तीतुस 2:2 - सादरी नवाँ नियम

² मतलब बूढ़ा आदमी के संयम आउर एइसन समझदारी से ब्यवहार करेक चाही, ताकि आदमीमन उकर आदर करबैं। आउर उके परमेश्‍वर उपरे पक्का बिसवास करेक चाही, आउर दोसरमन के सच्चाई से प्रेम करेक आउर दुःखमन में धीरज धारेक चाही।

तीतुस 2:2 Iomraidhean Croise

मरकुस 5:15

उमन यीशु ठिना आय के उके जेकर में भूतमन रहैं, लुगा पिंधल आउर पूरा होस में बइठल देइख के डराय गेलैं।

लूका 8:35

आउर आदमीमन जे कुछ होई रहे इके देखेक लगिन यीशु ठिना आलैं, आउर उ आदमी के जेकर में से भूतमन निकइल रहैं, लुगा पिंधल आउर पूरा होस में यीशु केर गोड़ तरे बइठल पाय के डराय गेलैं।

खास चेलामन केर काम 24:25

जब पौलुस जे परमेश्‍वर केर सामने सही अहे, उके करेक आउर अपन इच्छा के काबू में करेक आउर परमेश्‍वर बटले आवेक वाला फैसला केर बारे में बताएक शुरु करलक, तो फेलिक्स डराय गेलक आउर उके जबाब देलक, “एखन तोंय जा। जब मोके समय मिली तो तोके फिन बुलवाय लेमूँ।”

रोमानियनमन 12:3

मोंय उ किरपा केर चलते जे मोके मिल हे तोहर में से हरेक झन से कहोना, तोहरे के जइसन समझेक चाही उकर से बाइढ़ के केऊ हों खुद के ना समझबा, मगर जइसन परमेश्‍वर हरेक के बिसवास केर मात्रा बाँइट देई हे तइसनेहें बेस बुद्धि केर संगे खुद के समझबा।

1 कुरिनथियनमन 15:34

होस में आवा, अच्छा जिंदगी के अपनावा, जइसन कि तोहरे के होवेक चाही। पाप करेक छोइड़ देवा, काले कि तोहर में से थोरेक आदमीमन एइसन अहैं, जेमन परमेश्‍वर केर बारे में कोनों नी जानैना। एइसन मोंय इ लगिन कहाथों ताकि तोहरेमन के लाज होवोक।

1 कुरिनथियनमन 9:25

आउर हरेक पहलवान अपन काया केर सोउब रकम केर इच्छामन के रोकेला, उ तो एगो मुरझाएक वाला मुकुट के पावेक लगिन इ सोउब के करेला। मगर हमरे तो उ मुकुट के पावेक लगिन मेहनइत करिला जे मुरझाएक वाला नखे।

2 कुरिनथियनमन 5:13

अगर केऊ हमरे के कही कि पगला हेकी, तो परमेश्‍वर लगिन पगला हेकी, आउर अगर दोसरमन कहबैं कि हमरे केर दिमाग ठीक अहे, तो तोहर लगिन अहे।

गलातियनमन 5:23

किरपा, भलाई, बिसवास लायक होवेक, नरम भाव आउर संयम, एइसन ब्यवहारमन के रोकेक लगिन कोनों नियम नखे।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

1थिस्सलुनीकियनमन 5:6

इ लगिन हमरे के दोसरमन नियर निंदाते नी रहेक चाही मगर जागते आउर सावधान रहेक चाही।

1थिस्सलुनीकियनमन 5:8

मगर हमरे जे दिन केर हेकी, बिसवास आउर प्रेम केर झिलम पिंध लेवब, जे हमरे के ओइसनेहें बचायला जइसन झिलम एगो फौजी के दुश्मन केर हमला से बचायला, आउर इ आसरा देवेला कि हमरे सोउब दिन केर दंड से बाइच जाय ही, एहो उ टोपी नियर अहे जे बचायला।

