रोमानियनमन 3:3 - सादरी नवाँ नियम

³ अगर थोरेक यहूदीमन बिसवास लायक नी रहलैं, तो इकर से का होलक? का इकर मतलब परमेश्‍वर अपन करारमन के उमन लगिन पूरा करेक ले बिसवास लायक नखे?

रोमानियनमन 3:3 Iomraidhean Croise

मत्ती 24:35

आकाश आउर धरती नाश होई जाई, मगर मोर कहल सोउब गोइठ सोउब दिन लगिन बनल रही।

यूहन्ना 1:16

काले कि उकर भरपूरी में से हमरे आशीष उपरे आशीष पाली।

रोमानियनमन 10:16

मगर सोउब आदमीमन उ शुभ समाचार उपरे बिसवास नी करलैं। जइसन कि यशायाह परमेश्‍वर केर संदेश के बताएक वाला कहेला, “हे प्रभु, हमरे केर संदेश उपरे केऊ बिसवास नी करलैं।”

रोमानियनमन 11:29

काले कि परमेश्‍वर कहियो अपन बरदानमन से, आउर बोलाएक से पिछे नी मुढ़ेला।

रोमानियनमन 9:6

मगर मोंय इ नी कहाथों कि परमेश्‍वर अपन करार के पूरा करेक नी पारलक, काले कि सोउब इसराइल केर बंशमन सच्चा इसराइली ना लगैं।

2 कुरिनथियनमन 3:18

जब हमरे सोउब केर चेहरा से परदा उइठ जायला, तो उ चेहरा से प्रभु केर चमक चमकेला, जइसन कि आयना में दिसेला, तब परमेश्‍वर हमरे के चमकदार से चमकदार महिमा में बदलते जायला, इ प्रभु केर काम हेके जे पवितर आत्मा हेके।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

2 तीमुथियुस 2:13

अगर हमरे मसीह केर लगिन बिसवास लायक हों नखी, फिन भी उ हमरे केर लगिन बिसवास लाएक बनल रहेला, काले कि उ खुद अपन बिरोधी नी होवी।

इब्रानीमन 4:2

ठीक जइसन हमरे यीशु मसीह केर बारे में शुभ समाचार के सुनली, तइसनेहें इसराइली आदमीमन हों आराम केर ठाँव में जाएक केर बारे में शुभ समाचार के सुइन रहैं, मगर उमन बिसवास नी करलैं, से लगिन उ संदेश उमन ले बेकार होई गेलक।