रोमानियनमन 1:8 - सादरी नवाँ नियम

⁸ पहिले मोंय तोहरे सोउबमन केर लगिन यीशु मसीह केर द्वारा अपन परमेश्‍वर के धन्यबाद देवोना, काले कि ढेइर ठाँवमन में यीशु मसीह उपरे तोहर बिसवास केर बारे में चरचा होवाथे।

रोमानियनमन 1:8 Iomraidhean Croise

मत्ती 24:14

आउर परमेश्‍वर केर राइज केर शुभ समाचार गोटा दुनिया में परचार करल जाई, ताकि सोउब जाइत केर आदमीमन के यीशु के ग्रहण करेक केर मोका मिली, तब इकर पाछे दुनिया केर अंत होई जाई।

लूका 2:1

उ दिनमन रोमी महाराजा औगुस्तुस अपन राइज केर आदमीमन केर गिनती करेक केर आगया देलक।

खास चेलामन केर काम 11:28

उमन में से अगबुस नाँव केर एगो परमेश्‍वर केर संदेश के बताएक वाला रहे, उ ठड़ालक आउर पवितर आत्मा केर अगुवाई से बतालक कि गोटा धरती में भारी अकाल होवेक वाला अहे। इ अकाल महाराजा क्लौदियुस केर परिया में होलक।

खास चेलामन केर काम 28:22

मगर इ डहर केर बारे में तोर से हें तोर बिचार के सुनेक चाहिला, काले कि हमरे जानिला कि सोउब ठाँव में इ डहर केर बिरोध होवाथे।”

रोमानियनमन 10:18

मगर मोंय कहोना, इसराइलीमन जरूर हें यीशु मसीह केर संदेश के सुइन हैं, काले कि पवितर किताब में लिखल अहे, “उकर संदेश आउर बचन धरती केर सोउब आदमीमन ठिना आउर सोउब ठाँव में पोंहचाल गेलक।”

रोमानियनमन 16:19

तोहरेमन परमेश्‍वर केर आगयाकारी हेका, इके सोउब केऊ जानैना, से लगिन मोंय तोहर बारे में खुशी मनावना, मगर मोंय इ चाहोना कि तोहरेमन भलाई का हेके इके जानेक लगिन बुद्धिमान होवा, मगर बुराई लगिन निरदोष बनल रहा।

रोमानियनमन 6:17

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।

1 कुरिनथियनमन 1:4

मोंय तोहर बारे में अपन परमेश्‍वर के सोउब बेरा धन्यबाद देवोना, काले कि यीशु मसीह में एक होवेक केर चलते परमेश्‍वर अपन किरपा से तोहरेमन के ढेइर आशीषमन के देई हे।

2 कुरिनथियनमन 2:14

परमेश्‍वर केर धन्यबाद होवोक, काले कि हमरे मसीह केर संगे एक होई जाय ही, सेकर चलते उ हमरे के हमेशा अपन संगे अगुवाई करेला, आउर जीत देवेला। आउर परमेश्‍वर हमरे केर जरिया से मसीह केर गेयान केर सुगंध के सोउब जगा फैलायला।

इफिसियनमन 1:15

इ सोउब केर चलते जे परमेश्‍वर काइर हे, जब से मोंय प्रभु यीशु उपरे तोहर बिसवास के आउर पवितर आदमीमन केर लगिन तोहर प्रेम के सुइन हों।

इफिसियनमन 1:16

मोंय लगातार तोहर लगिन परमेश्‍वर के धन्यबाद देवोना। आउर अपन प्रार्थनामन में तोहरे के याइद करोना।

इफिसियनमन 3:21

उकर महिमा कलीसिया में, आउर मसीह यीशु में पीढ़ी से पीढ़ी तक जुग-जुग होते रहोक। आमीन।

इफिसियनमन 5:20

आउर जे कोनों हमर प्रभु यीशु मसीह हमर लगिन काइर हे उकर चलते सोउब बेरा परमेश्‍वर आबा के सोउब गोइठ में धन्यबाद देते रहा।

फिलिप्पियनमन 1:11

आउर उ धरमी बनेक केर फार मतलब बेस गुणमन से जे यीशु मसीह देवेक पारेला, भरपूर होते जबा, जेकर से परमेश्‍वर केर महिमा आउर स्तुति होते रहोक।

फिलिप्पियनमन 1:3

मोंय जब-जब तोहरेमन के याइद करोना, तब-तब अपन परमेश्‍वर के धन्यबाद देवोना।

कुलुसियनमन 1:3

जब हमरे तोहर लगिन प्रार्थना करिला, तब हमरे अपन प्रभु यीशु मसीह केर आबा मतलब परमेश्‍वर केर धन्यबाद करिला।

1थिस्सलुनीकियनमन 1:2

हमरेमन अपन प्रार्थनामन में तोहरेमन के याइद करिला आउर सोउब बेरा तोहरे केर बारे में परमेश्‍वर के धन्यबाद देवीला।

1थिस्सलुनीकियनमन 2:13

इ लगिन हमरे हों परमेश्‍वर केर धन्यबाद लगातार करिला कि जब तोहरे उ संदेश के सुनला, जेके हमरे तोहर माझे परचार करली, तो तोहरे उके परमेश्‍वर केर बचन समइझ के ग्रहण करला आउर उ संदेश परमेश्‍वर बटले हें रहे। आउर अब तोहरेमन मसीह उपरे बिसवास कराला परमेश्‍वर केर इ संदेश तोहरे में काम कराथे।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

2 तीमुथियुस 1:3

मोंय परमेश्‍वर के धन्यबाद देवोना, जेकर मोंय आउर मोर पुरखामन शुद्ध बिवेक से सेवा काइर ही। जखनोहों मोंय प्रार्थना करोना तो मोंय तोर नाँव केर चरचा करेक हमेशा याइद रखोना।

फिलेमोन 1:4

मोंय जखनोहों तोर लगिन प्रार्थना करोना, हमेशा तोर लगिन परमेश्‍वर के धन्यबाद देवोना।

इब्रानीमन 13:15

इ लगिन आवा, हमरे यीशु मसीह केर द्वारा अपन होंठ से लगातार परमेश्‍वर केर स्तुति करब, एहे हमरे केर उकर लगिन बलिदान हेके।

1 पतरस 4:11

उदाहरन लगिन अगर तोहर ठिना परचार करेक केर बरदान अहे, तो तोहरे के परमेश्‍वर केर संदेश केर परचार करेक चाही, अगर तोहर ठिना दोसर आदमीमन केर मदइत करेक केर बरदान अहे, तो इके तोहरे उ शक्ति केर साथ करा जेके परमेश्‍वर तोहरे के देवेला, तब जे कुछ हों तोहरे करबा, उकर से यीशु मसीह केर द्वारा परमेश्‍वर केर महिमा होवी। सोउब महिमा आउर शक्ति युग-युग लगिन उकरे हेके। आमीन।