रोमानियनमन 1:3 - सादरी नवाँ नियम

³ इ शुभ समाचार उकर बेटा हमर प्रभु यीशु मसीह केर बारे में अहे, जे काया केर हिसाब से तो दाऊद केर बंश से जनमलक।

रोमानियनमन 1:3 Iomraidhean Croise

मत्ती 1:1

यीशु मसीह केर पुरखामन केर नाँव जेमन राजा दाऊद केर संतान रहैं, आउर राजा दाऊद अब्राहम केर संतान रहे, इ लेखे अहे:

मत्ती 1:16

आउर याकूब केर बेटा यूसुफ रहे, जे मरियम केर पति रहे, आउर मरियम से यीशु जनमलक, जे मसीह कहायला।

मत्ती 1:6

आउर यिशै केर बेटा दाऊद राजा रहे। आउर दाऊद केर बेटा सुलैमान उ जनाना से जनमलक जे पहिले उरिय्याह केर जनाना रहे।

मत्ती 12:23

इ देइख के सोउब आदमीमन ताजुब होई के कहेक लगलैं, “का एहे राजा दाऊद केर संतान तो ना लगे?”

मत्ती 15:22

आउर उ शहर से एगो कनानी जाइत केर जनाना निकललक, आउर चिल्लाय के कहेक लगलक, “हे प्रभु! राजा दाऊद केर संतान, मोर उपरे दया कर! मोर बेटी के भूत धाइर हे आउर ढेइर सताथे।”

मत्ती 26:63

मगर यीशु चुप रहलक। तब यहूदी महापुरोहित यीशु से पूछलक, “मोंय तोके जिंदा परमेश्‍वर केर किरिया खाय के कहाथों कि अगर तोंय परमेश्‍वर केर बेटा मसीह हेकिस, तो मोर से कइह दे।”

मत्ती 27:43

उ परमेश्‍वर केर उपरे भरसा राइख हे, अगर उ इके चाहेला तो अब इके छोड़ाय लेवोक काले कि इ कइह रहे, ‘मोंय परमेश्‍वर केर बेटा हेकों।’ ”

मत्ती 3:17

आउर स्वरग से परमेश्‍वर केर इ आवाज सुनालक, “इ मोर दुलार बेटा हेके, जेकर से मोंय ढेइर खुश अहों।”

मत्ती 9:27

जब यीशु हूवाँ से आगे बढ़लक, तो दूई गो अंधरा आदमीमन उकर पिछे इ कइह के हकाते चाइल आवत रहैं, “हे राजा दाऊद केर संतान, हमर उपरे दया कर।”

लूका 1:35

स्वरगदूत उके जबाब देलक, “पवितर आत्मा तोर उपरे उतरी, आउर परमप्रधान केर शक्ति तोर उपरे छाँई करी। से लगिन तोर से जे बेटा जनमी, उ पवितर होवी आउर परमेश्‍वर केर बेटा कहाई।

लूका 1:69

आउर अपन सेवक राजा दाऊद केर घराना में हमर छुटकारा लगिन एगो बलवान के भेइज हे,

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 1:34

मोंय खुद देखलों आउर तोहरेमन से सच कहाथों कि एहे परमेश्‍वर केर बेटा हेके।”

यूहन्ना 1:49

तब नतनएल उके जबाब देलक, “हे गुरु, तोंय परमेश्‍वर केर बेटा हेकिस आउर इसराइल देस केर राजा हेकिस।”

यूहन्ना 10:30

मोंय आउर आबा परमेश्‍वर एके हेकी।”

यूहन्ना 10:36

जब मोंय कहोना, ‘मोंय परमेश्‍वर केर बेटा हेकों,’ तो तोहरेमन काले कहाला, ‘तोंय ईश्‍वर केर निंदा करिसला।’ मोंय ओहे हेकों, जेके आबा परमेश्‍वर अलग करलक आउर दुनिया में भेइज हे।

