तीतुस 1:1 - सादरी नवाँ नियम

¹ इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

तीतुस 1:1 Iomraidhean Croise

लूका 18:7

परमेश्‍वर हों अपन चुनल आदमीमन लगिन जेमन दिन-राइत उके गोहराते रहैना, उ मनक मदइत करेक में देरी नी करी।

खास चेलामन केर काम 13:48

इ सुइन के परजाइत आदमीमन खुश होलैं, आउर परमेश्‍वर केर बचन केर बड़ाई करेक लगलैं। जेतना आदमीमन के जुग-जुग केर जिंदगी लगिन ठहराल जाय रहे, उमन बिसवास करलैं।

रोमानियनमन 1:1

पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

2 कुरिनथियनमन 1:1

इ चिट्ठी मोंय पौलुस आउर बिसवासी भाई तीमुथियुस बटले हेके, मोंय परमेश्‍वर केर इच्छा से मसीह यीशु केर चुनल खास चेला हेकों, इ चिट्ठी अखया परदेस में रहेक वाला परमेश्‍वर केर आदमीमन केर नाँव में आउर उ कलीसिया केर नाँव में लिखल जाय हे, जे कुरिन्थुस शहर में अहे।

इफिसियनमन 2:8

जब तोहरे बिसवास करला तब परमेश्‍वर तोहरे के अपन किरपा से बचाय लेलक। तोहरे खुद से नी बचता, इ तो परमेश्‍वर केर दान हेके।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

1 तीमुथियुस 2:4

उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 तीमुथियुस 6:3

अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 2:23

बे मतलब केर आउर उटपटांग बक-झक से दूर रह, काले कि तोंय जानिसला, उमन से झगरा होवेला।

2 तीमुथियुस 2:25

आउर बिरोधीमन के हों नरम होई के समझाओक, काले कि एहो होवेक परायला, परमेश्‍वर उमन के पाप के छोड़ेक आउर मसीह केर सच्चाई के जानेक में मदइत करी।

याकूब 1:1

इ चिट्ठी मोंय याकूब बटले हेके, मोंय परमेश्‍वर आउर प्रभु यीशु मसीह केर सेवक हेकों। इ चिट्ठी के मोंय उ बारह गोतरमन केर नाँव से लिखाथों, जेमन गोटा दुनिया में तितिर-बितिर होई के रहैना। मोर बटले तोहरेमन के जोहार।

2 पतरस 1:3

परमेश्‍वर अपन शक्ति से हमरे के उ सोउब कुछ के देई हे, जे हमरे के एइसन जिंदगी जियेक लगिन चाही जे परमेश्‍वर के खुश करेला। इ होवेक पराई काले कि हमरे परमेश्‍वर के जानिला आउर उ ओहे हेके, जे हमरे के अपन महिमा आउर भलाई से अपन आदमी होवेक लगिन बोलाय हे।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

1 यूहन्ना 2:23

जे केऊ बेटा केर इंकार करेला उकर ठिना आबा परमेश्‍वर हों नखे। जे केऊ बेटा के माइन लेवेला उकर ठिना आबा परमेश्‍वर हों अहे।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।