तीतुस 2:8 - सादरी नवाँ नियम

⁸ आउर सच्चाई के एइसन सिखाव जेकर बुराई करेक नी पराई, ताकि तोर दुश्मन के बिरोध में कहेक केर कोनों मोका ना मिलोक आउर उ लाजिम होई जाओक।

तीतुस 2:8 Iomraidhean Croise

मरकुस 12:17

यीशु उमन से कहलक, “जे महाराजा केर हेके उके महाराजा के देवा आउर जे परमेश्‍वर केर हेके उके परमेश्‍वर के देवा।” उकर इ गोइठ के सुइन के उमन उकर उपरे ढेइर ताजुब करेक लगलैं।

मरकुस 12:28

यीशु आउर सदूकी मनक गोइठ के मूसा केर नियम के सिखाएक वालामन में से एगो सुनत रहे, उ इ जाइन के कि यीशु उमन के ठीक जबाब देई हे, यीशु से पूछलक, “परमेश्‍वर जेतना हों आगया देई हे उमन में से सोउब से मुध आगया कोन हेके?”

मरकुस 12:32

मूसा केर नियम के सिखाएक वालामन उकर से कहलैं, “हे गुरु, ढेइर बढ़ियाँ! तोंय सच कहले, काले कि परमेश्‍वर एके गो अहे, उके छोइड़ के आउर केऊ दूसरा परमेश्‍वर नखे।

मरकुस 12:34

जब यीशु देखलक कि उ समझदारी से जबाब देई हे, तो उकर से कहलक, “तोंय परमेश्‍वर केर राइज में ढूकेक केर भीरे अहिस” आउर केखो फिन उकर से कोनों पूछेक केर साहस नी होलक।

लूका 13:17

जब यीशु इ गोइठमन के कहलक, तो उकर बिरोधी आदमीमन सोउब लजाय गेलैं, मगर भीड़ केर आदमीमन उकर महान काममन के देइख के खुश होलैं।

2 थिस्सलुनीकियनमन 3:14

अगर केऊ हमर इ चिट्ठी केर संदेश के नी मानी, तो पता लगावा कि उ केहर हेके, आउर उकर से जुदाय रहा, ताकि उके लाज लगोक।

1 तीमुथियुस 5:14

इ लगिन मोंय सलहा देवेक चाहोना कि जवान बिधवामन बिहा करोक, आउर परिवार बसाय के अपन घर-दुरा के संभराओक, ताकि केऊ दुश्मन के बदनाम करेक केर मोका ना मिलोक।

1 तीमुथियुस 6:3

अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

तीतुस 3:14

तोंय सिरिफ बिसवासीमन केर धेयान के अपन बटे करेक लगिन ना सिखाव, मगर उमन के भला काम करेक लगिन कड़ा मेहनइत करेक हों सिखाव। ताकि जे आदमीमन केर जरुरत अहे उमन केर जरुरत के पूरा करल जाओक, इ चीज बिसवासीमन के एगो मकसद केर साथ जियेक में मदइत करी।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

1 पतरस 2:15

काले कि परमेश्‍वर केर इ इच्छा अहे कि हमरे केर बेस ब्यवहार केर चलते जेमन परमेश्‍वर के नी जानैना, उमन आगे हमरे उपरे झूठा दोष लगाएक केर साहस ना करोक, काले कि इ साफ अहे कि उ मनक दोष लगाएक सच ना लगे।

1 पतरस 3:16

सोउब बेरा ओहे करा जे सही अहे, फिन अगर आदमीमन तोहर बिरोध में बुरा बोलैना, तो ओहेमन लाजिम होबैं, जब उमन मसीह केर संगे तोहर संबंध केर चलते तोहर बेस चाइल-चलन के देखबैं।