यूहन्ना 20:28

इ सुइन के थोमा जबाब देलक, “हे मोर प्रभु, हे मोर परमेश्‍वर।”

यूहन्ना 20:31

मगर इमन के इ लगिन लिखल जाय हे कि तोहरेमन उकर उपरे बिसवास करबा कि यीशु हें परमेश्‍वर केर बेटा मसीह हेके, आउर उकर उपरे बिसवास काइर के जुग-जुग केर जिंदगी के पावा।

यूहन्ना 5:25

मोंय तोहर से सच-सच कहाथों, उ समय आवाथे, आउर आइये जाहे, जेकर में मोरलमन मोंय परमेश्‍वर केर बेटा केर आवाज के सुनबैं, आउर जेमन सुनबैं उमन सोउब दिन जिबैं।

यूहन्ना 7:42

पवितर किताब में लिखल अहे कि मसीह राजा दाऊद केर बंश से आउर बैतलेहम नगर से आवी जहाँ राजा दाऊद रहत रहे।”

खास चेलामन केर काम 2:30

राजा दाऊद परमेश्‍वर केर संदेश के बताएक वाला रहे। उ जानत रहे कि परमेश्‍वर किरिया खाय के उकर से इ करार काइर हे कि राइज करेक केर कुरसी में मोंय तोर बंश में से एगो आदमी के बइठामूँ।

खास चेलामन केर काम 3:13

अब्राहम, इसहाक आउर याकूब केर परमेश्‍वर, हमर बाप दादामन केर परमेश्‍वर, अपन सेवक यीशु केर महिमा करलक, मगर तोहरे उके मरुवाएक लगिन यहूदी अगुवामन केर हाँथ में जिम्मा देला, आउर जब राजपाल पिलातुस उके छोइड़ देवेक केर बिचार करलक, तब तोहरे उकर सामने उके ठुकराय देला।

खास चेलामन केर काम 8:36

डहर में चलते-चलते उमन एगो पोखरा ठिना पोहोंचलैं। आउर पोखरा के देइख के खोजा फिलिप्पुस से कहलक, “देख, हिंयाँ पानी अहे, अब मोके बपतिस्मा जल संस्कार लेवेक में का रुकावट अहे?”

खास चेलामन केर काम 9:20

आउर उ तुरते हूवाँ केर यहूदी मनक प्रार्थना घरमन में जाय के यीशु केर बारे में परचार करेक लगलक कि यीशु हें परमेश्‍वर केर बेटा हेके।

रोमानियनमन 1:9

परमेश्‍वर जेकर सेवा मोंय अपन पूरा दिल से उकर बेटा केर बारे में आदमीमन के शुभ समाचार सुनाय के करोना, ओहे मोर गवाह हेके कि मोंय तोहरेमन के कइसन अपन प्रार्थना में लगातार याइद करोना।

रोमानियनमन 4:1

तो हमरे यहूदी केर रूप में हमर पुरखा अब्राहम केर बारे में का कहब? का कारण रहे जेकर से उ धरमी ठहरलक?

रोमानियनमन 9:5

अब्राहम, इसहाक आउर याकूब उ मनक पुरखामन हेकैं, आउर मसीह खुद काया केर हिसाब से इसराइली रहे, सोउब केर उपरे राइज करेक वाला परमेश्‍वर केर महिमा जुग-जुग होते रहोक। आमीन।

1 कुरिनथियनमन 1:9

परमेश्‍वर सच्चा अहे, जे तोहरेमन के अपन बेटा हमर प्रभु यीशु मसीह केर संगति में बोलाय हे।

1 कुरिनथियनमन 10:18

जब सोउब इसराइली आदमीमन परमेश्‍वर के चढ़ाल चीजमन के खायना, तो उमन परमेश्‍वर केर आराधना में शामिल होवैना। एहे नियर जे आदमीमन मूर्तिमन लगिन बलिदान चढ़ाल चीजमन के खायना, तो उमन उ मूर्तिमन केर पूजा में शामिल होवैना।

