तीतुस 2:3 - सादरी नवाँ नियम

³ एहे लेखे बुढ़िया जनानामन के उ जनानामन नियर ब्यवहार करेक चाही जेमन परमेश्‍वर केर लगिन भक्ति केर जिंदगी जियैना। उमन दोसरमन केर निंदा करेक वाला आउर पियंक्कड़ ना होवोक, मगर उमन के दोसरमन के बेस जिंदगी जियेक केर तरीका सिखाएक चाही।

तीतुस 2:3 Iomraidhean Croise

रोमानियनमन 1:29

से लगिन उमन सोउब रकम केर पाप, बुराई, स्वार्थी आउर घिरना से भाइर गेलैं। आउर उमन हिसिंगा, आउर हत्या, आउर झगरा, आउर झूठ, आउर एक दोसर लगिन बुरा सोच से हों भरल अहैं, आउर चुगली करेक वाला,

रोमानियनमन 16:2

आउर प्रभु में उकर स्वागत करा, जइसन कि परमेश्‍वर केर आदमीमन के एक दोसर केर स्वागत करेक चाही। आउर कोनों गोइठ में उके तोहर मदइत चाही तो उकर मदइत करा, काले कि उ ढेइर आदमीमन केर मदइत काइर हे, आउर मोर हों मदइत काइर हे।

इफिसियनमन 5:3

जइसन पवितर आदमीमन लगिन उचित अहे, तइसनेहें तोहर में ब्यभिचार, आउर कोनों रकम केर अशुद्ध काम, या लोभ केर चरचा तक ना होवोक।

1 तीमुथियुस 3:11

एहे नियर कलीसिया में सेवकमन केर जनानामन के हों, आदर केर लायक होवेक चाही, दोसरमन केर निंदा करेक वाला नी होवेक चाही, उके शांत आउर सोउब गोइठमन में बिसवास लायक होवेक चाही।

1 तीमुथियुस 3:8

कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

1 तीमुथियुस 5:23

अब से सिरिफ पानी भइर के पियेक वाला ना रह, मगर अपन पेट केर ठीक से हजम होवेक लगिन आउर घरी-घरी बेमार होवेक से बचेक लगिन, थोरे-थोरे अंगूर केर रस हों पी।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

तीतुस 2:4

ताकि उमन एगो बेस नमूना देखाबैं आउर जवान जनानामन के सलहा देवेक केर लायक होबैं, ताकि जवान जनानामन अपन पतिमन आउर छउवामन से प्रेम रखोक।

इब्रानीमन 5:12

अब तक तो तोहरे के सिखाएक वाला बाइन जाएक रहे, मगर तोहरे के तो एइसन आदमी केर जरुरत अहे, जे तोहरेमन के परमेश्‍वर केर बचन केर शुरुवाती गोइठमन के सिखाओक। तोहरे तो छउवामन नियर अहा जेमन के दूध चाही ठोस आहार निहीं।

प्रकाशितवाक्य 2:20

मगर मोके तोर बिरोध में इ कहेक अहे कि तोंय उ जनाना इजेबेल के रहेक देविसला जे खुद के परमेश्‍वर केर संदेश बताएक वाला कहेला, आउर मोर सेवकमन के ब्यभिचार करेक आउर मूर्तिमन लगिन बलि चढ़ाल चीजमन के खाएक लगिन सिखाय के बहकायला।