तीतुस 1:11 - सादरी नवाँ नियम

¹¹ इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

तीतुस 1:11 Iomraidhean Croise

मत्ती 23:13

हे ढोंगी मूसा केर नियम के सिखाएक वाला आउर फरीसी दल केर आदमीमन, तोहर उपरे हाय! तोहरेमन आदमीमन केर लगिन स्वरग राइज केर दुरा के बंद काइर देवाला, तोहरेमन खुद हें उकर में नी ढूकाला आउर जेमन ढूकेक खोजैना ओहोमन के ढूकेक नी देवाला।

लूका 20:40

इकर पाछे उमन के फिन यीशु से कोनों आउर सवाल पूछेक केर साहस नी होलक।

यूहन्ना 10:12

मगर मजूरी में रखल धांगर, जे ना चरवाहा हेके आउर ना भेड़ीमन केर मालिक हेके, उ हाड़हा के आते देइख के भेड़ीमन के छोइड़ के भाइग जायला। आउर हाड़हा उ मनक झूँड़ में हमला काइर के उमन के तितिर-बितिर काइर देवेला।

रोमानियनमन 3:19

हमरे जानिला कि मूसा केर नियम जे कोनों कहेला तो उहेमन से कहेला, जेमन मूसा केर नियम केर वश में अहैं, ताकि केऊ नियम के तोइर के बहना बनाएक नी पारी, आउर गोटा दुनिया केर आदमीमन परमेश्‍वर केर दंड पावेक लाएक होबैं।

2 कुरिनथियनमन 11:10

अगर मसीह केर सच्चाई मोर में पक्का अहे, तो अखया परदेस में केऊ मोके इ घमंड से रोकेक नी पारी।

1 तीमुथियुस 5:13

आउर इकर अलावा उमन घर-घर घुइम के कोढ़िया सीख जायना, आउर कोढ़िया भइर निहीं, मगर बकर-बकर काइर के दोसर मनक चुगली करैना आउर उ मनक काम के बिगड़ायना। उमन एइसन गोइठ के गोठियायना जेके नी गोठियाएक चाही।

1 तीमुथियुस 5:4

आउर अगर केऊ बिधवा केर छउवा-पुतामन चाहे नाती-पुतीमन अहैं, तो पहिले उके अपने हे परिवार केर लगिन काम करेक चाही, जइसन एगो बिसवासी के करेक उचित अहे, आउर अपन आयो-आबामन केर देख-रेख करेक चाही, इ सोउब परमेश्‍वर के सुहायला।

1 तीमुथियुस 6:5

आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

2 तीमुथियुस 2:18

उमन सच्चाई केर उपरे बिसवास करेक छोइड़ देलैं। उमन कहैना, परमेश्‍वर पहिलेहें से मोरल बिसवासीमन के जुग-जुग केर जिंदगी देवेक लगिन उठाय लेई हे। इकर नतीजा इ होलक कि उमन थोरेक बिसवासीमन के मसीह केर शिक्षा उपरे बिसवास करेक से रोइक देलैं।

2 तीमुथियुस 3:6

एहेमन में से थोरेक आदमीमन दोसर मनक घर में जायना आउर मूरख जनानामन के अपन कब्जा में काइर लेवैना। जेमन पापमन से दबल आउर सोउब रकम केर बुरा इच्छामन केर कब्जा में अहैं।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

तीतुस 1:9

आउर उके मसीह केर बारे में बिसवास लाएक संदेश उपरे पोक्ता बिसवास करेक चाही जेके हमरे सिखाय ही। ताकि उ दोसरमन के सही शिक्षा केर पालन करेक ले उसकायक पारी, आउर जेमन सही शिक्षा केर बिरोध करैना उ उमन के गलत ठहराएक पारी।

तीतुस 3:10

अगर केऊ कलीसिया के तोरेक वाला अहे, तो उके कम से कम दूई बेर चेताव कि उ एइसन ना करोक, फिन भी अगर उ एइसनेहें करते रहेला तो उकर से अलगे होई जा।