रोमानियनमन 10:3 - सादरी नवाँ नियम

³ काले कि उमन परमेश्‍वर केर धरमी बनाएक के नी बुइझ के, अपन तरीका से धरमी बनेक केर कोशिश करैना, आउर परमेश्‍वर केर धरमी बनाएक केर नियम के नी मानैना।

रोमानियनमन 10:3 Iomraidhean Croise

लूका 10:29

मगर उ खुद के धरमी ठहराएक केर इच्छा से यीशु से पूछलक, “तो मोर पड़ोसी के हेके?”

लूका 16:15

यीशु उमन से कहलक, “तोहरेमन आदमीमन केर सामने खुद के धरमी आदमी नियर देखाला मगर परमेश्‍वर तोहरेमन केर मन के जानेला, काले कि जे गोइठ आदमीमन केर नजइर में किमती अहे, उ परमेश्‍वर केर नजइर में घिनघिना अहे।

रोमानियनमन 1:17

काले कि शुभ समाचार में बिसवास करेक से परमेश्‍वर हमरे के अपन देखेक में पूरा-पुरी धरमी बनायला। जइसन कि पवितर किताब में लिखल अहे, “उ आदमी जे बिसवास करेक केर चलते परमेश्‍वर केर देखेक में धरमी बाइन हे, उ जिंदा रही।”

रोमानियनमन 10:2

मोंय उमन केर गवाही देवोना कि उमन के परमेश्‍वर लगिन जोश तो अहे, मगर परमेश्‍वर केर कइसन सेवा करेक अहे सेके नी जानैना।

रोमानियनमन 10:20

फिन यशायाह परमेश्‍वर केर संदेश के बताएक वाला ढेइर साहस केर संगे बतायला कि प्रभु कहेला, “जे आदमीमन मोके नी खोजत रहैं, उमन मोके पाय गेलैं, आउर मोंय उमन के मिललों जेमन मोके पूछबो नी करत रहैं।”

रोमानियनमन 11:7

से लगिन एइसन होलक, जबकि इसराइलीमन धरमी बनेक केर कोशिश करलैं मगर बनेक नी पारलैं, मगर परमेश्‍वर जेमन के चुइन लेलक उमन धरमी बाइन गेलैं, दोसरमन के ढींठ बनाय देवल गेलक आउर उमन परमेश्‍वर केर गोइठ के सुनेक से ठुकराय देलैं।

रोमानियनमन 3:22

मतलब परमेश्‍वर हमरे के तब धरमी ठहरायला जब हमरे यीशु मसीह उपरे बिसवास करिला, चाहे हमरे यहूदी हेकी चाहे परजाइत हेकी, इकर कोनों भेद-भाव नखे।

रोमानियनमन 5:19

काले कि जइसन एक आदमी केर आगया नी मानेक से ढेइर आदमीमन पापी ठहरलैं, तइसनेहें एक आदमी केर आगया मानेक से ढेइर आदमीमन धरमी ठहरबैं।

2 कुरिनथियनमन 5:21

मसीह, जे पाप से अनजान रहे, उखे परमेश्‍वर हमर लगिन पाप ठहरालक, ताकि हमरे उकर नजइर में धरमी बनेक पारब, काले कि मसीह हमरे केर पापमन केर दंड के अपन उपरे उठाय लेलक।

फिलिप्पियनमन 3:9

आउर उकर में जुड़ल रहमूँ; मसीह में इ लेखे जुड़ल जाएक मोर अपन धरम केर काम से निहीं जे मूसा केर नियम के मानेक केर उपरे टिकल अहे, मगर इ उ नियर धरमी बनेक से होई हे जे सिरिफ मसीह में बिसवास करेक से परमेश्‍वर मोके देवेला।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।