तीतुस 2:12 - सादरी नवाँ नियम

¹² आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

तीतुस 2:12 Iomraidhean Croise

मत्ती 12:32

जे केऊ मोंय आदमी केर बेटा केर बिरोध में कोनों गोइठ कही, उकर इ गुन्हा क्षमा करल जाई। मगर केऊ पवितर आत्मा केर बिरोध में कोनों कही, तो उकर गुन्हा, ना तो इ दुनिया में आउर ना परमेश्‍वर केर राइज में क्षमा करल जाई।

मत्ती 16:24

तब यीशु अपन चेलामन से कहलक, “जे केऊ मोर चेला बनेक चाहैना, उमन अपन दुनियादारी केर मोह माया के छोइड़ देवोक आउर मोर लगिन क्रूस उठाएक आउर मोइर जाएक ले हों तेयार रहोक। आउर मोर पिछे होई लेवोक।

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

लूका 1:6

उमन दुयो परमेश्‍वर केर नजइर में धरमी रहैं, आउर प्रभु केर सोउब आगयामन आउर नियममन के माइन के उके खुश काइर रहैं।

लूका 1:75

ताकि हमरे उकर सामने पवितर, धरमी आउर निडर होई के जिंदगी भइर उकर सेवा करते रहब।

यूहन्ना 14:30

मोर ठिना तोहर संगे गोठियाएक लगिन ढेइर समय नी बाइच हे, काले कि इ दुनिया केर सरदार शैतान आवाथे। मोर उपरे उकर कोनों अधिकार नखे।

यूहन्ना 6:25

उमन झील के पार करलैं आउर यीशु के हूवाँ पाय के उकर से कहलैं, “हे गुरु, तोंय हिंयाँ कखन आले?”

खास चेलामन केर काम 24:16

से लगिन मोंय परमेश्‍वर आउर आदमीमन केर नजइर में सोउब बेरा बिवेक से निरदोष बनल रहेक केर खुद हें कोशिश करोना।

खास चेलामन केर काम 24:25

जब पौलुस जे परमेश्‍वर केर सामने सही अहे, उके करेक आउर अपन इच्छा के काबू में करेक आउर परमेश्‍वर बटले आवेक वाला फैसला केर बारे में बताएक शुरु करलक, तो फेलिक्स डराय गेलक आउर उके जबाब देलक, “एखन तोंय जा। जब मोके समय मिली तो तोके फिन बुलवाय लेमूँ।”

रोमानियनमन 12:2

आउर इ दुनिया केर आदमीमन नियर ना बना, मगर तोहरे केर मन केर पूरा बदइल जाएक से तोहर चाइल-चलन हों बदलते जाओक, ताकि तोहरेमन परमेश्‍वर केर भला, आउर भावती, आउर सिद्ध इच्छा के अनुभव से जानते रहा।

रोमानियनमन 6:12

इ लगिन पाप तोहर मोरल काया में राइज ना करोक, ताकि तोहरेमन पाप केर इच्छा के पूरा नी करबा।

रोमानियनमन 6:19

मोंय रोज दिन केर जिंदगी से जुड़ल एगो उदाहरन बताथों, जइसन तोहरेमन काया केर अंगमन के अशुद्ध आउर बुरा काममन के करेक लगिन सोंइप रहा, तइसनेहें अब अपन काया केर अंगमन के पवितर आउर धरमी जिंदगी जियेक लगिन सोंइप देवा।

रोमानियनमन 8:13

काले कि अगर तोहरेमन काया केर स्वभाव केर मोताबिक चलबा, तो परमेश्‍वर से अलग होई जबा, अगर पवितर आत्मा केर शक्ति से काया केर स्वभाव केर इच्छा के रोकबा, तो परमेश्‍वर में बनल रहबा।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

2 कुरिनथियनमन 7:1

से लगिन हे दुलार बिसवासी भाईमन, जबकि हमरे के इ करारमन मिल हे, तो आवा, हमरे सोउब रकम केर दुष्ट काममन के करेक छोइड़ देवब, आउर परमेश्‍वर केर आदर करते हुए पूरा-पुरी पवितर जिंदगी जियेक केर कोशिश करब।

गलातियनमन 1:4

हमर आबा परमेश्‍वर केर इच्छा केर मोताबिक मसीह यीशु खुद के हमरे केर पापमन केर क्षमा लगिन बलिदान काइर देलक। ताकि हमरे इ दुनिया केर आदमीमन केर बुरा असर से बचल रहब।

गलातियनमन 5:24

आउर जेमन छुटकारा देवेक वाला यीशु मसीह से जुड़ल अहैं, उमन अपन काया के उकर इच्छामन आउर लालसामन केर समेत क्रूस उपरे चढ़ाय देई हैं।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

