रोमानियनमन 12:3 - सादरी नवाँ नियम

³ मोंय उ किरपा केर चलते जे मोके मिल हे तोहर में से हरेक झन से कहोना, तोहरे के जइसन समझेक चाही उकर से बाइढ़ के केऊ हों खुद के ना समझबा, मगर जइसन परमेश्‍वर हरेक के बिसवास केर मात्रा बाँइट देई हे तइसनेहें बेस बुद्धि केर संगे खुद के समझबा।

रोमानियनमन 12:3 Iomraidhean Croise

लूका 18:11

फरीसी दल केर आदमी ठड़ाय के अपन मन में इ नियर प्रार्थना करेक लगलक, ‘हे परमेश्‍वर, मोंय तोके धन्यबाद देवाथों कि मोंय दोसर आदमीमन लेखे लोभी, अन्यायी आउर ब्यभिचारी नखों आउर ना मालगुजारी लेवेक वाला नियर अहों।

यूहन्ना 3:34

परमेश्‍वर जे आदमी के भेइज हे, उ आदमी परमेश्‍वर केर हें गोइठ के बतायला, काले कि परमेश्‍वर पवितर आत्मा के नाइप-नाइप के नी देवेला, मगर उ भरपूरी से देवेला।

रोमानियनमन 1:5

उकरे लेई के मोके किरपा, आउर यीशु केर चुनल खास चेला बाइन के उकर सेवा करेक केर मोका परमेश्‍वर बटले देवल जाय हे, ताकि उकर नाँव केर चलते सोउब जाइतमन यीशु मसीह उपरे बिसवास काइर के उकर आगया मानोक।

रोमानियनमन 11:20

इ ठीक अहे, उमन तो अबिसवास केर चलते बेस जैतून केर गाँछ से टुटाल गेलैं, मगर तोहरेमन बिसवास से बनल रहाला, इ लगिन घमंडी ना होवा मगर परमेश्‍वर से डरावा।

रोमानियनमन 11:25

हे बिसवासी भाईमन, मोंय चाहोना कि तोहरेमन इ भेद के बुझा, ताकि तोहरे खुद में घमंड ना करबा, थोरेक इसराइलीमन कठोर मन वाला अहैं, इ कठोर बनल रहेक तब तक रही, जब तक कि परजाइत आदमीमन केर मसीह में बिसवास करेक केर गिनती पूरा नी होवी।

रोमानियनमन 12:16

सोउब केर संगे एके नियर ब्यवहार करा, घमंडी ना होवा, मगर गरीब दुःखीमन केर संगे संगति रखा, अपन नजइर में बुद्धिमान ना होवा।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

1 कुरिनथियनमन 3:10

जे काम परमेश्‍वर मोके करेक लगिन देई हे उके मोंय बुद्धिमानी से करलों, मोंय तोहरे केर शहर में शुभ समाचार केर परचार करलों, आउर पहिले तोहर में से आदमीमन के यीशु उपरे बिसवास करेक में मदइत करलों। इकर पाछे जे काम के मोंय करलों उके दोसर सेवकमन आगे बढ़ालैं, मगर हमर में से हरेक सेवक के धेयान से बिचार करेक चाही कि परमेश्‍वर केर काम कइसन करेक अहे।

1 कुरिनथियनमन 7:17

जे मोंय कइह हों उकर निचोड़ इ हेके: हरेक झन ओहे दशा में बनल रहोक जे दशा में उके परमेश्‍वर बटले बोलाल जाय रहे, आउर उ प्रभु से जे बरदान पाय हे उकरे मोताबिक जिंदगी बिताओक, मोंय सोउब कलीसियामन लगिन एहे नियम ठहराय हों।

2 कुरिनथियनमन 10:13

हमरे तो जे काम परमेश्‍वर हमरे के करेक लगिन देई हे उकर से बगरा घमंड कहियो नी करब, मगर ओतनेहें तक करब जेतना परमेश्‍वर हमर लगिन ठहराय देई हें, आउर उकर में तोहरेमन हों शामिल होई जाय हा, आउर उकरे मोताबिक घमंड हों करब।

2 कुरिनथियनमन 12:13

एक काम अहे जेके मोंय तोहरेमन केर साथ नी करलों, मगर दोसर कलीसियामन केर बिसवासीमन से करलों, मोंय सिरिफ रुपया केर भार तोहरे उपरे नी देलों, जेकर मोके जरुरत रहे, तोहरे केर इ सोचेक गलत अहे कि मोंय एइसन काइर के तोहर बिरोध में गलती काइर हों।

2 कुरिनथियनमन 12:7

मोंय परमेश्‍वर केर अदभुत गोइठमन केर चलते जेके उ मोके देखाय हे, घमंड से ना भाइर जामूँ, से लगिन मोर काया में एगो काँटा जोबल जाय हे, मतलब शैतान केर एगो दूत मोके घूँसा मारेक लगिन ताकल अहे, ताकि मोंय फूइल ना जामूँ।

गलातियनमन 6:3

अगर केऊ अपने के समझेला कि मोंय खास आदमी हेकों, जबकि उ खास आदमी ना लगे, तो खुद के उ धोखा देवाथे।

इफिसियनमन 3:2

तोहरे जरूर सुइन हा परमेश्‍वर अपन किरपा से तोहरेमन के शुभ समाचार सुनाएक केर जिम्मेदारी मोके देई हे।

इफिसियनमन 3:4

जब तोहरेमन चिट्ठी के पढ़बा तो यीशु मसीह केर बारे में लुकल योजना के जेके मोंय सफा-सफा समइझ गेलों, तोहरे हों समइझ जबा।

