रोमानियनमन 3:2 - सादरी नवाँ नियम

² मगर हाँ, यहूदी बनेक से ढेइर फायदा अहे, सोउब से खास बात तो इ अहे कि परमेश्‍वर केर बचन उमन के सोंपल गेलक।

रोमानियनमन 3:2 Iomraidhean Croise

यूहन्ना 5:39

तोहरेमन इ समइझ के पवितर किताब के पाढ़ाला कि उकर में जुग-जुग केर जिंदगी में ढूकेक केर डहर मिली। ओहे पवितर किताब मोर बारे में गवाही देवेला।

खास चेलामन केर काम 7:38

एहे मूसा सुनसान ठाँव में हमर पुरखामन केर माझे एगो अगुवा केर रूप में रहे। परमेश्‍वर एगो स्वरगदूत के भेजलक जे सीनै पहार उपरे उकर संगे गोठियाय रहे। उखे परमेश्‍वर जीवन देवेक वाला बचन बतालक आउर उके हमरे तक पोंहचालक।

रोमानियनमन 1:2

जे शुभ समाचार केर बारे में परमेश्‍वर पहिलेहें से अपन संदेश के बताएक वालामन बटले पवितर किताब में बताय हे।

रोमानियनमन 2:18

आउर तोहरे परमेश्‍वर केर इच्छा जानाला आउर मूसा केर नियम केर शिक्षा पाय के भला-बुरा गोइठमन के चिन्हेक पाराला।

रोमानियनमन 3:1

से लगिन केऊ कही, अगर खतना करवाल से हों यहूदीमन के परमेश्‍वर ग्रहण नी करी, तो परजाइत से यहूदी बनेक कोनों फायदा नखे,

रोमानियनमन 3:3

अगर थोरेक यहूदीमन बिसवास लायक नी रहलैं, तो इकर से का होलक? का इकर मतलब परमेश्‍वर अपन करारमन के उमन लगिन पूरा करेक ले बिसवास लायक नखे?

रोमानियनमन 9:4

उमन इसराइली आदमी हेकैं जइसन मोंय, उमन परमेश्‍वर केर बालपोस बढ़ाल संतान बनेक लगिन चुनल जाय हैं, आउर महिमा आउर करार आउर मूसा केर नियम पाय हैं, आउर भक्ति आउर करारमन ओहेमन केर हेके।

1 कुरिनथियनमन 9:17

अगर मोंय इ काम के अपन इच्छा से करतो, तो मोके इनाम मिलतक, आउर अगर मोके इ काम के करेक केर इच्छा नखे, फिन भी मोके इ काम के करेक लगिन जिम्मा सोंपल जाय हे।

2 कुरिनथियनमन 5:19

मतलब परमेश्‍वर मसीह केर द्वारा करल सोउब काममन केर जरिया से दुनिया केर आदमीमन लगिन अपन संगे मेल-मिलाप करेक केर डहर बनालक, आउर आदमीमन केर पापमन केर दोष उमन उपरे नी लगालक, आउर मेल-मिलाप करुवाएक केर बचन हमरे के सोंइप देई हे।

गलातियनमन 2:7

मगर अगुवामन देखलैं कि जइसन यहूदीमन लगिन शुभ समाचार परचार केर काम पतरस के सोंपल जाय हे, तइसनेहें परजाइतमन लगिन मोके शुभ समाचार परचार केर काम सोंपल जाय हे।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

इब्रानीमन 5:12

अब तक तो तोहरे के सिखाएक वाला बाइन जाएक रहे, मगर तोहरे के तो एइसन आदमी केर जरुरत अहे, जे तोहरेमन के परमेश्‍वर केर बचन केर शुरुवाती गोइठमन के सिखाओक। तोहरे तो छउवामन नियर अहा जेमन के दूध चाही ठोस आहार निहीं।

1 पतरस 4:11

उदाहरन लगिन अगर तोहर ठिना परचार करेक केर बरदान अहे, तो तोहरे के परमेश्‍वर केर संदेश केर परचार करेक चाही, अगर तोहर ठिना दोसर आदमीमन केर मदइत करेक केर बरदान अहे, तो इके तोहरे उ शक्ति केर साथ करा जेके परमेश्‍वर तोहरे के देवेला, तब जे कुछ हों तोहरे करबा, उकर से यीशु मसीह केर द्वारा परमेश्‍वर केर महिमा होवी। सोउब महिमा आउर शक्ति युग-युग लगिन उकरे हेके। आमीन।

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”