रोमानियनमन 13:1 - सादरी नवाँ नियम

¹ हरेक आदमी सरकारी अधिकारीमन केर अधीन रहोक, काले कि सोउब अधिकार परमेश्‍वर बटे से मिलेला आउर जे अधिकारीमन अहैं, उमन परमेश्‍वर बटले हें ठहराल जाय हैं।

रोमानियनमन 13:1 Iomraidhean Croise

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

यूहन्ना 19:11

यीशु उके जबाब देलक, “अगर तोके परमेश्‍वर बटे से अधिकार नी देवल जातक, तो मोर उपरे तोर कोनों अधिकार नी होतक। इ लगिन जे मोके तोर हाँथ में जिम्मा देई हे उकर पाप बगरा अहे।”

खास चेलामन केर काम 2:41

जेमन पतरस केर गोइठ उपरे बिसवास करलैं, उमन बपतिस्मा जल संस्कार लेलैं। आउर ओहे दिन लगभग तीन हजार आदमीमन बिसवासीमन केर दल में मिल गेलैं।

रोमानियनमन 12:21

बुराई से ना हारा मगर भलाई से बुराई के जीत लेवा।

रोमानियनमन 13:2

इकर लगिन जे केऊ आदमी उमन केर आगयामन के नी मानेला, जेमन के राइज करेक केर अधिकार मिल हे, तो उ आदमी परमेश्‍वर केर नियम केर बिरोध करेला, आउर नियम केर बिरोध करेक वालामन दंड पाबैं।

इफिसियनमन 5:21

आउर मसीह केर भक्ति करेक केर चलते एक दोसर केर अधीन में रहा।

1 तीमुथियुस 2:2

राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

तीतुस 3:1

बिसवासीमन के याइद दिवाव कि उमन हाकिममन आउर अधिकारीमन केर आदर करोक, आउर उमन केर आगया के मानोक, आउर दोसरमन लगिन बेस काम के करोक।

यहूदा 1:8

ओहे लेखे बिसवास केर देखावा करेक वाला अधरमी आदमीमन इ दावा करैना कि परमेश्‍वर उमन के दर्शन में देखाय हे कि उमन अपन काया के गंदा काम काइर के अशुद्ध करेक पारैना। उमन परमेश्‍वर केर अधिकार के तुच्छ जानैना आउर स्वरग दूतमन केर बारे में बुरा भला कहैना।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 19:16

उकर लुगा आउर जाँघ उपरे इ लिखल रहे: “राजामन केर राजा आउर प्रभुमन केर प्रभु।”