रोमानियनमन 3:1 - सादरी नवाँ नियम

¹ से लगिन केऊ कही, अगर खतना करवाल से हों यहूदीमन के परमेश्‍वर ग्रहण नी करी, तो परजाइत से यहूदी बनेक कोनों फायदा नखे,

रोमानियनमन 3:1 Iomraidhean Croise

यूहन्ना 4:22

तोहरे सामरी आदमीमन जेके नी जानाला, उकर भक्ति कराला, मगर हमरे यहूदीमन जेके जानिला उकर भक्ति करिला, काले कि छुटकारा यहूदीमन में से अहे।

रोमानियनमन 3:2

मगर हाँ, यहूदी बनेक से ढेइर फायदा अहे, सोउब से खास बात तो इ अहे कि परमेश्‍वर केर बचन उमन के सोंपल गेलक।

रोमानियनमन 3:9

तो का होलक? का हमरे परजाइत आदमीमन से बेस अही? बिलकुल निहीं, काले कि हमरे यहूदीमन आउर परजाइत आदमीमन दुयो उपरे दोष लगाय चुइक ही कि उमन सोउब पाप केर शक्ति केर वश में अहैं।

1 कुरिनथियनमन 15:32

मोंय इफिसुस शहर में भारी कठिनाई में से होई के गुजरलों, काले कि जेमन मोर बिरोध करैना उमन भयानक जानवरमन नियर अहैं। आदमीमन केर बिचार केर मोताबिक मोके उ कठिनाईमन से का मिललक? बिलकुल कोनोवें निहीं। से लगिन अगर इ सच अहे कि मुरदामन फिन से नी जी उठबैं, तो आदमीमन केर कहल नियर चलेक भला होवी, जइसन कि उमन कहैना, “आवा खाब-पियब काले कि अगर काइल मोइर जाब तो सोउब कुछ सिराय जाई।”

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।