रोमानियनमन 1:5 - सादरी नवाँ नियम

⁵ उकरे लेई के मोके किरपा, आउर यीशु केर चुनल खास चेला बाइन के उकर सेवा करेक केर मोका परमेश्‍वर बटले देवल जाय हे, ताकि उकर नाँव केर चलते सोउब जाइतमन यीशु मसीह उपरे बिसवास काइर के उकर आगया मानोक।

रोमानियनमन 1:5 Iomraidhean Croise

यूहन्ना 1:16

काले कि उकर भरपूरी में से हमरे आशीष उपरे आशीष पाली।

खास चेलामन केर काम 1:25

कि उ इ सेवा केर काम आउर चुनल खास चेलामन केर खाली ठाँव के लेई लेवोक। जेके यहूदा छोइड़ के मोइर गेलक आउर अपन ठहराल ठाँव में चाइल गेलक।”

खास चेलामन केर काम 15:14

सिमोन पतरस बतालक कि परमेश्‍वर पहिले परजाइत आदमीमन केर उपरे दया करलक आउर उमन में से थोरेक आदमीमन के अपन आदमी बनाएक लगिन चुनलक।

खास चेलामन केर काम 6:7

आउर परमेश्‍वर केर बचन फैलते गेलक आउर यरुशलेम शहर में चेलामन केर गिनती बढ़ते गेलक आउर कायनों झन यहूदी पुरोहितमन हों यीशु मसीह केर उपरे बिसवास केर इ संदेश के मानलैं।

खास चेलामन केर काम 9:15

मगर प्रभु यीशु उकर से कहलक, “तोंय चाइल जा। उ मोर चुनल आदमी हेके। उ परजाइत आदमीमन, राजामन, आउर इसराइली आदमीमन केर माझे मोर बारे में परचार करी।

रोमानियनमन 12:3

मोंय उ किरपा केर चलते जे मोके मिल हे तोहर में से हरेक झन से कहोना, तोहरे के जइसन समझेक चाही उकर से बाइढ़ के केऊ हों खुद के ना समझबा, मगर जइसन परमेश्‍वर हरेक के बिसवास केर मात्रा बाँइट देई हे तइसनेहें बेस बुद्धि केर संगे खुद के समझबा।

रोमानियनमन 16:26

इ भेद केर गोइठमन परमेश्‍वर केर संदेश के बताएक वालामन केर पवितर किताब में लिखल जाएक से आउर जुग-जुग रहेक वाला परमेश्‍वर केर आगया से सोउब जाइत केर आदमीमन के पता चललक, ताकि उमन बिसवास करबैं आउर मानबैं।

रोमानियनमन 3:29

का परमेश्‍वर सिरिफ यहूदीमन केर हेके? का परजाइत आदमीमन केर ना लगे? हाँ परजाइत आदमीमन केर हों हेके।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

1 कुरिनथियनमन 9:2

अगर मोंय दोसरमन लगिन यीशु केर चुनल खास चेला ना लगों, फिन भी तोहर लगिन तो हेकों, काले कि मोंय उ हेकों जे तोहरेमन लगिन शुभ संदेश के लानलों, प्रभु यीशु में तोहर बिसवास पक्का बतायला कि मोंय यीशु केर चुनल खास चेला हेकों।

इफिसियनमन 1:12

हमरे यहूदीमन पहिला आदमी हेकी जेमन मसीह उपरे आसरा करली, आउर चुनल गेली ताकि हमरे परमेश्‍वर केर महिमा लगिन उकर बड़ाई करब।

इफिसियनमन 1:6

से लगिन हमरे समझ से बाहर उकर किरपा केर लगिन उकर बड़ाई करिला, काले कि हमरे के उ किरपा उकर एकलौता दुलार बेटा यीशु मसीह बटले मुफत में मिल हे।

इब्रानीमन 5:9

आउर सिद्ध बाइन के, अपन आगया मानेक वाला सोउब आदमीमन ले जुग-जुग लगिन छुटकारा देवेक वाला बाइन गेलक।