रोमानियनमन 4:1 - सादरी नवाँ नियम

¹ तो हमरे यहूदी केर रूप में हमर पुरखा अब्राहम केर बारे में का कहब? का कारण रहे जेकर से उ धरमी ठहरलक?

रोमानियनमन 4:1 Iomraidhean Croise

मत्ती 3:9

आउर अपन मन में इ ना सोचा कि हमरे सजा से बाइच जाब काले कि हमरे अब्राहम केर संतान हेकी, मोंय तोहरेमन से कहाथों कि परमेश्‍वर इ पखनामन से हों अब्राहम लगिन संतान जनमाएक पारेला।

लूका 3:8

से लगिन बेस काम काइर के देखावा कि तोहरेमन सचमुच में पाप करेक छोइड़ देई हा, आउर अपन-अपन मन में इ ना सोचा कि हमरे सजा से बाइच जाब काले कि हमरे अब्राहम केर संतान हेकी। मोंय तोहरेमन से कहाथों कि परमेश्‍वर इ पखनामन से हों अब्राहम लगिन संतान जनमाएक पारेला।

यूहन्ना 8:33

उमन उके जबाब देलैं, “हमरे तो अब्राहम केर संतान हेकी आउर कहियो केकरो गुलाम नी रही। फिन तोंय कइसन कहाथिस कि तोहरेमन आजाद होई जबा?”

यूहन्ना 8:53

हमर पुरखा अब्राहम तो मोइर गेलक। का तोंय उकर से हों महान अहिस? आउर परमेश्‍वर केर संदेश के बताएक वालामन हों मोइर गेलैं। तोंय खुद के का बुझिसला?”

यूहन्ना 8:56

तोहर पुरखा अब्राहम मोर दिन देखेक केर आसरा में ढेइर खुश रहे आउर उ देखलक आउर ढेइर खुश होलक।”

खास चेलामन केर काम 13:26

हे मोर इसराइली भाईमन, तोहरे जे अब्राहम केर संतान हेका आउर परमेश्‍वर केर डार मानाला, परमेश्‍वर तोहर ठिना यीशु केर बारे में इ छुटकारा केर संदेश भेइज हे।

रोमानियनमन 1:3

इ शुभ समाचार उकर बेटा हमर प्रभु यीशु मसीह केर बारे में अहे, जे काया केर हिसाब से तो दाऊद केर बंश से जनमलक।

रोमानियनमन 3:5

इ लगिन अगर हमरे केर बुरा काम परमेश्‍वर केर धारमिकता के देखायला, तो हमरे का कहब? का परमेश्‍वर जब हमरे के खिसायला आउर दंड देवेला तो गलती करेला? (इके तो मोंय आदमी केर रीति केर मोताबिक कहोना)

रोमानियनमन 4:16

करार परमेश्‍वर उपरे बिसवास में टिकल अहे, परमेश्‍वर अपन करार केर आसरा अपन किरपा से देवेला। इ करार ना सिरिफ अब्राहम केर बंशमन लगिन अहे जेमन मूसा केर नियम के मानैना, मगर जेमन अब्राहम केर नियर परमेश्‍वर उपरे बिसवास करैना उमन सोउब अब्राहम केर बंश हेकैं। उ हमरे सोउब केर पुरखा हेके।

रोमानियनमन 6:1

तो हमरे का कहब? परमेश्‍वर हमरे केर पाप के अपन किरपा से क्षमा करेला, से लगिन हमरे के एइसन नी सोचेक चाही कि चला पाप करते रहब कि किरपा ढेइर होवोक?

रोमानियनमन 7:7

तो हमरे का कहब? का मूसा केर नियम पाप हेके? निहीं बिलकुल निहीं! बल्कि मूसा केर नियम से हें मोंय पाप का हेके सेके जानलों। लोभ करेक पाप हेके सेके मोंय इकरे से जानलों, काले कि मूसा केर नियम में लिखल अहे, “तोहरे लोभ ना करबा,” निहीं तो लोभ करेक पाप हेके सेके मोंय नी जानतों।

रोमानियनमन 8:31

इ सोउब के देखते हुए हमरे इ कहेक पारिला कि अगर परमेश्‍वर हमर बटे अहे, तो केऊ हमरे के हरुवाएक नी पारबैं।

2 कुरिनथियनमन 11:22

का उमन हें इब्रानी आदमी हेकैं? मोंय हों हेकों, का उमन हें इसराइली आदमी हेकैं? मोंय हों हेकों, का उमन हें अब्राहम केर बंश हेकैं? मोंय हों हेकों।

इब्रानीमन 12:9

फिन जबकि हमर धरती केर आबा हों हमरे केर ताड़ना करत रहे आउर हमरे उकर आदर करली, तो हमरे के अपन स्वरग केर आबा केर आउर हें बगरा आदर करेक केर जरुरत अहे, ताकि हमरे जुग-जुग केर जिंदगी पावब।