इफिसियनमन 4:16

हमरे सोउब जे मसीह उपरे बिसवास करिला, उकर काया केर अंगमन नियर अही। जे नियर एगो आदमी केर काया उकर समूचा जोड़मन से एके संगे जुड़ल रहेला, आउर जब काया केर हरेक अंग ठीक से काम करेला तो काया बढ़ेला आउर मजबूत होवेला, ओहे नियर जब हमर में से हरेक झन उ काम के करेला जेके करेक ले मसीह हमरे के देई हे, तो हमरे मजबूत आउर पक्का बाइन जाइला।

फिलिप्पियनमन 2:13

काले कि परमेश्‍वर तोहरे में काम कराथे, आउर इच्छा आउर शक्ति देवाथे कि तोहरेमन ओहे काम करबा जेकर से परमेश्‍वर खुश होवेला।

कुलुसियनमन 1:29

एहे लगिन मोंय उकर उ महाशक्ति केर मोताबिक, जे मोर में शक्ति केर संगे काम करेला मेहनइत करोना, आउर एइसन करेक लगिन मोंय कठिन मेहनइत हों करोना।

कुलुसियनमन 2:13

आउर परमेश्‍वर तोहरेमन के हों, जे अपन गुन्हामन आउर पापी स्वभाव केर चलते आत्मा में मोरल रहा, उकर संगे जियालक, आउर हमर सोउब पापमन के क्षमा करलक।

1 तीमुथियुस 1:14

मगर हमर प्रभु केर किरपा, बिसवास आउर प्रेम केर संगे भरपूरी से मोर उपरे होलक, काले कि मोंय मसीह यीशु केर संगे एकजूट अहों।

1 तीमुथियुस 2:15

फिन भी छउवा जनम देवेक केर चलते जनानामन बाइच जाबैं, अगर उमन यीशु मसीह में बिसवास रखबैं, दोसरमन से प्रेम करबैं आउर शुद्ध आउर संयम सहित जिंदगी बिताबैं, तो परमेश्‍वर उमन के बचाय लेवी।

1 तीमुथियुस 2:9

ओहे नियर मोंय चाहोना कि बिसवासी जनानामन के हों, उचित तरीका से लुगा पिंधेक चाही, जे कि सभ्य आउर स्वीकार लायक होवोक, आउर बाल के एइसन गूँथोक कि जेके देखेक ले दोसरमन आकर्षित ना होवोक, आउर ना ही दोसरमन के देखाएक लगिन सोना आउर मोतीमन आउर ना महंगा लुगा पिंधोक।

तीतुस 2:12

आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

तीतुस 2:2

मतलब बूढ़ा आदमी के संयम आउर एइसन समझदारी से ब्यवहार करेक चाही, ताकि आदमीमन उकर आदर करबैं। आउर उके परमेश्‍वर उपरे पक्का बिसवास करेक चाही, आउर दोसरमन के सच्चाई से प्रेम करेक आउर दुःखमन में धीरज धारेक चाही।

तीतुस 2:4

ताकि उमन एगो बेस नमूना देखाबैं आउर जवान जनानामन के सलहा देवेक केर लायक होबैं, ताकि जवान जनानामन अपन पतिमन आउर छउवामन से प्रेम रखोक।

तीतुस 2:6

एइसनेहें जवान मरदानामन के हों समझाव, कि संयम आउर समझदारी से काम करोक।

याकूब 4:6

उ किरपा जे परमेश्‍वर हमरेमन के देवेला ढेइर शक्तिशाली अहे, एहे लगिन पवितर किताब में लिखल अहे, “परमेश्‍वर घमंडीमन से बिरोध करेला, मगर नरम आदमीमन केर उपरे किरपा करेला।”

1 पतरस 1:13

इ लगिन अपन-अपन मन के तेयार करा, जइसन आदमीमन काम करेक ले तेयार होवेक लगिन अपन डाँड़ा के बंधायना। खुद के काबू में रखा आउर उ किरपा केर पूरा आसरा रखा, जेके यीशु मसीह के दोबारा आवेक से तोहरे के देवल जाई।

1 पतरस 4:11

उदाहरन लगिन अगर तोहर ठिना परचार करेक केर बरदान अहे, तो तोहरे के परमेश्‍वर केर संदेश केर परचार करेक चाही, अगर तोहर ठिना दोसर आदमीमन केर मदइत करेक केर बरदान अहे, तो इके तोहरे उ शक्ति केर साथ करा जेके परमेश्‍वर तोहरे के देवेला, तब जे कुछ हों तोहरे करबा, उकर से यीशु मसीह केर द्वारा परमेश्‍वर केर महिमा होवी। सोउब महिमा आउर शक्ति युग-युग लगिन उकरे हेके। आमीन।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

1 पतरस 5:5

हे जवान छोड़ा-छोंड़ीमन, एइसनेहें काइर के तोहरे के कलीसिया केर अगुवामन केर अधीन रहेक चाही, तोहरे सोउब के नरम भाव से एक-दोसर केर मदइत करेक चाही, काले कि आबा परमेश्‍वर केर बचन में लिखल अहे, “परमेश्‍वर घमंडी आदमीमन केर बिरोध करेला, मगर नरम आदमीमन उपरे किरपा करेला।”

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

3 यूहन्ना 1:9

मोंय आगे हों कलीसिया केर बिसवासीमन के इ चिट्ठी लीख रहों, मगर दियुत्रिफेस मोर गोइठमन के मानेक से मना करेला काले कि उ खुद कलीसिया केर अगुवा बनेक चाहेला।