रोमानियनमन 13:2 - सादरी नवाँ नियम

² इकर लगिन जे केऊ आदमी उमन केर आगयामन के नी मानेला, जेमन के राइज करेक केर अधिकार मिल हे, तो उ आदमी परमेश्‍वर केर नियम केर बिरोध करेला, आउर नियम केर बिरोध करेक वालामन दंड पाबैं।

रोमानियनमन 13:2 Iomraidhean Croise

मत्ती 23:13

हे ढोंगी मूसा केर नियम के सिखाएक वाला आउर फरीसी दल केर आदमीमन, तोहर उपरे हाय! तोहरेमन आदमीमन केर लगिन स्वरग राइज केर दुरा के बंद काइर देवाला, तोहरेमन खुद हें उकर में नी ढूकाला आउर जेमन ढूकेक खोजैना ओहोमन के ढूकेक नी देवाला।

मरकुस 12:40

उमन बिधवामन के धोखा देई के उ मनक घर आउर धन-सम्पति के कब्जा काइर लेवैना आउर उमन के देखाएक लगिन ढेइर देरी तक प्रार्थना करते रहैना। एइसन आदमीमन के परमेश्‍वर कड़ा सजा देवी।”

लूका 20:47

उमन बिधवामन के धोखा देई के उ मनक घर आउर धन सम्पति के कब्जा काइर लेवैना आउर उमन के देखाएक लगिन ढेइर देरी तक प्रार्थना करते रहैना। एइसन आदमीमन के परमेश्‍वर कठोर सजा देई।”

रोमानियनमन 13:1

हरेक आदमी सरकारी अधिकारीमन केर अधीन रहोक, काले कि सोउब अधिकार परमेश्‍वर बटे से मिलेला आउर जे अधिकारीमन अहैं, उमन परमेश्‍वर बटले हें ठहराल जाय हैं।

रोमानियनमन 13:3

अगर केऊ भला करेला तो उके सरकार से डराएक केर जरुरत नखे। मगर, अगर उ बुरा करेला तो उके डराएक चाही, अगर तोहरे सरकार केर अधिकारीमन से डराएक नी चाहाला, तो बेस काम करा आउर उमन तोहरे के बेस कहबैं।

रोमानियनमन 13:5

तोहरे के उमन केर अधीन रहेक अहे, ना सिरिफ दंड से बचेक ले, मगर मन के शुद्ध रखेक लगिन हों।

रोमानियनमन 9:19

तब थोरेक आदमीमन मोर से कहबैं, “अगर एइसन अहे, तो परमेश्‍वर काले कहेला हमरे बुरा अही, परमेश्‍वर केर इच्छा केर बिरोध के करेक पारेला?”

तीतुस 3:1

बिसवासीमन के याइद दिवाव कि उमन हाकिममन आउर अधिकारीमन केर आदर करोक, आउर उमन केर आगया के मानोक, आउर दोसरमन लगिन बेस काम के करोक।

याकूब 3:1

हे मोर भाईमन, तोहर में से ढेइरमन परमेश्‍वर केर बचन के सिखाएक वाला ना बनबा, काले कि तोहरे जानाला कि हमरे सिखाएक वालामन केर आउर हें कड़ाई से फैसला करल जाई।

1 पतरस 2:13

प्रभु चाहेला कि आदमीमन केर ठहराल हर एक सरकारी अधिकारीमन केर अधीन में रहा, आउर राजा केर हों, इ लगिन कि उ सोउब केर उपरे राइज करेला।