रोमानियनमन 1:12 - सादरी नवाँ नियम

¹² मोर कहेक केर मतलब इ हेके कि जब मोंय तोहरे ठिना आमूँ, तब तोहरे मोर बिसवास के देइख के मजबूत होई जबा आउर मोंय तोहरे केर बिसवास के देइख के मजबूत होई जामूँ।

रोमानियनमन 1:12 Iomraidhean Croise

खास चेलामन केर काम 11:23

जब बरनाबास हूवाँ पोहोंचलक तो उ परमेश्‍वर केर किरपा देइख के ढेइर खुश होलक। आउर उ सोउबमन के तन-मन केर साथ प्रभु यीशु में बनल रहेक लगिन उपदेस देलक।

रोमानियनमन 1:11

काले कि मोके तोहरेमन से मिलेक केर ढेइर इच्छा अहे, ताकि मोंय तोहरेमन के कोनों आत्मिक आशीष देमूँ, जेकर से तोहरेमन बिसवास में स्थिर होई जबा।

रोमानियनमन 1:13

आउर हे बिसवासी भाईमन, मोंय चाहोना तोहरेमन जाइन लेवा कि मोंय घरी-घरी तोहर ठिना आवेक चाहलों, ताकि जइसन मोंय परजाइत आदमीमन के चेला बनालो, तइसनेहें तोहरेमन में हों बनामूँ, मगर एखन तक रोकल गेलों।

रोमानियनमन 15:24

से लगिन जब मोंय स्पेन देस जामूँ तो तोहर ठिना होते हुए जामूँ, काले कि मोके आसरा अहे कि उ यात्रा में तोहरे से भेंट होवी, आउर जब तोहरे केर संगति से मोर मन भाइर जाई, तो तोहरेमन मोके थोरेक दूर आगे पोंहचाय देबा।

रोमानियनमन 15:32

आउर मोंय परमेश्‍वर केर इच्छा से तोहर ठिना खुशी से आय के तोहर संगे आराम पामूँ।

2 कुरिनथियनमन 7:13

इ सोउब केर चलते हमरे के जोश मिललक, आउर हमरे केर इ जोश केर साथ तीतुस केर खुशी केर चलते आउर हें खुश होली, काले कि उकर जीव तोहरे केर चलते हरियार होई जाय हे।

इफिसियनमन 4:5

हमरे सोउब केर एके गो प्रभु अहे, जेकर उपरे हमरे सोउब बिसवास करिला। हमरे सोउब के यीशु मसीह केर नाँव से बपतिस्मा जल संस्कार देवल जाय हे।

2 तीमुथियुस 1:4

मोके याइद अहे कि तोंय कतइ काइंद रहिस जब हमरे एक दोसर से जुदा होली, मोंय तोर काँदेक के याइद काइर के राइत दिन तोर से भेंट करेक केर इच्छा रखोना कि खुशी से भाइर जामूँ।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

2 यूहन्ना 1:4

मोंय इ सुइन के ढेइर खुशी होलों कि तोर थोरेक छउवामन सच्चाई केर डहर में चलाथैं, जइसन कि हमरेमन के आबा परमेश्‍वर बटले आगया मिल हे।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।