गलातियनमन 4:4

मगर जब सही समय आलक, तो परमेश्‍वर अपन बेटा के इ दुनिया में भेजलक जे एगो जनाना से जनमलक, उ एगो यहूदी केर रूप में जनमलक आउर मूसा केर नियम के मानलक।

1थिस्सलुनीकियनमन 1:10

आउर उकर बेटा के स्वरग से दोबारा घूइर आवेक केर आसरा देखते रहबा जेके परमेश्‍वर मुरदा में से जियालक, मतलब यीशु के जे परमेश्‍वर केर आवेक वाला दंड से हमरे के बचायला।

1 तीमुथियुस 2:5

काले कि सिरिफ एके गो परमेश्‍वर अहे, आउर परमेश्‍वर आउर आदमीमन केर माझे हों एके गो आदमी अहे, मतलब यीशु मसीह, जे आदमीमन के परमेश्‍वर से मिलाएक पारेला।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

2 तीमुथियुस 2:8

तोंय लगातार यीशु मसीह केर बारे में सोचते रह। जे राजा दाऊद केर बंश हेके, आउर परमेश्‍वर उके मोरलमन में से जियालक, इ ओहे शुभ समाचार हेके जेके मोंय आदमीमन केर माझे परचार करोना।

1 यूहन्ना 1:3

जे कोनों हमरे देखली आउर सुइन ही उकर शुभ समाचार तोहरेमन के हों देवीला, ताकि तोहरेमन हों हमर संगे सहभागी होवा। आउर हमर इ सहभागिता आबा केर संगे, आउर उकर बेटा यीशु मसीह केर संगे अहे।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 3:8

जे केऊ पाप करते हें रहेला उ शैतान बटले हेके, काले कि शैतान शुरु हें से पाप करते आय हे। परमेश्‍वर केर बेटा इ लगिन आलक कि शैतान केर काममन के नाश करोक।

1 यूहन्ना 4:15

जे केऊ इ माइन लेवेला कि यीशु परमेश्‍वर केर बेटा हेके, परमेश्‍वर उकर में बनल रहेला आउर उ परमेश्‍वर में बनल रहेला।

1 यूहन्ना 5:1

जे केऊ इ बिसवास करेला कि यीशु हें मसीह हेके उ परमेश्‍वर केर संतान हेके। आउर जे केऊ आबा परमेश्‍वर से प्रेम करेला उ उकर संतानमन से हों प्रेम करेला।

1 यूहन्ना 5:20

हमरेमन एहो जानिला कि परमेश्‍वर केर बेटा यीशु मसीह इ दुनिया में आय जाय हे आउर उ हमरेमन के समझ देई हे कि हमरे उ सच्चा परमेश्‍वर के चिन्हब, हमरेमन उकर में जे सच्चाई हेके मतलब उकर बेटा यीशु मसीह में रहिला। सच्चा परमेश्‍वर आउर जुग-जुग केर जिंदगी एहे हेके।

1 यूहन्ना 5:5

दुनिया में जीत पावेक वाला के हेके? सिरिफ उ जेकर इ बिसवास अहे कि यीशु हें परमेश्‍वर केर बेटा हेके।

2 यूहन्ना 1:7

मोंय इके इ लगिन कहाथों काले कि ढेइर झूठा शिक्षा देवेक वालामन दुनिया में आय हैं, जे इ नी मानैना कि यीशु मसीह आदमी बाइन के आय हे। एइसन कहेक वालामन हें बहकाएक वाला आउर मसीह केर बिरोधी हेकैं।

प्रकाशितवाक्य 2:18

थुआतीरा नगर केर कलीसिया केर स्वरगदूत के इ संदेश लीख: मोंय परमेश्‍वर केर बेटा जेकर आँइख आइग केर अंगोर नियर अहे आउर जेकर पाँव बेस पीतल नियर अहे। मोंय तोर से जे कहाथों उके सुन: