रोमानियनमन 8:2 - सादरी नवाँ नियम

² पवितर आत्मा तोहरेमन के जिंदगी देवी, जे जिंदगी मसीह यीशु बटले आवेला आउर उ तोहरे के पाप आउर माउत से आजाद करी।

रोमानियनमन 8:2 Iomraidhean Croise

यूहन्ना 4:10

यीशु उके जबाब देलक, “अगर तोंय जानते कि परमेश्‍वर तोके का देवेक चाहाथे, आउर एहो जानते कि तोर से के पानी माँगाथे, तो तोंय मोर से इके माँगते आउर मोंय तोके जिंदगी देवेक वाला पानी देतो।”

यूहन्ना 4:14

मगर जे केऊ मोर देवल पानी के पियी, उके कहियो पियास नी लगी। जे पानी मोंय उके देमूँ, उ उकर में पानी केर सोता बाइन जाई आउर इ सोता से पानी निकलते रही, जे उके जुग-जुग केर जिंदगी देवी।”

यूहन्ना 6:63

आत्मा हें जिंदगी देवेला, काया से कोनों फायदा नखे। मोंय तोहरेमन के जे गोइठ के बतालों, उ आत्मा आउर जिंदगी हेके।

यूहन्ना 8:32

आउर तोहरेमन सच्चाई के जानबा आउर सच्चाई तोहरेमन के आजाद करी।”

यूहन्ना 8:36

से लगिन अगर मोंय परमेश्‍वर केर बेटा तोहरेमन के आजाद करमूँ, तो सचमुच तोहरेमन आजाद होई जबा।

रोमानियनमन 16:3

प्रिस्किल्ला बहिन आउर अक्विला भाई के, जेमन मसीह यीशु में मोर संगे काम करेक वाला हेकैं, जोहार।

रोमानियनमन 3:27

हमरे धरमी ठहरेक केर बारे में कोनों घमंड करेक नी पारिला, ना हें मूसा केर नियम के पूरा करेक से आउर ना हें कोनों दोसर नियम से, बल्कि इ यीशु मसीह उपरे बिसवास करेक से होई हे।

रोमानियनमन 5:21

जइसन एक आदमी केर पाप केर चलते माउत सोउब आदमीमन में फाइल गेलक, तइसनेहें हमर प्रभु यीशु मसीह केर चलते परमेश्‍वर केर किरपा हों हमरे के धरमी ठहरालक आउर जुग-जुग केर जिंदगी देवेला।

रोमानियनमन 6:14

तब तोहर उपरे पाप केर शक्ति नी होवी, काले कि तोहरेमन मूसा केर नियम केर अधीन निहीं बल्कि परमेश्‍वर केर किरपा केर अधीन अहा।

रोमानियनमन 6:18

परमेश्‍वर तोहरे के पाप केर शक्ति से छोड़ालक आउर अब सही काममन के करेक लगिन तोहरे उकर धांगर बाइन गेला।

रोमानियनमन 6:22

मगर अब पाप से आजाद होई के आउर परमेश्‍वर केर धांगर बाइन के, तोहरेमन उ काममन के करा जे पवितर जिंदगी जियेक लगिन अगुवाई करेला, जेकर फल जुग-जुग केर जिंदगी हेके।

रोमानियनमन 7:21

इ लेखे मोंय इ नियम के पाओना कि जब भलाई करेक केर इच्छा करोना, तो बुरा काम के हें करोना।

रोमानियनमन 7:23

मगर मोके अपन काया केर अंगमन में दोसर रकम केर नियम दिसेला, जे उ नियम से लड़ेला, जेके मोर मन परमेश्‍वर केर नियम मानेला, आउर उ शक्ति मोके पाप केर गुलाम बनायला जे एखनो तक मोर काया केर अंगमन में अहे।

रोमानियनमन 7:4

तइसनेहें हे मोर बिसवासी भाईमन, जब तोहरेमन हों मसीह केर संगे मोइर गेला, तब मूसा केर नियम केर अधिकार से हों छूइट गेला। अब तोहरे मसीह केर होई गेला जे मोरलमन में से जी उठलक, ताकि तोहरेमन परमेश्‍वर लगिन फल लानेक वाला जिंदगी जिबा।

रोमानियनमन 8:1

से लगिन अब जेमन मसीह यीशु में अहैं, उमन के परमेश्‍वर दंड नी देवी। (काले कि उमन काया केर मोताबिक निहीं बल्कि आत्मा केर मोताबिक चलैना।)

1 कुरिनथियनमन 15:45

एइसनेहें पवितर किताब में हों लिखल अहे कि पहिला आदमी, मतलब आदम, जिंदा प्राणी बनलक आउर आखरी आदम, मतलब मसीह जुग-जुग केर जिंदगी देवेक वाला आत्मा बनलक।

2 कुरिनथियनमन 3:17

प्रभु तो आत्मा हेके आउर जहाँव कहों प्रभु केर आत्मा रहेला हूवाँ मूसा केर नियम से आजादी मिलेला।

2 कुरिनथियनमन 3:6

जे हमरे के नवाँ करार केर सेवक बनेक केर लायक बनालक, मूसा केर लिखल नियम केर निहीं बल्कि पवितर आत्मा केर, काले कि मूसा केर लिखल नियम के पूरा नी करले दंड मिलेला, मगर पवितर आत्मा जुग-जुग केर जिंदगी देवेला।

गलातियनमन 2:19

इ एइसन अहे जइसन कि मोंय मूसा केर नियम लगिन मोइर गेलों, से लगिन मूसा केर नियम से अब मोंय नी चलोना, ताकि मोंय परमेश्‍वर केर सेवा करेक लगिन जिंदा रहेक पारमूँ।

गलातियनमन 5:1

मसीह हमरे के आजाद काइर हे ताकि हमरे मूसा केर नियम के मानेक से आजाद रहब। से लगिन अपन आजादी में बनल रहा आउर मूसा केर नियम के मानेक लगिन फिन से खुद के गुलाम ना बनावा।

गलातियनमन 6:2

हमर में से जेमन दुःखमन में अहैं, तो हमरे के उमन केर मदइत करेक चाही, एहे नियर हमरे मसीह केर नियम के मानिला।

याकूब 1:25

जे आदमी परमेश्‍वर केर सिद्ध बचन के धेयान से मनन करेला, जे कि आदमीमन के पाप से छुटकारा देवेला, उ आदमी अपन काम में इ लगिन आशीष पावी कि उ सुइन के नी भुलायला, मगर उकरे लेखे काम करेला।

प्रकाशितवाक्य 11:11

मगर साढ़े तीन दिन केर पाछे परमेश्‍वर केर बटले जिंदगी केर साँस आलक, आउर उमन उइठ के ठड़ाय गेलैं। तब उमन के देखेक वालामन केर उपरे डार समाय गेलक।

प्रकाशितवाक्य 22:1

तब स्वरगदूत मोके एगो नदी देखालक, जे जीवन केर पानी केर नदी रहे। उ नदी बिल्लौर मतलब साफ काँच केर नियर चमकत रहे। इ नदी परमेश्‍वर आउर मेमना केर सिंहासन से बहत रहे।