तीतुस 1:8 - सादरी नवाँ नियम

⁸ मगर उके गोतियामन से प्रेम करेक वाला आउर सेवा सत्कार करेक वाला, भलाई करेक केर इच्छा रखेक वाला, संयम से रहेक वाला, गलती केर पक्ष नी लेवेक वाला, पवितर आउर काया केर अंगमन के काबू में रखेक वाला होवेक चाही।

तीतुस 1:8 Iomraidhean Croise

लूका 2:25

उ बेरा यरुशलेम शहर में सिमोन नाँव केर एगो धरमी आउर भक्त आदमी रहे। उ मसीह केर आवेक केर आसरा देखत रहे कि उ आय के इसराइली आदमीमन के शांति देवी, आउर पवितर आत्मा उकर संगे रहे।

खास चेलामन केर काम 24:25

जब पौलुस जे परमेश्‍वर केर सामने सही अहे, उके करेक आउर अपन इच्छा के काबू में करेक आउर परमेश्‍वर बटले आवेक वाला फैसला केर बारे में बताएक शुरु करलक, तो फेलिक्स डराय गेलक आउर उके जबाब देलक, “एखन तोंय जा। जब मोके समय मिली तो तोके फिन बुलवाय लेमूँ।”

1थिस्सलुनीकियनमन 2:10

तोहरेमन खुद हें गवाह हेका आउर परमेश्‍वर हों गवाह हेके कि तोहरे सोउब बिसवासीमन केर माझे हमरे केर स्वभाव कइसन सच्चा, धरमी, आउर निरदोष रहे।

1 तीमुथियुस 3:2

से लगिन अगुवा के निरदोष, आउर सिरिफ एके गो जनाना केर पति, संयम से रहेक वाला, आउर जे कोनों उ करेला उकर में खुद कब्जा करेक वाला, सभ्य, अपन घर में गोतियामन केर खातिरदारी करेक वाला, आउर सिखाएक में होशियार होवेक चाही।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 6:11

मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

2 तीमुथियुस 2:22

जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।

2 तीमुथियुस 3:3

दोसरमन उपरे दया नी करबैं, दोसरमन के क्षमा नी करबैं, अपन इच्छामन के काबू करेक नी पारबैं, कठोर मन वाला होबैं, आउर बेस गोइठमन से घिरना करबैं।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

1 यूहन्ना 3:14

हमरेमन जानिला कि हमरे माउत से पार होई के जुग-जुग केर जिंदगी में पोंहइच ही, काले कि हमरेमन बिसवासी भाई-बहिनमन से प्रेम करिला। जेमन प्रेम नी करैना उमन माउत केर दशा में रहैना।

1 यूहन्ना 5:1

जे केऊ इ बिसवास करेला कि यीशु हें मसीह हेके उ परमेश्‍वर केर संतान हेके। आउर जे केऊ आबा परमेश्‍वर से प्रेम करेला उ उकर संतानमन से हों प्रेम करेला।