तीतुस 3:1 - सादरी नवाँ नियम

¹ बिसवासीमन के याइद दिवाव कि उमन हाकिममन आउर अधिकारीमन केर आदर करोक, आउर उमन केर आगया के मानोक, आउर दोसरमन लगिन बेस काम के करोक।

तीतुस 3:1 Iomraidhean Croise

मत्ती 22:21

उमन यीशु से कहलैं, “महाराजा केर।” तब यीशु उमन से कहलक, “जे महाराजा केर हेके, उके महाराजा के आउर जे परमेश्‍वर केर हेके, उके परमेश्‍वर के देवा।”

1 कुरिनथियनमन 15:58

से लगिन हे मोर दुलार बिसवासी भाईमन, बिसवास में स्थिर बनल रहा आउर झूठा शिक्षामन केर चलते प्रभु से दूर ना होवा, आउर प्रभु केर काम में हमेशा बढ़ते जावा, काले कि तोहरे इ जानाला कि जे कोनों तोहरे प्रभु लगिन कराथा, उ बेकार नी होवी मगर उकर इनाम मिली।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

फिलिप्पियनमन 1:11

आउर उ धरमी बनेक केर फार मतलब बेस गुणमन से जे यीशु मसीह देवेक पारेला, भरपूर होते जबा, जेकर से परमेश्‍वर केर महिमा आउर स्तुति होते रहोक।

कुलुसियनमन 1:10

आउर तोहरे एइसन जिंदगी जियेक पारबा जइसन प्रभु चाहेला, आउर तोहर चाइल-चलन प्रभु केर आदमीमन केर चाइल-चलन नियर होवोक ताकि तोहरेमन सोउब रकम से प्रभु के खुश करबा, आउर तोहरे लगातार सोउब रकम केर अच्छा काम करते रहबा। आउर परमेश्‍वर के जानेक में लगातार बढ़ते जबा।

1 तीमुथियुस 2:2

राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

1 तीमुथियुस 5:10

आउर उकर नाँव भला काम करेक वाला केर रूप में जानल जायला, जे छउवा पुतामन केर ठीक से पालन-पोषण काइर हे, गोतियामन केर सेवा काइर हे, आउर परेशानी में पड़ल आदमी मनक मदइत काइर हे, आउर सोउब रकम केर भला काम के करेक में मन लगाएक वाला हेके।

2 तीमुथियुस 1:6

एहे चलते मोंय तोके याइद दिवावना कि तोंय परमेश्‍वर केर उ बरदान के, जे मोर हाँथ रखेक से तोके मिल हे चमकाय दे।

2 तीमुथियुस 2:14

इ गोइठमन केर बारे में बिसवासीमन के घरी-घरी सिखाव, जेके मोंय तोके सिखाय हों। आउर परमेश्‍वर के एगो गवाह नियर माइन के उमन के चेताय दे कि उमन शबदमन केर अर्थमन उपरे बक-झक ना करोक। जेकर से कोनों फायदा नी होवेला, बल्कि सूनाइयामन बिगइड़ जायना।

2 तीमुथियुस 2:21

से लगिन अगर केऊ खुद के उ सोउब से जे मइला अहे सफा करी, तो उ आदर केर बासन नियर पवितर गिनाई, जेके खास मोका में इस्तेमाल करल जायला। आउर उ अपन मालिक केर काम में आवेक लायक बाइन जाई, आउर हरेक बेस काम के करेक लगिन तेयार होवी।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

2 पतरस 1:12

हालाँकि तोहरेमन पहिले से हें इ गोइठमन के जानाला, आउर जे सच्चा शिक्षामन मसीह केर बारे में मिल हे उके मजबूती से धाइर रहा, जेके आदमीमन तोहरे के देई हैं, मोंय तोहरे के उमन केर बारे में लगातार याइद दिवाते रहमूँ।

यहूदा 1:5

मोंय तोहरे के याइद दिवाएक चाहोना हालाँकि इ गोइठ तोहरे के पहिले से हें पता अहे, परमेश्‍वर इसराइली आदमीमन के गुलामी से आजाद करालक आउर उमन के मिसर देस से बाहरे लेई आलक, मगर पाछे उ उमन के माइर मोरालक, काले कि उमन उकर उपरे बिसवास नी काइर रहैं।