रोमानियनमन 1:1 - सादरी नवाँ नियम

¹ पौलुस बटले जे यीशु मसीह केर दास हेके, आउर यीशु मसीह केर खास चेला बनेक लगिन परमेश्‍वर बटले चुनल जाय हे, आउर परमेश्‍वर केर उ शुभ समाचार के सुनाएक लगिन अलग करल जाय हे।

रोमानियनमन 1:1 Iomraidhean Croise

मरकुस 1:14

थोरेक दिन केर पाछे राजा हेरोदेस यूहन्ना के धरुवाय के जेहेल में भितरुवाय देलक। तब यीशु गलील परदेस में घूइर आलक, आउर आदमीमन के परमेश्‍वर केर राइज केर शुभ समाचार बताएक लगलक।

यूहन्ना 12:26

अगर केऊ मोर सेवा करेक चाहेला तो मोर पिछे होई लेवोक आउर मोर चेला बाइन जाओक। तब जहाँ मोंय अहों, हूवाँ मोर सेवक हों रही। अगर केऊ मोर सेवा करी तो आबा परमेश्‍वर हों उकर माइन करी।

यूहन्ना 15:15

अब से मोंय तोहरेमन के धांगर नी कहमूँ। धांगर नी जानेला कि उकर मालिक का करेला। से लगिन मोंय तोहरेमन के संगी कइह हों, काले कि मोंय जे गोइठमन के अपन आबा परमेश्‍वर से सुनलों, उ सोउब के तोहरेमन के बताय देई हों।

यूहन्ना 15:20

जे गोइठ मोंय तोहरेमन के बताय रहों, उके याइद करा। धांगर अपन मालिक से बाड़ नी होवेला, अगर उमन मोके, जे मालिक हेकों सतालैं, तो तोहरेमन के हों सताबैं। अगर उमन मोर बचन के माइन हैं, तो तोहर बचन के हों मानबैं।

खास चेलामन केर काम 13:9

तब शाऊल जेके पौलुस नाँव से हों जानल जात रहे, पवितर आत्मा से भाइर के उके टकटकी लगाय के देखलक आउर कहलक,

खास चेलामन केर काम 20:24

मगर मोके अपन प्राण से कोनों मोह-माया नखे, मोंय तो सिरिफ उ सेवकाई के पूरा करेक चाहाथों, जेके प्रभु यीशु मसीह मोके जिम्मा देई हे, मतलब परमेश्‍वर केर किरपा केर शुभ समाचार के सच्चाई से परचार करमूँ।

खास चेलामन केर काम 21:40

जब पलटनमन केर सरदार उके आगया देलक तो पौलुस सीढ़ी में ठड़ाय के आदमीमन के चुप रहेक लगिन हाँथ से इशारा करलक। जब सोउब चुप होई गेलैं तो पौलुस इब्रानी भाषा में कहेक लगलक,

खास चेलामन केर काम 22:21

आउर प्रभु यीशु मोर से कहलक, ‘चाइल जा, काले कि मोंय तोके सोउब जाइत केर आदमीमन ठिना दूर-दूर तक भेजमूँ।’”

खास चेलामन केर काम 22:7

आउर मोंय भूंई उपरे गिर गेलों आउर इ आवाज सुनलों, ‘हे शाऊल, हे शाऊल, तोंय मोके काले सताथिस?’

खास चेलामन केर काम 26:1

राजा अग्रिप्पा पौलुस से कहलक, “तोके अपन बारे में कहेक केर आगया अहे।” तब पौलुस हाँथ उठाय के अपन बचाव में जबाब देवेक लगलक,

खास चेलामन केर काम 26:14

हमरे सोउब भूंई उपरे गिर गेली आउर इब्रानी भाषा में एगो आवाज सुनली। केऊ मोर से कहत रहे, ‘हे शाऊल, हे शाऊल, तोंय मोके काले सताथिस? तोंय मोके चोट पोंहचाएक केर कोशिश काइर के खुद के चोट पोंहचाथिस।’

