रोमानियनमन 4:5 - सादरी नवाँ नियम

⁵ मगर जे आदमी धरमी ठहरेक लगिन काम नी करेला, बल्कि पापी आदमी के धरमी ठहराएक वाला उपरे बिसवास करेला, उकर बिसवास उके धरमी ठहरायला।

रोमानियनमन 4:5 Iomraidhean Croise

मरकुस 9:23

यीशु उकर से कहलक, “अगर तोंय करेक पारिसला, इ का गोइठ हेके? तोके शंका नी होवेक चाही कि मोंय एइसन करेक पारोना अगर केऊ आदमी मोर उपरे बिसवास करेला तो उकर लगिन सोउब कुछ होवेक पारी।”

यूहन्ना 5:24

मोंय तोहर से सच कहाथों, जे मोर बचन के सुनेला आउर सुइन के मोर भेजेक वाला केर उपरे बिसवास करेला, उके जुग-जुग केर जिंदगी मिल हे, उके सजा नी देवल जाई, मगर उ जुग-जुग ले मोरेक से बाइच के नवाँ जिंदगी पाय चुइक हे।

यूहन्ना 6:29

यीशु उमन के जबाब देलक, “परमेश्‍वर केर काम इ हेके कि जेके उ भेइज हे, उकर उपरे तोहरेमन बिसवास करा।”

रोमानियनमन 10:3

काले कि उमन परमेश्‍वर केर धरमी बनाएक के नी बुइझ के, अपन तरीका से धरमी बनेक केर कोशिश करैना, आउर परमेश्‍वर केर धरमी बनाएक केर नियम के नी मानैना।

रोमानियनमन 3:22

मतलब परमेश्‍वर हमरे के तब धरमी ठहरायला जब हमरे यीशु मसीह उपरे बिसवास करिला, चाहे हमरे यहूदी हेकी चाहे परजाइत हेकी, इकर कोनों भेद-भाव नखे।

रोमानियनमन 4:24

बल्कि हमरे लगिन हों जेमन के परमेश्‍वर धरमी ठहरायला, मतलब हमरे जेमन उकर उपरे बिसवास करिला, जे हमर प्रभु यीशु के मोरलमन में से जियालक।

रोमानियनमन 4:3

पवितर किताब में का लिखल अहे? इ कि परमेश्‍वर जे कइह हे उकर उपरे अब्राहम बिसवास करलक आउर इकर चलते परमेश्‍वर उके धरमी ठहरालक।

रोमानियनमन 4:6

एहे लेखे दाऊद हों पवितर किताब में लीख हे, धाइन हेकैं उमन, जे आदमीमन के परमेश्‍वर बेगर काम करले धरमी ठहराएला,

फिलिप्पियनमन 3:9

आउर उकर में जुड़ल रहमूँ; मसीह में इ लेखे जुड़ल जाएक मोर अपन धरम केर काम से निहीं जे मूसा केर नियम के मानेक केर उपरे टिकल अहे, मगर इ उ नियर धरमी बनेक से होई हे जे सिरिफ मसीह में बिसवास करेक से परमेश्‍वर मोके देवेला।