तीतुस 1:2 - सादरी नवाँ नियम

² जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

तीतुस 1:2 Iomraidhean Croise

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

मत्ती 25:46

आउर लेंगा बटे केर आदमीमन जुग-जुग केर दंड भोगबैं मगर धरमी आदमीमन जुग-जुग केर जिंदगी पाबैं।”

मरकुस 10:17

जइसनेहें यीशु अपन चेलामन केर संगे जाएक शुरु करलक तइसनेहें एगो जवान आदमी उकर ठिना कूदते आलक। उ यीशु केर आगे ठेहुना टेइक के पूछलक, “हे बेस गुरु, जुग-जुग केर जिंदगी केर हकदार होवेक लगिन मोंय का काम करमूँ?”

मरकुस 10:30

उ जरूर एहे जुग में सताव केर संगे इनाम केर रूप में घरमन, भाई-बहिनमन, आयोमन, छउवा-पुतामन आउर खेतमन सौ गुणा पावी। आउर आवेक वाला दिन में परमेश्‍वर उके जुग-जुग केर जिंदगी देई।

यूहन्ना 10:28

मोंय उमन के जुग-जुग केर जिंदगी देवोना। उमन कहियो नी मोरबैं आउर उमन के मोर से केऊ लुटेक नी पारी।

यूहन्ना 17:2

काले कि तोंय मोके जे तोर बेटा हेकों, सोउब आदमीमन केर उपरे अधिकार देले, जेकर से मोंय सोउब आदमीमन के जेमन के तोंय मोके जिम्मा देई हिस, जुग-जुग केर जिंदगी देमूँ।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

यूहन्ना 5:39

तोहरेमन इ समइझ के पवितर किताब के पाढ़ाला कि उकर में जुग-जुग केर जिंदगी में ढूकेक केर डहर मिली। ओहे पवितर किताब मोर बारे में गवाही देवेला।

यूहन्ना 6:54

जे मोर माँस के खायला, आउर मोर लोहू के पियेला, जुग-जुग केर जिंदगी उकरे हेके, आउर आखरी दिन मोंय उके फिन जिंदा काइर देमूँ।

यूहन्ना 6:68

सिमोन पतरस उके जबाब देलक, “हे प्रभु, हमरे केकर ठिना जाब? जुग-जुग केर जिंदगी केर गोइठमन तो तोरे ठिना अहे।

खास चेलामन केर काम 15:18

इ गोइठमन के ओहे प्रभु कइह हे, जेकर बारे में दुनिया केर सिरजन से समाचार देते आय हे।’

रोमानियनमन 1:2

जे शुभ समाचार केर बारे में परमेश्‍वर पहिलेहें से अपन संदेश के बताएक वालामन बटले पवितर किताब में बताय हे।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

रोमानियनमन 5:2

जेकर से बिसवास करेक केर चलते, यीशु मसीह हमरे के उ किरपा केर नीचे लाइन हे जहाँ हमरे एखन खड़ा अही, आउर हमरे पूरा आसरा आउर आनंद से परमेश्‍वर केर महिमा के बाँटते आगे देखाथी।

रोमानियनमन 5:21

जइसन एक आदमी केर पाप केर चलते माउत सोउब आदमीमन में फाइल गेलक, तइसनेहें हमर प्रभु यीशु मसीह केर चलते परमेश्‍वर केर किरपा हों हमरे के धरमी ठहरालक आउर जुग-जुग केर जिंदगी देवेला।

रोमानियनमन 5:4

आउर परमेश्‍वर हमरे के ग्रहण करेला काले कि हमरे धीरज धारेक सीख ही, आउर इ लगिन कि परमेश्‍वर हमरे के ग्रहण करेला, से लगिन हमरे के आसरा अहे।

रोमानियनमन 6:23

काले कि पाप केर फल तो माउत हेके, मगर परमेश्‍वर जे बरदान हमरे के देवेला, उ हमर प्रभु मसीह यीशु में जुग-जुग केर जिंदगी हेके।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

1थिस्सलुनीकियनमन 2:15

जेमन प्रभु यीशु के आउर परमेश्‍वर केर संदेश के बताएक वालामन के माइर मोरालैं, आउर हमरे के हों सतालैं। उमन परमेश्‍वर के नराज करैना आउर सोउब आदमीमन केर बिरोध करैना।

1थिस्सलुनीकियनमन 5:8

मगर हमरे जे दिन केर हेकी, बिसवास आउर प्रेम केर झिलम पिंध लेवब, जे हमरे के ओइसनेहें बचायला जइसन झिलम एगो फौजी के दुश्मन केर हमला से बचायला, आउर इ आसरा देवेला कि हमरे सोउब दिन केर दंड से बाइच जाय ही, एहो उ टोपी नियर अहे जे बचायला।

1 तीमुथियुस 6:12

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

1 तीमुथियुस 6:19

एइसन काइर के उमन अपन बेस काममन के अपन लगिन एगो खजाना नियर जोड़बैं, जे आवेक वाला दिन में स्वरग में उमन लगिन एगो मजबूत नेव नियर होवी, आउर उमन सच्चा जिंदगी के पाबैं, जे सोउब दिन लगिन होवी।

2 तीमुथियुस 1:1

इ चिट्ठी मोंय पौलुस बटले हेके। परमेश्‍वर मोके इ लगिन चुइन हे कि मोंय यीशु मसीह केर खास चेला बनमूँ, ताकि मोंय उ संदेश केर परचार करेक पारमूँ कि परमेश्‍वर जुग-जुग केर जिंदगी देवेक केर करार काइर हे, जे मसीह यीशु उपरे बिसवास करेक से मिलेला।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 2:13

अगर हमरे मसीह केर लगिन बिसवास लायक हों नखी, फिन भी उ हमरे केर लगिन बिसवास लाएक बनल रहेला, काले कि उ खुद अपन बिरोधी नी होवी।

2 तीमुथियुस 2:15

कड़ा मेहनइत कर ताकि तोंय खुद के परमेश्‍वर केर सामने एइसन आदमी नियर देखाएक पारबे, जेके उ ग्रहण करेला। तोंय एगो एइसन काम करेक वाला बाइन जा, जे बढ़ियाँ से काम करेला। ताकि तोके अपन काम केर चलते लजाएक नी पड़ी, आउर तोंय सच्चा संदेश के ठीक रीति से सिखाते रहबे।

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

तीतुस 3:7

परमेश्‍वर एइसन काइर के अपन किरपा से हमरे के धरमी ठहरालक, आउर हमरे उकर संतान बाइन गेली, से लगिन हमरे जुग-जुग ले उकर संग रहेक केर आसरा करिला।

1 यूहन्ना 2:25

आउर परमेश्‍वर हमरेमन से करार काइर हे कि उ हमरेमन के जुग-जुग केर जिंदगी देवी।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।

यहूदा 1:21

परमेश्‍वर केर प्रेम में मजबूत बनल रहा, आउर जुग-जुग केर जिंदगी लगिन हमर प्रभु यीशु मसीह केर दया केर आसरा देखते रहा।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।