रोमानियनमन 1:6 - सादरी नवाँ नियम

⁶ ओहेमन में से तोहरेमन हों जेमन रोम देस में रहाला, यीशु मसीह केर चेला बनेक लगिन बोलाल जाय हा।

रोमानियनमन 1:6 Iomraidhean Croise

रोमानियनमन 9:24

मतलब हमरे उपरे जेमन के उ ना सिरिफ यहूदीमन में से, बल्कि परजाइत आदमीमन में से हों चुनलक।

1 कुरिनथियनमन 1:9

परमेश्‍वर सच्चा अहे, जे तोहरेमन के अपन बेटा हमर प्रभु यीशु मसीह केर संगति में बोलाय हे।

गलातियनमन 1:6

मोंय ताजुब होई गेलों कि जे परमेश्‍वर तोहरेमन के मसीह केर किरपा से बोलालक, उके तोहरेमन एतना जल्दी छोइड़ के दोसर शिक्षा के मानेक लगला।

इफिसियनमन 1:11

ओहे यीशु केर चलते जेकर से हमरे जुड़ल अही, बपौती अधिकार पावेक नियर हमरे परमेश्‍वर से अधिकार के पाली, जेकर लगिन उ अपन योजना केर मोताबिक पहिलेहें से हमरे के चुइन रहे।

कुलुसियनमन 1:21

तोहरेमन जे पहिले परमेश्‍वर से दूर रहा, आउर अपन बुरा काममन केर चलते उकर दुश्मन रहा।

कुलुसियनमन 1:6

जे शुभ समाचार तोहर ठिना पोंहइच हे, आउर जइसन गोटा दुनिया भइर में फाइल जाथे, आउर ढेइर आदमीमन बिसवासी बाइन जाथैं, आउर तोहरे उके सुनला आउर उ सच्चा संदेश के पूरा पुरी बुइझ गेला कि परमेश्‍वर केतना किरपा से भरल अहे, आउर बिलकुल एहे गोइठ तोहर माझे में उ बेरा से होवाथे जब तोहरे पहिली बेर संदेश सुइन रहा।

1थिस्सलुनीकियनमन 2:12

कि तोहर चाइल-चलन परमेश्‍वर केर इच्छा केर मोताबिक होवोक, जे तोहरेमन के अपन राइज आउर महिमा में बोलायला।

2 थिस्सलुनीकियनमन 2:14

जेकर लगिन परमेश्‍वर हमर बताल शुभ समाचार केर द्वारा तोहरे के बचाएक लगिन बोलालक, ताकि तोहरेमन हमर प्रभु यीशु मसीह केर महिमा में भागीदार होवेक पारबा।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

इब्रानीमन 3:1

हे मोर संगी बिसवासी भाईमन जेमन परमेश्‍वर केर हेका, तोहरेमन स्वरग में उकर से मिलेक लगिन बोलाल जाय हा, यीशु मसीह उपरे धेयान देवा जे हमर लगिन परमेश्‍वर केर शुभ समाचार केर दूत आउर महापुरोहित हेके।

1 पतरस 2:21

आउर तोहरेमन परमेश्‍वर बटले एहे लगिन चुनल जाय हा कि तोहरे भला काइर के हों उकर ले दुःख सहबा। मसीह हों तोहर लगिन दुःख उठाय के तोहरेमन के एगो नमूना देई के जाय हे, उ जे कोनों काइर हे तोहरे हों तइसनेहें करा।

1 पतरस 2:9

मगर तोहरेमन एइसन नखा, काले कि तोहरे परमेश्‍वर केर चुनल आदमी हेका, तोहरे परमेश्‍वर केर पुरोहित हेका जे राजा हेके, तोहरेमन एइसन आदमी हेका जेमन खुद के परमेश्‍वर केर सेवा लगिन सोंइप देई हा, आउर तोहरे परमेश्‍वर केर हेका, तोहरे के परमेश्‍वर अंधार में से चुइन के अपन इंजोत में लाइन हे, ताकि तोहरे उकर अदभुत काममन केर परचार करबा।

2 पतरस 1:10

इ खातिर, बिसवासी भाईमन खुद के आउर दोसर आदमीमन के इ देखाएक लगिन आउर हें बेस ब्यवहार करेक केर कोशिश करा कि परमेश्‍वर हकीकत में तोहरे के चुइन हे, आउर अपन होवेक लगिन बोलाय हे। अगर तोहरे एइसन करबा तो सच में तोहरे परमेश्‍वर से अलग नी होबा।

यहूदा 1:1

इ चिट्ठी मोंय यहूदा केर बटले हेके। मोंय यीशु मसीह केर एगो सेवक आउर याकूब केर छोट भाई हेकों। मोंय इ चिट्ठी तोहरेमन के लिखाथों जेके परमेश्‍वर अपन उपरे बिसवास करेक लगिन बोलाय हे। आबा परमेश्‍वर तोहरेमन से प्रेम करेला आउर तोहरे के यीशु मसीह में सही-सलामत राइख हे।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”