कुरिनथियनमन 12:20

काले कि मोके डार अहे, कहीं एइसन ना होवोक कि मोंय आय के जइसन चाहोना, तइसन तोहरेमन के नी पामूँ, आउर तोहरेमन हों मोके जइसन चाहाला तइसन नी पाबा, जेकर से तोहर माझे झगरा, हिसिंगा, डाह, खीस, स्वार्थ, चुगली, घमंड, आउर बखेड़ा ना होवोक।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

गलातियनमन 6:1

हे बिसवासी भाईमन, अगर केऊ आदमी कोनों पाप में धराय हों जाई, तो तोहरेमन जे पवितर आत्मा केर अगुवाई में चलाला, नरम भाव से उके धरम केर डहर में चलेक लगिन मदइत करा। आउर सावधान रहबा ताकि तोहरे खुद पाप करेक लगिन भटकाय देवल ना जबा।

गलातियनमन 6:10

इ लगिन जहाँ तक हमरे के मोका मिलेला, हमरे के सोउब आदमीमन केर भलाई करेक अहे, खास काइर के बिसवासी भाईमन केर।

इफिसियनमन 4:2

मतलब पूरा नरम भाव से छोट बाइन के प्रेम से दोसरमन केर गलती के साइह लेवा।

इफिसियनमन 4:31

सोउब रकम केर कड़ुवा गोइठ, झमेला, खीस, लड़ाई-झगरा, निंदा आउर सोउब रकम केर डाह के दूर काइर देवा।

फिलिप्पियनमन 4:5

तोहरे केर नरम स्वभाव के सोउब आदमीमन जाइन जाओक, प्रभु जल्दी हें स्वरग से घूइर आवाथे।

1थिस्सलुनीकियनमन 2:7

मगर जे लेखे आयो अपन छउवामन केर पालन-पोषण करेला, तइसनेहें हमरे हों तोहर माझे रइह के तोहरे केर धेयान राइख ही।

1 तीमुथियुस 3:11

एहे नियर कलीसिया में सेवकमन केर जनानामन के हों, आदर केर लायक होवेक चाही, दोसरमन केर निंदा करेक वाला नी होवेक चाही, उके शांत आउर सोउब गोइठमन में बिसवास लायक होवेक चाही।

1 तीमुथियुस 3:3

उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

याकूब 3:17

मगर जे गेयान परमेश्‍वर बटले आवेला उ पहिले तो पवितर होवेला, फिन शांति के पतियाएक वाला, कोमल, सभ्य, दया से भरल, बेस फारमन से लादल आउर भेद-भाव आउर कपट नी करेक वाला होवेला।

याकूब 4:11

हे भाईमन, एक दोसर केर निंदा ना करा। जे अपन भाई केर निंदा करेला चाहे उकर उपरे दोष लगायला तो उ परमेश्‍वर केर नियम केर निंदा करेला। आउर उकर उपरे दोष लगायला। अगर तोहरेमन परमेश्‍वर केर नियम केर उपरे दोष लगावला तो तोहरेमन उ नियम केर उपरे चलेक वाला निहीं मगर नियम केर फैसला करेक वाला बनाला।

1 पतरस 2:1

इ लगिन सोउब रकम केर बुरा ब्यवहार करेक छोइड़ देवा। आउर दोसरमन के धोखा ना देवा, कपट ना करा, दोसरमन से हिसिंगा ना करा, दोसरमन केर बिरोध में बुरा गोइठ ना कहा।

1 पतरस 3:10

काले कि पवितर किताब कहेला, “अगर केऊ अपन जिंदगी केर खुशी लेवेक चाहेला आउर बेस दिन चाहेला तो उके सावधान रहेक चाही कि उ बुरा गोइठमन के ना कहोक आउर उके एइसन गोइठमन के कहेक बंद काइर देवेक चाही जे सच नखे।

1 पतरस 3:8

आखरी में, मोंय तोहरे से इ कहेक चाहाथों कि तोहरे सोउब एकजूट रहा, आउर एक दोसर केर फिकिर करा, भाई-बहिन केर प्रेम नियर दोसरमन से प्रेम करा, दोसर मनक उपरे दया करा, एक दोसर केर संगे नरम बना।

1 पतरस 4:4

मगर अब तोहरे अपन पुरना संगमन केर बुरा काम में साथ नी देवाला, से लगिन उमन ताजुब होवैना आउर तोहर बारे में बुरा बोलैना।

2 पतरस 2:10

खास काइर के परमेश्‍वर उ झूठा पढ़ाएक वाला आदमीमन के दंड देवी, जे अपन बुरा काममन केर लालसा केर मोताबिक काम करैना आउर जे अपन उपरे परमेश्‍वर केर अधिकार के नी मानैना। उमन ढींठ आउर घमंडी अहैं, उमन महिमा से भरल स्वरगदूतमन केर बारे में बुरा कहेक से हों नी डरायना।

यहूदा 1:10

मगर इ आदमीमन जे गोइठमन के नी जानैना, उमन के बुरा भला कहैना, मगर जे गोइठमन के अनबुझ जानवरमन नियर स्वभाव से हें बुझैना, आउर इ पापी काममन के करेक केर चलते उमन खुद के नाश करैना।

यहूदा 1:8

ओहे लेखे बिसवास केर देखावा करेक वाला अधरमी आदमीमन इ दावा करैना कि परमेश्‍वर उमन के दर्शन में देखाय हे कि उमन अपन काया के गंदा काम काइर के अशुद्ध करेक पारैना। उमन परमेश्‍वर केर अधिकार के तुच्छ जानैना आउर स्वरग दूतमन केर बारे में बुरा भला कहैना।