रोमानियनमन 8:1 - सादरी नवाँ नियम

¹ से लगिन अब जेमन मसीह यीशु में अहैं, उमन के परमेश्‍वर दंड नी देवी। (काले कि उमन काया केर मोताबिक निहीं बल्कि आत्मा केर मोताबिक चलैना।)

रोमानियनमन 8:1 Iomraidhean Croise

यूहन्ना 14:20

जब मोंय फिन से जिंदा होई के घूइर आमूँ तब तोहरेमन जाइन जबा कि मोंय अपन आबा परमेश्‍वर में अहों आउर तोहरेमन मोर में अहा, आउर मोंय तोहरेमन में अहों।

यूहन्ना 15:4

तोहरेमन मोर में बनल रहा आउर मोंय तोहर में बनल रहमूँ। जे लेखे लरंग अगर अंगूर केर बुदा में बनल नी रही, तो खुद से फारेक नी पारी, तइसनेहें तोहरेमन हों अगर मोर में बनल नी रहबा, तो कोनोवें करेक नी पारबा।

यूहन्ना 5:24

मोंय तोहर से सच कहाथों, जे मोर बचन के सुनेला आउर सुइन के मोर भेजेक वाला केर उपरे बिसवास करेला, उके जुग-जुग केर जिंदगी मिल हे, उके सजा नी देवल जाई, मगर उ जुग-जुग ले मोरेक से बाइच के नवाँ जिंदगी पाय चुइक हे।

रोमानियनमन 16:3

प्रिस्किल्ला बहिन आउर अक्विला भाई के, जेमन मसीह यीशु में मोर संगे काम करेक वाला हेकैं, जोहार।

रोमानियनमन 16:7

भाई अंद्रुनीकुस आउर बहिन यूनियास के जोहार, जेमन मोर अपन जाइत इसराइली हेकैं, आउर मोर संगे जेहेल जाय रहैं, उमन के यीशु केर चुनल खास चेलामन बढ़ियाँ से जानैना, आउर उमन मोर से पहिले मसीह केर चेला बाइन रहैं।

रोमानियनमन 5:1

से लगिन जब हमरे बिसवास से धरमी ठहरली, तो जे कोनों प्रभु यीशु मसीह हमर लगिन काइर हे, उकर चलते परमेश्‍वर केर संगे हमर मेल-मिलाप होई गेलक।

रोमानियनमन 5:16

आउर जइसन एक आदमी केर पाप करेक केर जे फल होलक, तइसनेहें दान केर दशा नी होलक, काले कि एक आदमी केर पाप केर चलते दंड देवेक केर फैसला होलक, मगर ढेइर पापमन केर चलते एइसन बरदान सिराजलक, कि आदमीमन धरमी ठहरलैं।

रोमानियनमन 7:17

तो एइसन दशा में उ बुरा काम के करेक वाला मोंय निहीं, बल्कि पाप हेके, जे मोर में बसल अहे।

रोमानियनमन 7:20

से लगिन, अगर मोंय ओहे काम के करोना जेकर इच्छा नी करोना तो उकर करेक वाला मोंय ना लगों, मगर पाप हेके जे मोर में बसल अहे।

रोमानियनमन 8:11

आउर अगर पवितर आत्मा जे यीशु के मोरलमन में से जियालक तोहर में बसल अहे, तो जे मसीह के मोरलमन में से जियालक, उ तोहर नाश होवेक वाला कायामन के हों अपन आत्मा केर द्वारा जे तोहर में बसल अहे जियाई।

रोमानियनमन 8:14

जेतना आदमीमन परमेश्‍वर केर आत्मा केर चलाल में चलैना, ओहेमन परमेश्‍वर केर संतान हेकैं।

रोमानियनमन 8:2

पवितर आत्मा तोहरेमन के जिंदगी देवी, जे जिंदगी मसीह यीशु बटले आवेला आउर उ तोहरे के पाप आउर माउत से आजाद करी।

रोमानियनमन 8:34

आउर केऊ हमरे के दंड देवेक नी पारी, काले कि यीशु मसीह हमर लगिन मोरलक आउर फिन मोरलमन में से जी उइठ के परमेश्‍वर केर भतखाइया आरा बाइठ हे, आउर हमर लगिन प्रार्थना हों कराथे।

