रोमानियनमन 3:4 - सादरी नवाँ नियम

⁴ निहीं! बिलकुल निहीं! परमेश्‍वर हमेशा सच बतायला जइसन पवितर किताब में परमेश्‍वर केर बारे लिखल अहे, “तोर बचन तोके धरमी ठहरायला आउर जब तोंय न्याय करिसला तब तोंय जीत जाइसला।”

रोमानियनमन 3:4 Iomraidhean Croise

मत्ती 11:19

मगर मोंय आदमी केर बेटा खाते पिते आवाथों, सेकरो में उमन कहैना कि ‘देखा, पेटू आउर पियंक्कड़ आदमी, मालगुजारी लेवेक वालामन आउर पापी आदमीमन केर संग हेके।’ मगर आदमी केर उकर काममन से पता चलेला कि उ भला या बुरा आदमी हेके।”

लूका 20:16

उ आय के उ किसानमन के नाश करी, आउर अंगूर केर बारी केर जिम्मा दोसर आदमीमन के देवी।” इ सुइन के उमन कहलैं, “परमेश्‍वर एइसन ना करोक।”

यूहन्ना 3:33

जे आदमी उकर संदेश के माइन लेलक, उ इ गोइठ केर सबूत देई चुकलक कि परमेश्‍वर सच्चा हेके।

रोमानियनमन 11:1

इ लगिन मोंय पुछोना, का परमेश्‍वर अपन परजा के छोइड़ देलक? निहीं! बिलकुल निहीं! मोंय हों तो इसराइली हेकों, अब्राहम केर बंश आउर बिन्यामीन केर गोतर में से हेकों।

रोमानियनमन 11:11

तो मोंय पुछोना, “का इसराइलीमन एइसन ठोकर खाय के गिरलैं कि कहियो उठेक नी पारबैं?” निहीं! बिलकुल निहीं! मगर उमन केर अबिसवास केर चलते परजाइत आदमीमन के छुटकारा मिललक, ताकि इसराइली आदमीमन के हिसिंगा होवोक।

रोमानियनमन 3:31

तो का हमरे मूसा केर नियम के बिसवास करेक केर चलते बेकार ठहराइला? निहीं! बिलकुल निहीं! काले कि जब हमरे बिसवास करिला, तो हमरे इ देखाइला कि हमरे बुइझ गेली कि परमेश्‍वर का लगिन मूसा केर नियम के देई हे।

रोमानियनमन 6:15

इ लगिन कि हमरे मूसा केर नियम केर अधीन निहीं बल्कि परमेश्‍वर केर किरपा केर अधीन अही हमरे के पाप बिलकुल करेक नखे।

रोमानियनमन 6:2

निहीं बिलकुल निहीं! हमरे जब पाप केर लगिन मोइर गेली तो फिन आगे हमरे के पाप करते रहेक नखे।

रोमानियनमन 7:13

तो का मूसा केर नियम जे बेस रहे, मोर लगिन माउत केर कारण होलक? निहीं! बिलकुल निहीं! मगर पाप जे मूसा केर नियम के जे बेस रहे उकर द्वारा मोर लगिन माउत के लेई आनलक। इ नियर पाप साबित करलक कि सचमुच में पाप का हेके आउर आगया से पता चललक कि पाप सोउब रकम से बुरा अहे।

रोमानियनमन 7:7

तो हमरे का कहब? का मूसा केर नियम पाप हेके? निहीं बिलकुल निहीं! बल्कि मूसा केर नियम से हें मोंय पाप का हेके सेके जानलों। लोभ करेक पाप हेके सेके मोंय इकरे से जानलों, काले कि मूसा केर नियम में लिखल अहे, “तोहरे लोभ ना करबा,” निहीं तो लोभ करेक पाप हेके सेके मोंय नी जानतों।

रोमानियनमन 9:14

तो हमरे का कहब? का परमेश्‍वर केखो चुनेला तो उके चुनेक में अन्यायी अहे? निहीं! बिलकुल निहीं!

1 कुरिनथियनमन 6:15

तोहरेमन पक्का जानाला कि तोहर काया मसीह केर अंग हेके, तो का एगो आदमी अपन काया के लेई के, जे मसीह केर हेके बेश्या से संगति करी? निहीं बिलकुल निहीं।

2 कुरिनथियनमन 1:18

परमेश्‍वर जानेला कि जे कोनों हमरे तोहरे से कइह ही, उ सोउब सच्चा हेके।

गलातियनमन 2:17

थोरेक यहूदीमन सोचैना कि हमरे पाप काइर ही, काले कि हमरे मूसा केर नियम के मानेक छोइड़ के, धरमी बनेक लगिन यीशु मसीह उपरे भरसा करिला। तो का इकर मतलब इ हेके कि मसीह हमरे के पाप करुवायला? बिलकुल निहीं!

गलातियनमन 2:21

मोंय इ गोइठ के इनकार करेक नी पारमूँ कि परमेश्‍वर हमरे केर परती अपन किरपा केर चलते हमरे के बचालक, काले कि अगर मूसा केर नियम के मानेक से केऊ आदमी धरमी बनतक, तो मसीह के मोरेक नी पड़तक।

गलातियनमन 6:14

मगर मोंय क्रूस उपरे चढ़ाल हमर प्रभु यीशु मसीह के छोइड़ आउर कोनों गोइठ में घमंड करेक नी चाहोना। काले कि उकर माउत केर चलते, जे कोनों चीज इ दुनिया केर आदमीमन लगिन किमती अहे, मोर लगिन उकर कोनों कीमत नखे। आउर दुनिया केर आदमीमन केर बिचार से मोर हों कोनों कीमत नखे।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

इब्रानीमन 6:18

तो फिन हिंयाँ दूई गो गोइठ अहे, उकर करार आउर किरिया जे कहियो नी बदली, जेकर बारे में परमेश्‍वर कहियो झूठ नी बोलेला। इ लगिन हमरे जे परमेश्‍वर ठिना अपन रक्षा करेक ले आय ही आउर जे आसरा उ हमरे के देई हे, उके ढेइर हें उत्साह केर साथ धाइर ही।

1 यूहन्ना 5:10

जे परमेश्‍वर केर बेटा यीशु उपरे बिसवास करेला उ अपनेहें में गवाही रखेला। जे परमेश्‍वर केर उपरे बिसवास नी करलक, उ परमेश्‍वर के झूठा ठहरालक, काले कि उ परमेश्‍वर केर गवाही उपरे बिसवास नी करलक जेके परमेश्‍वर अपन बेटा केर बारे में देई हे।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन: