रोमानियनमन 3:8 - सादरी नवाँ नियम

⁸ थोरेक आदमीमन हमरे उपरे दोष लगाते कहैना कि हमरे इ सिखाइला, “आवा हमरे बुराई करब ताकि हमरे केर भलाई होवोक” जेमन हमरे केर बारे में एइसन कहैना उमन दंड पावेक केर लायक अहैं।

रोमानियनमन 3:8 Iomraidhean Croise

मत्ती 5:11

धाइन अहा तोहरेमन, जब आदमीमन मोर पिछे चलेक केर खातिर तोहरेमन केर निंदा करबैं, आउर सताबैं आउर झूठ बोइल-बोइल के तोहरेमन केर बिरोध में सोउब रकम केर बुरा गोइठ कहबैं।

रोमानियनमन 5:20

आउर मूसा केर नियम इ लगिन देवल गेलक, ताकि सोउब आदमीमन देखेक पारबैं कि उमन कइसन पापी रहैं। मगर जब आदमीमन ढेइर पाप करलैं, हूवाँ किरपा जेके परमेश्‍वर देखालक उकर से हों बगरा होलक।

रोमानियनमन 6:1

तो हमरे का कहब? परमेश्‍वर हमरे केर पाप के अपन किरपा से क्षमा करेला, से लगिन हमरे के एइसन नी सोचेक चाही कि चला पाप करते रहब कि किरपा ढेइर होवोक?

रोमानियनमन 6:15

इ लगिन कि हमरे मूसा केर नियम केर अधीन निहीं बल्कि परमेश्‍वर केर किरपा केर अधीन अही हमरे के पाप बिलकुल करेक नखे।

रोमानियनमन 7:7

तो हमरे का कहब? का मूसा केर नियम पाप हेके? निहीं बिलकुल निहीं! बल्कि मूसा केर नियम से हें मोंय पाप का हेके सेके जानलों। लोभ करेक पाप हेके सेके मोंय इकरे से जानलों, काले कि मूसा केर नियम में लिखल अहे, “तोहरे लोभ ना करबा,” निहीं तो लोभ करेक पाप हेके सेके मोंय नी जानतों।

2 कुरिनथियनमन 11:15

से लगिन अगर उकर सेवकमन हों, धरमी बनाएक वाला केर सेवकमन नियर रूप धरबैं, तो कोनों बड़का गोइठ ना लगे, मगर उ मनक अंत उमन केर काममन केर मोताबिक होवी।

2 कुरिनथियनमन 6:8

आदमीमन केर बड़ाई करेक आउर तुच्छ जानेक से, हमरे के बुरा आदमी या बेस आदमी कहेक से, हमरे के भरमाएक वाला कहैना, फिन भी हमरे सच्चा हेकी।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।