तीतुस 1:3 - सादरी नवाँ नियम

³ आउर अब बिलकुल ठीक समय में परमेश्‍वर इ शुभ समाचार के हमरे केर सामने दिस्तार करलक, आउर हमरे इकर परचार सोउब कर ठिना करिला। इ काम करेक केर जिम्मेदारी हमरे केर छुटकारा देवाइया परमेश्‍वर, आगया देई के मोके सोंइप हे।

तीतुस 1:3 Iomraidhean Croise

मरकुस 1:15

आउर कहलक, “परमेश्‍वर केर ठहराल समय पूरा होई जाय हे, आउर परमेश्‍वर केर राइज भीरे पोंहइच जाय हे, पाप करेक छोइड़ देवा आउर शुभ समाचार केर उपरे बिसवास करा।”

मरकुस 13:10

लेकिन दुनिया केर अंत होवेक से आगे इ जरुरी अहे कि दुनिया केर सोउब देस केर आदमीमन के शुभ समाचार सुनाल जाओक।

मरकुस 16:15

तब यीशु उमन से कहलक, “तोहरेमन समूचा दुनिया में जावा आउर सोउब आदमीमन के इ शुभ समाचार के सुनावा।

लूका 1:47

आउर मोर आत्मा मोर छुटकारा देवाइया परमेश्‍वर से खुश अहे।

खास चेलामन केर काम 10:36

परमेश्‍वर हमरे ठिना, मतलब इसराइलीमन ठिना अपन बचन के भेजलक। आउर इ शुभ समाचार सुनालक कि यीशु मसीह उपरे बिसवास करेक से परमेश्‍वर केर संगे सही रिश्ता बनाल जाएक परायला। एहे यीशु सोउब केर प्रभु हेके।

खास चेलामन केर काम 17:26

उ एके गो पुरूष से सोउब आदमी जाइत के दुनिया में रहेक लगिन बनाय हे, आउर उमन केर ठहराल समय आउर रहेक केर सीमानमन के बाइंध हे।

रोमानियनमन 15:19

मोके पवितर आत्मा बटले शक्ति देवल गेलक जेकर से मोंय शक्तिशाली चिन्हामन आउर चमत्कार काममन के करलों। से लगिन मोंय यरुशलेम शहर से लेई के इल्‍लुरिकुम परदेस केर आसे-पासे जहाँव कहों रहलों, मोंय सोउब आदमीमन के यीशु मसीह केर बारे में शुभ समाचार केर परचार करलों।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

रोमानियनमन 16:26

इ भेद केर गोइठमन परमेश्‍वर केर संदेश के बताएक वालामन केर पवितर किताब में लिखल जाएक से आउर जुग-जुग रहेक वाला परमेश्‍वर केर आगया से सोउब जाइत केर आदमीमन के पता चललक, ताकि उमन बिसवास करबैं आउर मानबैं।

रोमानियनमन 5:6

काले कि जब हमरे कमजोर हें रही, तो मसीह परमेश्‍वर केर ठीक ठहराल समय में पापीमन लगिन प्राण देलक।

1 कुरिनथियनमन 9:17

अगर मोंय इ काम के अपन इच्छा से करतो, तो मोके इनाम मिलतक, आउर अगर मोके इ काम के करेक केर इच्छा नखे, फिन भी मोके इ काम के करेक लगिन जिम्मा सोंपल जाय हे।

गलातियनमन 4:4

मगर जब सही समय आलक, तो परमेश्‍वर अपन बेटा के इ दुनिया में भेजलक जे एगो जनाना से जनमलक, उ एगो यहूदी केर रूप में जनमलक आउर मूसा केर नियम के मानलक।

इफिसियनमन 1:10

आउर उकर योजना इ हेके कि ठीक समय में परमेश्‍वर सोउब चीजमन के, जे स्वरग में अहे आउर जे धरती में अहे, यीशु मसीह केर अधिकार में काइर देवी।

इफिसियनमन 2:17

आउर यीशु मसीह आय के तोहरे परजाइतमन जे दूर रहा, आउर इसराइलीमन जे भीरे रहैं, दुयो के शांति केर शुभ समाचार सुनालक।

फिलिप्पियनमन 1:13

हिंयाँ तक कि रोमी महाराजा केर राइज में समूचा पलटन आउर बचल सोउब आदमीमन में इ साबित होई जाय हे कि मोंय मसीह केर सेवक होवेक केर चलते जेहेल में अहों।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

कुलुसियनमन 1:6

जे शुभ समाचार तोहर ठिना पोंहइच हे, आउर जइसन गोटा दुनिया भइर में फाइल जाथे, आउर ढेइर आदमीमन बिसवासी बाइन जाथैं, आउर तोहरे उके सुनला आउर उ सच्चा संदेश के पूरा पुरी बुइझ गेला कि परमेश्‍वर केतना किरपा से भरल अहे, आउर बिलकुल एहे गोइठ तोहर माझे में उ बेरा से होवाथे जब तोहरे पहिली बेर संदेश सुइन रहा।

1थिस्सलुनीकियनमन 2:4

मगर परमेश्‍वर हमरे के लायक समइझ के शुभ समाचार सोंइप हे। से लगिन हमरे आदमीमन के निहीं, बल्कि हमरे केर हृदय के परखेक वाला परमेश्‍वर के खुश करेक लगिन उपदेस देवीला।

1 तीमुथियुस 1:1

इ चिट्ठी मोंय पौलुस बटले हेके। मोंय हमरे केर छुटकारा देवाइया परमेश्‍वर आउर यीशु मसीह जेकर में हमरे आसरा करिला, उकर अधिकार से यीशु मसीह केर एगो चुनल खास चेला हेकों।

1 तीमुथियुस 1:11

इ शिक्षा उ शुभ समाचार केर उपरे टिकल अहे, जे उ महिमा केर बारे में बतायला, जे धाइन परमेश्‍वर से जुड़ल अहे, जेके सुनाएक लगिन मोके जिम्मा देवल जाय हे।

1 तीमुथियुस 2:3

एइसन प्रार्थना करेक ठीक अहे आउर हमर छुटकारा देवाइया परमेश्‍वर इके ग्रहण करेला।

1 तीमुथियुस 4:10

से लगिन हमरे इ जिंदगी के पावेक लगिन कठिन मेहनइत करिला, काले कि हमरे जिंदा परमेश्‍वर उपरे आसरा करिला जे सोउब आदमीमन केर छुटकारा देवाइया हेके, खास काइर के उमन के जेमन उकर उपरे बिसवास करैना।

2 तीमुथियुस 4:17

मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

तीतुस 2:10

उमन मालिक केर कोनों चीजमन केर चोरी ना करोक, मगर सोउब रकम से पूरा ईमानदार रहोक। ताकि आदमीमन उ मनक बेस ब्यवहार के धेयान देबैं। आउर उ मनक बेस काम आदमीमन के हमरे केर छुटकारा देवाइया परमेश्‍वर केर बारे में संदेश सुनेक केर जरिया बनोक।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

प्रकाशितवाक्य 14:16

से लगिन जे बदरी में बाइठ रहे, उ धरती में अपन हँसुआ चलालक, आउर धरती केर कटनी पूरा होई गेलक।