रोमानियनमन 8:3 - सादरी नवाँ नियम

³ काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

रोमानियनमन 8:3 Iomraidhean Croise

मरकुस 15:27

आउर उमन यीशु केर संगे दूई झन डाकूमन के एगो के भतखाइया आउर एगो के लेंगा बटे क्रूस उपरे चढ़ालैं।

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 9:24

फरीसी आदमीमन उके, जे आगे अंधरा रहे, फिन बोलालैं आउर उकर से पूछलैं, “सच बताय के परमेश्‍वर केर स्तुति कर। हमरे जानिला कि उ पापी आदमी हेके।”

खास चेलामन केर काम 13:39

आउर जे गोइठमन से तोहरे मूसा केर नियम से निरदोष बनेक नी पारला, ओहे सोउब गोइठ में हरेक बिसवास करेक वाला आदमी यीशु मसीह बटले निरदोष बनेला।

रोमानियनमन 3:20

इ लगिन कि मूसा केर नियम के पूरा करेक से केऊ आदमी परमेश्‍वर केर सामने धरमी नी ठहरी, काले कि मूसा केर नियम हमरे के बतायला कि हमरे पापी अही।

रोमानियनमन 6:6

काले कि हमरे जानिला कि हमर पुरना पापी स्वभाव यीशु मसीह केर संगे क्रूस उपरे चढ़ाल गेलक, ताकि हमर काया केर पापी स्वभाव नाश होई जाई आउर हमरे पाप केर गुलाम में नी रहब।

रोमानियनमन 7:18

काले कि मोंय जानोना कि मोर पापी स्वभाव में कोनों बेस चीज नी बसेला, भला काम करेक केर इच्छा तो मोर में अहे, मगर उके करेक मोर से नी होवेला।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

गलातियनमन 3:13

मसीह जे हमर लगिन सरपाल गेलक, हमरे के कीन के मूसा केर नियम केर सराप से छुटकारा देलक। काले कि पवितर किताब में लिखल अहे, जे केऊ क्रूस उपरे लटकाल जायला उ सरपाल जायला।

गलातियनमन 3:21

तो का मूसा केर नियम परमेश्‍वर केर करारमन केर बिरोध में अहे? निहीं बिलकुल निहीं? अगर मूसा केर नियम हमरे के परमेश्‍वर केर देखेक में धरमी ठहरातक, तब तो उके मानेक से जुग-जुग केर जिंदगी हों मिलतक।

फिलिप्पियनमन 2:7

मगर अपन सोउब कुछ के छोइड़ देलक, आउर धांगर केर रूप धाइर लेलक, आउर आदमी केर बराबइर में होई गेलक।

इब्रानीमन 10:12

मगर यीशु मसीह तो पापमन केर क्षमा लगिन सोउब समय ले एक हें बेर खुद के बलिदान काइर के चढ़ाय देलक आउर परमेश्‍वर केर भतखाइया आरा बाइठ गेलक।

इब्रानीमन 2:14

से लगिन जबकि परमेश्‍वर केर छउवामन माँस आउर लोहू से बाइन हैं, तो यीशु हों खुद हें उमन नियर माँस आउर लोहू केर आदमी बाइन गेलक, ताकि अपन माउत केर जरिया से उके, जेके माउत केर उपरे शक्ति मिल रहे, मतलब शैतान के नाश काइर देवोक।

इब्रानीमन 2:17

इ लगिन कि उके आउर बिसवासी भाई-बहिनमन नियर बाइन जाएक बिलकुल हें जरुरी रहे, इ नियर उ परमेश्‍वर केर महापुरोहित बनलक जे कि दयालु आउर बिसवास लायक अहे, ताकि उकर बलि केर जरिया से आदमीमन के उमन केर पापमन से क्षमा मिलेक पारोक

इब्रानीमन 4:15

यीशु मसीह जे हमरे केर महापुरोहित हेके हमर सोउब कमजोरीमन के जानेला, शैतान उकर सोउब रकम से परीक्षा करलक जइसन हमरे के करेला, फिन भी उ कोनों पाप नी करलक।

1 पतरस 2:24

जब मसीह क्रूस उपरे मोरलक, तो उ अपन काया में हमर पाप केर बदली में दंड के सहलक, उ एइसन इ लगिन करलक ताकि अब हमरे आगे पाप करेक छोइड़ के धरमी जिंदगी जियब, आउर उ अपन काया में माउर खाय के घवाहा होई गेलक जेकर से हमरे चंगा होई गेली।