इफिसियनमन 2:2

उ बेरा तोहरेमन इ दुनिया केर आदमी मनक रीति-रिवाज केर मोताबिक चलत रहा, जेमन परमेश्‍वर के नी जानैना। आउर तोहरेमन शैतान केर आगया के मानत रहा जे भूतमन केर उपरे आकाश में राइज करेला। जे एखनोहों उ आदमीमन के अपन कब्जा में करेक केर कोशिश कराथे, जेमन परमेश्‍वर केर आगया के नी मानैना।

कुलुसियनमन 1:22

परमेश्‍वर अब अपन बेटा यीशु मसीह के मनवा बनाय के, आउर उके क्रूस उपरे बलिदान काइर के तोहरेमन केर अपन संगे मेल जोल काइर लेलक, ताकि तोहरे के अपन ठिना पवितर, बेदाग आउर निरदोष बनाय के हाजिर करी।

1थिस्सलुनीकियनमन 4:7

काले कि परमेश्‍वर हमरे के अशुद्ध जिंदगी जियेक लगिन निहीं, मगर पवितर जिंदगी जियेक लगिन बोलाय हे।

1थिस्सलुनीकियनमन 4:9

मगर संगी बिसवासी भाईमन से प्रेम केर बारे में इ जरुरी नखे कि मोंय तोहर ठिना कोनों लिखमूँ, काले कि आपस में प्रेम रखेक तोहरेमन खुद हें परमेश्‍वर से सीख हा।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

1 तीमुथियुस 6:9

मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

2 तीमुथियुस 3:12

मगर जेतना आदमीमन मसीह यीशु में भक्ति केर संगे जिंदगी बिताएक चाहैना उमन सोउब सताल जाबैं।

2 तीमुथियुस 4:10

काले कि देमास इ दुनिया केर चीजमन से प्रेम काइर के मोके छोइड़ देलक, आउर थिस्सलुनीके शहर चाइल गेलक, आउर भाई क्रेसकेंस गलातिया परदेस आउर तीतुस दलमतिया परदेस चाइल गेलक।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

इब्रानीमन 8:11

आउर हरेक अपन देसवासी के आउर अपन रिश्तेदार के इ शिक्षा नी देवी कि तोके प्रभु के जानेक अहे, काले कि छोट आदमी से लेई के बाड़ आदमी तक सोउब मोके जाइन जबैं कि मोंय परमेश्‍वर हेकों।

याकूब 1:27

हमर आबा परमेश्‍वर केर नजइर में शुद्ध आउर सच्चा भक्ति इ हेके कि अनाथमन आउर बिधवामन केर दुःखमन में उ मनक खेयाल रखेक, आउर खुद के इ दुनिया केर बुरा काममन से बचाय के रखेक।

2 पतरस 2:9

इ सोउब काम के जे आबा परमेश्‍वर बितल दिन में करलक, तो इकर से साफ पता चलेला कि परमेश्‍वर जानेला कि धरमी आदमी के का लेखे परीक्षा से निकलाई आउर दुष्ट आदमीमन के का लेखे फैसला होवेक केर दिन तक सजा देवेक लगिन रखी।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

1 यूहन्ना 2:27

आउर तोहर उ अभिषेक, जे यीशु मसीह बटले करल जाय हे, उ तोहरेमन में बनल रहेला। तोहरेमन के इकर दरकार नखे कि केऊ तोहरेमन के सिखाओक। मगर जइसन उ अभिषेक जे यीशु मसीह बटले करल जाय हे, तोहरेमन के सोउब गोइठमन के सिखायला, आउर इ सच्चा हेके आउर झूठा ना लगे आउर जइसन उ तोहरेमन के सिखाय हे, तइसनेहें तोहरेमन उकर में बनल रहाला।

1 यूहन्ना 2:6

अगर जे केऊ इ कहेला कि मोंय परमेश्‍वर में बनल रहोना, तो उके खुद ओइसनेहें रहेक चाही जइसन यीशु रहलक।

1 यूहन्ना 5:19

हमरेमन जानिला कि हमरे परमेश्‍वर बटले हेकी आउर समूचा दुनिया उ दुष्ट शैतान केर वश में पड़ल अहे।

यहूदा 1:18

उमन तोहरेमन से कहत रहैं, “आखरी समय में एइसन मजाक करेक वालामन आबैं, जे अपन अधरम केर वासनामन केर इच्छामन केर मोताबिक चाल चलबैं।”

प्रकाशितवाक्य 14:12

अब पवितर आदमीमन केर धीरज इकरे में अहे, जे परमेश्‍वर केर आगयामन के मानैना आउर यीशु केर उपरे बिसवास रखैना।