रोमानियनमन 2:4 - सादरी नवाँ नियम

⁴ का तोहरे परमेश्‍वर केर दया, आउर सहन करेक, आउर धीरज रुपी धन के तुच्छ जानाला? आउर का, इ नी बुझाला कि परमेश्‍वर केर दया तोहरेमन के पाप करेक के छोड़ेक ले सिखायला?

रोमानियनमन 2:4 Iomraidhean Croise

रोमानियनमन 11:22

इ लगिन परमेश्‍वर केर किरपा आउर कड़ाई के धेयान से देखा! जेमन गिर गेलैं उमन उपरे उ कड़ाई करलक, मगर तोहरे उपरे किरपा करलक, अगर तोहरे उकर किरपा में लगातार बनल नी रहबा तो तोहरे हों काइट देवल जबा।

रोमानियनमन 11:33

अहा! परमेश्‍वर केर धन आउर बुद्धि आउर गेयान कइसन गंभीर अहे! उकर बिचार के केऊ बखाइन करेक नी पारैना आउर उकर डहर के केऊ समझेक नी पारैना!

रोमानियनमन 3:25

परमेश्‍वर यीशु मसीह के हमरे केर मुक्ति खातिर क्रूस उपरे बलिदान होवेक लगिन भेजलक, आउर मसीह अपन लोहू बहाय के इ लगिन बलिदान देलक, ताकि उकर उपरे बिसवास काइर के हमरे परमेश्‍वर केर भीरे आवेक पारब। ढेइर पहिले परमेश्‍वर इ बताएक लगिन एइसन करलक कि उ धीरज धारेक में आउर पापीमन के माफ करेक में सच्चा रहे, इकर से इ हों पता चलेला कि परमेश्‍वर सही अहे, जब उ, उमन के अपनायला जेमन यीशु उपरे बिसवास करैना।

रोमानियनमन 6:1

तो हमरे का कहब? परमेश्‍वर हमरे केर पाप के अपन किरपा से क्षमा करेला, से लगिन हमरे के एइसन नी सोचेक चाही कि चला पाप करते रहब कि किरपा ढेइर होवोक?

रोमानियनमन 6:15

इ लगिन कि हमरे मूसा केर नियम केर अधीन निहीं बल्कि परमेश्‍वर केर किरपा केर अधीन अही हमरे के पाप बिलकुल करेक नखे।

2 कुरिनथियनमन 8:2

जब उमन ढेइर दुःखमन से परखल गेलैं, तो उमन ढेइर खुश होलैं आउर भारी गरीबी में उमन खुला दिल से दोसर बिसवासीमन के मदइत करलैं।

इफिसियनमन 1:18

मोंय एहो प्रार्थना करोना कि परमेश्‍वर तोहरे केर दिमाग के खोइल देवोक, ताकि उकर बोलाएक में जे आसरा अहे उके आउर उकर महिमा से भरल आशीषमन के, जे सोउब पवितर आदमीमन लगिन अहे, जानेक पारबा।

इफिसियनमन 1:7

हमरे के परमेश्‍वर केर ढेइर किरपा से यीशु मसीह केर लोहू बहाएक केर चलते छुटकारा मिल हे, मतलब पापमन केर क्षमा मिल हे।

इफिसियनमन 2:4

मगर परमेश्‍वर जे ढेइर दयालु अहे, जब हमरे पापमन केर चलते मोरल नियर रही, तो अपन बड़का प्रेम से हमरे के प्रेम करलक। आउर मसीह केर संगे एक होवेक केर चलते हमरे के जियालक, (परमेश्‍वर केर किरपा से हें तोहर छुटकारा होई हे)।

इफिसियनमन 2:7

परमेश्‍वर एइसन करलक जेकर से उ आवेक वाला दिन में दुनिया केर आदमीमन के इ देखाएक पारी कि उकर किरपा केतना बड़का अहे। जे किरपा के उ हमरे लगिन जेमन यीशु मसीह में एक होई जाय ही, सोउब कुछ काइर के देखालक।

इफिसियनमन 3:16

मोंय प्रार्थना करोना कि उ अपन महिमा से भरल धन केर मोताबिक तोहरेमन के इ दान देवोक कि तोहरेमन उकर आत्मा से अपन भीतरे शक्ति पाय के बलवान होई जबा।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

फिलिप्पियनमन 4:19

आउर मोर परमेश्‍वर हों अपन उ धन केर मोताबिक जे महिमा सहित यीशु मसीह में अहे, तोहर हरेक घटी के पूरा करी।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

1 तीमुथियुस 1:16

मगर यीशु मसीह मोर उपरे दया करलक आउर मोर सोउब से बगरा पापमन के क्षमा काइर के, इ देखाएक चाहेला कि उ केतना सहनशील अहे। ताकि उमन लगिन मोंय एगो नमूना बनमूँ, जेमन पाछे से जुग-जुग केर जिंदगी पावेक लगिन उकर उपरे बिसवास करबैं।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

1 पतरस 3:20

इ उ मनक आत्मा रहे, जेमन ढेइर समय पहिले परमेश्‍वर केर आगया के तोइर रहैं, जब नूह अपन जहाज के बनात रहे तब परमेश्‍वर धीरज से इंतजार काइर के देखत रहे कि का उमन पाप करेक छोइड़ देबैं, मगर जब पानी दुनिया के नाश काइर देलक तब जहाज में ढूकेक वालामन सिरिफ आठ आदमीमन के बचाल जाय रहे।

2 पतरस 1:11

आउर इ कि परमेश्‍वर उ राइज में ढेइर खुशी से तोहर स्वागत करी जहाँ यीशु मसीह अहे, जे हमर प्रभु आउर छुटकारा देवाइया हेके आउर उ सोउब दिन लगिन राजा केर रूप में राइज करी।

2 पतरस 3:15

आउर अगर हमर प्रभु अपन धीरज केर खातिर देरी कराथे तो इके तोहरे अपन छुटकारा पावेक केर एगो मोका केर रूप में समझा, जइसन हमर दुलारा भाई पौलुस हों तोहरे के उ गेयान केर मोताबिक लिखलक, जे परमेश्‍वर उके देई हे, ओहो तोहरे के ओहे गोइठ बतालक जेके मोंय अपन चिट्ठी में बताय हों।

2 पतरस 3:3

सोउब से जरुरी गोइठ तोहरे के समझेक चाही कि मसीह केर घूइर आवेक से पहिले एइसन आदमीमन होबैं, जे तोहर मजाक उड़ाबैं, काले कि तोहरे बिसवास कराला कि मसीह फिन से घूइर आवी। उमन आदत से मजबूर होई के बुरा काममन के करबैं।

2 पतरस 3:9

थोरेक आदमीमन सोचैना कि प्रभु अपन घूइर आवेक केर करार के पूरा करेक में देरी कराथे, मगर एइसन नखे, उ तोहरेमन केर चलते धीरज धराथे। उ चाहेला कि केऊ हों नाश ना होवोक, मगर हर केऊ अपन मन के फिराओक आउर पाप काम करेक छोइड़ देओक आउर प्रभु ठिना आय जाओक।

प्रकाशितवाक्य 2:21

मोंय उके पाप करेक छोड़ेक केर मोका देलों, मगर उ अपन ब्यभिचार केर पाप के करेक से छोड़ेक नी चाहेला।

प्रकाशितवाक्य 3:20

देख, मोंय दुरा में ठड़ाल ठोकठोकवना, अगर केऊ मोर शबद सुइन के दुरा खोली, तो मोंय उकर ठिना भीतरे आय के उकर संगे भोजन करमूँ, आउर उ मोर संगे।