रोमानियनमन 1:2 - सादरी नवाँ नियम

² जे शुभ समाचार केर बारे में परमेश्‍वर पहिलेहें से अपन संदेश के बताएक वालामन बटले पवितर किताब में बताय हे।

रोमानियनमन 1:2 Iomraidhean Croise

मत्ती 1:22

इ सोउब इकर लगिन होलक कि जे बचन प्रभु यशायाह परमेश्‍वर केर संदेश के बताएक वाला केर मुँह से कइह रहे, उ पूरा होवोक:

लूका 1:70

जइसन कि उ अपन पवितर परमेश्‍वर केर संदेश के बताएक वालामन बटले ढेइर आगे हें करार काइर रहे,

खास चेलामन केर काम 10:43

ओहे यीशु केर बारे में परमेश्‍वर केर संदेश के बताएक वाला सोउब आदमीमन गवाही देवैना कि जे केऊ यीशु केर उपरे बिसवास करी, उके उकर नाँव से पापमन केर क्षमा मिली।”

खास चेलामन केर काम 13:32

हमरे तोहरे के उ शुभ समाचार के सुनाइला, जेकर बारे में परमेश्‍वर हमर बाप दादामन से करार काइर रहे।

खास चेलामन केर काम 26:6

आइज मोंय हिंयाँ तोहर सामने दोषी केर रूप में ठड़ाल अहों, इकर एहे कारण अहे कि मोंय परमेश्‍वर बटले हमर पुरखामन के देवल करार केर आसरा करोना।

रोमानियनमन 16:26

इ भेद केर गोइठमन परमेश्‍वर केर संदेश के बताएक वालामन केर पवितर किताब में लिखल जाएक से आउर जुग-जुग रहेक वाला परमेश्‍वर केर आगया से सोउब जाइत केर आदमीमन के पता चललक, ताकि उमन बिसवास करबैं आउर मानबैं।

रोमानियनमन 3:2

मगर हाँ, यहूदी बनेक से ढेइर फायदा अहे, सोउब से खास बात तो इ अहे कि परमेश्‍वर केर बचन उमन के सोंपल गेलक।

रोमानियनमन 3:21

मगर अब बेगर मूसा केर नियम के पूरा करले हें, परमेश्‍वर हमरे के धरमी ठहरायला, जेकर बारे में मूसा केर नियम आउर परमेश्‍वर केर संदेश के बताएक वालामन केर किताब में लिखल अहे।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।