रोमानियनमन 8:39

आउर ना उपरे आकाश केर शक्ति चाहे नीचे धरती केर शक्ति, सचमुच में परमेश्‍वर केर सिरजाल चीजमन में से कोनोवें चीजमन हमरे के परमेश्‍वर केर प्रेम से, जे हमरे के प्रभु यीशु मसीह बटले मिल हे, अलग करेक नी पारी।

रोमानियनमन 8:4

इ लगिन कि मूसा केर नियम केर माँग हमरे में जे पापी स्वभाव केर मोताबिक निहीं बल्कि पवितर आत्मा केर मोताबिक चलिला, पूरा करल जाओक।

रोमानियनमन 8:9

मगर जब पवितर आत्मा तोहर में बसेला, तो तोहरेमन पापी स्वभाव केर कब्जा में नखा, मगर आत्मा केर कब्जा में अहा। अगर केकरो में मसीह केर आत्मा नखे तो उ उकर आदमी ना लगे।

1 कुरिनथियनमन 1:30

मगर परमेश्‍वर तोहरे के यीशु मसीह में एक काइर हे, जेकर से उ हमरे के अपन गेयान देई हे। आउर परमेश्‍वर हमरे के अपन देखेक में धरमी हों बनायला, यीशु मसीह केर चलते हमरे पवितर बनाल जाय ही आउर यीशु मसीह हमरे के पाप से छुटकारा देई हे।

2 कुरिनथियनमन 12:2

मोंय मसीह में एगो आदमी के जानोना, जे चौदह बरिस पहिले, मोके पता नखे कि उ अपन काया सहित या सिरिफ अपन आत्मा में, परमेश्‍वर जानेला, इ आदमी सोउब से ऊँचा स्वरग तक उठाय लेवल गेलक।

2 कुरिनथियनमन 5:17

अगर केकरो रिश्ता मसीह केर संगे अहे, तो उ नवाँ सिरजन हेके, पुरना पापी स्वभाव दूर होई गेलक, देखा, नवाँ जिंदगी केर शुरुवात होई गेलक।

गलातियनमन 3:13

मसीह जे हमर लगिन सरपाल गेलक, हमरे के कीन के मूसा केर नियम केर सराप से छुटकारा देलक। काले कि पवितर किताब में लिखल अहे, जे केऊ क्रूस उपरे लटकाल जायला उ सरपाल जायला।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

गलातियनमन 3:28

अब ना केऊ यहूदी रहलक आउर ना यूनानी, ना केऊ गुलाम, ना आजाद, ना केऊ नर आउर ना नारी, काले कि तोहरेमन सोउब मसीह यीशु में एक हेका।

गलातियनमन 5:16

मगर मोंय तोहरे से कहोना कि तोहरे पवितर आत्मा केर अगुवाई केर मोताबिक चलेक केर कोशिश करा। तब तोहरे उ बुरा काममन के नी करबा, जेके तोहरे केर पापी स्वभाव करेक चाहेला।

गलातियनमन 5:25

काले कि पवितर आत्मा हमरे के नवाँ जिंदगी देई हे, से लगिन आवा, हमरे अपन जिंदगी केर सोउब काममन के पवितर आत्मा केर अगुवाई केर मोताबिक करब।

इफिसियनमन 1:1

इ चिट्ठी के मोंय पौलुस जे परमेश्‍वर केर इच्छा से यीशु मसीह केर चुनल खास चेला हेकों, उ पवितर आउर मसीह यीशु में बिसवासी आदमीमन केर नाँव में लिखाथों। जेमन इफिसुस शहर में अहैं।

फिलिप्पियनमन 3:9

आउर उकर में जुड़ल रहमूँ; मसीह में इ लेखे जुड़ल जाएक मोर अपन धरम केर काम से निहीं जे मूसा केर नियम के मानेक केर उपरे टिकल अहे, मगर इ उ नियर धरमी बनेक से होई हे जे सिरिफ मसीह में बिसवास करेक से परमेश्‍वर मोके देवेला।