1 तीमुथियुस 1:10

ब्यभिचारीमन, मरद-मरद केर संग ब्यभिचार करइयामन, आदमीमन के चोराय के गुलाम केर रूप में बेचाइयामन, झूठ बोलेक वालामन, आउर सच बोलेक केर किरिया खाय के हों झूठ बोलेक वालामन लगिन, आउर इकर अलावा, सही शिक्षा जे काम के करेक ले सिखायला, उके करेक से मना करेक वालामन लगिन हों ठहराल जाय हे।

1 तीमुथियुस 1:14

मगर हमर प्रभु केर किरपा, बिसवास आउर प्रेम केर संगे भरपूरी से मोर उपरे होलक, काले कि मोंय मसीह यीशु केर संगे एकजूट अहों।

1 तीमुथियुस 1:2

मोंय इ चिट्ठी, हे तीमुथियुस तोके लिखाथों, तोंय मोर अपन बेटा नियर अहिस, काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर हमर प्रभु यीशु मसीह बटले तोके किरपा, दया आउर शांति मिलते रहोक।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 तीमुथियुस 3:11

एहे नियर कलीसिया में सेवकमन केर जनानामन के हों, आदर केर लायक होवेक चाही, दोसरमन केर निंदा करेक वाला नी होवेक चाही, उके शांत आउर सोउब गोइठमन में बिसवास लायक होवेक चाही।

1 तीमुथियुस 3:2

से लगिन अगुवा के निरदोष, आउर सिरिफ एके गो जनाना केर पति, संयम से रहेक वाला, आउर जे कोनों उ करेला उकर में खुद कब्जा करेक वाला, सभ्य, अपन घर में गोतियामन केर खातिरदारी करेक वाला, आउर सिखाएक में होशियार होवेक चाही।

1 तीमुथियुस 3:4

उके अपन परिवार केर लगिन अच्छा इंतिजाम करेक वाला, आउर अपन छउवा पुतामन के सिखाएक वाला होवेक चाही, ताकि उमन सोउब गोइठ में आदर केर साथ उकर आगया मानोक।

1 तीमुथियुस 3:8

कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

1 तीमुथियुस 5:1

केऊ बूढ़ा आदमी के बेइज्जत करेक नियर ना गरियाव, मगर उके अपन आबा नियर समइझ के सलहा दे, आउर जेमन तोर से छोट अहैं उमन के भाई समइझ के सलहा दे।

तीतुस 1:13

उ मनक बारे इ गोइठ सच हेके, इ लगिन उमन के कड़ाई से चितौनी देते रह, ताकि उमन यीशु मसीह केर बारे में सच्चा शिक्षामन उपरे बिसवास करबैं।

तीतुस 1:8

मगर उके गोतियामन से प्रेम करेक वाला आउर सेवा सत्कार करेक वाला, भलाई करेक केर इच्छा रखेक वाला, संयम से रहेक वाला, गलती केर पक्ष नी लेवेक वाला, पवितर आउर काया केर अंगमन के काबू में रखेक वाला होवेक चाही।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

फिलेमोन 1:9

फिन भी मोंय बूढ़ा पौलुस के जे अब मसीह यीशु केर शुभ समाचार सुनाएक केर खातिर जेहेल में बंद अहों, मोके इ आउर हें बेस लगलक कि मोंय तोर से प्रेम से बिनती करमूँ।

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

2 पतरस 1:6

तोहरे सिरिफ समझदारी से ब्यवहार करेक वाला ना बना, मगर अपन उपरे काबू रखेक वाला हों बना। तोहरे सिरिफ अपन उपरे काबू रखेक वाला ना बना, मगर दुःखमन में धीरज रखेक वाला हों बना। तोहरे सिरिफ धीरज रखेक वाला हें ना बना, मगर एइसन जिंदगी जियेक वाला हों बना जे परमेश्‍वर के खुश करेला।