खास चेलामन केर काम 27:23

काले कि परमेश्‍वर जेकर मोंय सेवक हेकों, आउर जेकर भक्ति करोना, उकर स्वरगदूत आइज राइत मोर ठिना आय के कहलक,

खास चेलामन केर काम 9:15

मगर प्रभु यीशु उकर से कहलक, “तोंय चाइल जा। उ मोर चुनल आदमी हेके। उ परजाइत आदमीमन, राजामन, आउर इसराइली आदमीमन केर माझे मोर बारे में परचार करी।

रोमानियनमन 1:16

काले कि मोंय मसीह केर बारे में शुभ समाचार सुनाएक से नी लजावना, इ लगिन कि उ हरेक बिसवास करइयामन लगिन, पहिले तो यहूदी फिन यूनानीमन लगिन छुटकारा पावेक ले परमेश्‍वर केर शक्ति हेके।

रोमानियनमन 1:5

उकरे लेई के मोके किरपा, आउर यीशु केर चुनल खास चेला बाइन के उकर सेवा करेक केर मोका परमेश्‍वर बटले देवल जाय हे, ताकि उकर नाँव केर चलते सोउब जाइतमन यीशु मसीह उपरे बिसवास काइर के उकर आगया मानोक।

रोमानियनमन 1:9

परमेश्‍वर जेकर सेवा मोंय अपन पूरा दिल से उकर बेटा केर बारे में आदमीमन के शुभ समाचार सुनाय के करोना, ओहे मोर गवाह हेके कि मोंय तोहरेमन के कइसन अपन प्रार्थना में लगातार याइद करोना।

रोमानियनमन 11:13

मोंय तोहरे परजाइत आदमीमन से इ गोइठमन के कहोना, जबकि मोंय परजाइत आदमीमन लगिन यीशु केर चुनल खास चेला हेकों, इकर लगिन मोंय अपन सेवा केर घमंड करोना।

रोमानियनमन 15:29

आउर मोंय जानोना कि जब मोंय तोहर ठिना आमूँ, तो मोर आवेक केर चलते मसीह तोहरे के भरपूर आशीष देवी।

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

1 कुरिनथियनमन 1:1

इ चिट्ठी के मोंय पौलुस लिखाथों, मोंय परमेश्‍वर केर इच्छा से यीशु मसीह केर चुनल खास चेला बनेक लगिन बोलाल जाय हों, मोंय हिंयाँ हमर संगी बिसवासी भाई सोस्थिनेस केर संगे अहों जे मोर मदइत कराथे।

1 कुरिनथियनमन 9:1

जे कोनों मोंय करेक चाहोना उके करेक लगिन मोंय आजाद अहों। मोंय यीशु केर चुनल खास चेला हेकों, मोंय यीशु के देइख हों जे हमरे केर प्रभु हेके, प्रभु केर लगिन मोर काम केर बदली तोहरेमन फार हेका।

2 कुरिनथियनमन 1:1

इ चिट्ठी मोंय पौलुस आउर बिसवासी भाई तीमुथियुस बटले हेके, मोंय परमेश्‍वर केर इच्छा से मसीह यीशु केर चुनल खास चेला हेकों, इ चिट्ठी अखया परदेस में रहेक वाला परमेश्‍वर केर आदमीमन केर नाँव में आउर उ कलीसिया केर नाँव में लिखल जाय हे, जे कुरिन्थुस शहर में अहे।

2 कुरिनथियनमन 11:5

मोंय कोनों गोइठ में उमन से कम नखों, जेमन खुद के यीशु केर चुनल खास चेलामन में से सोउब से बाड़ समझैना।

2 कुरिनथियनमन 11:7

मोंय खुद के छोट बनाय देलों जेकर से तोहरे के परमेश्‍वर केर शुभ समाचार के मुफत में सुनामूँ, ताकि तोहरे आदर पाबा, का मोंय एइसन काइर के कोनों पाप करलों?

2 कुरिनथियनमन 12:11

मोंय मूरख तो बनलों, मगर तोहरेहेमन मोके एइसन बनेक लगिन जबरजस्ती करला, तोहरेमन के तो मोर बड़ाई करेक चाही रहे, काले कि अगर मोर कीमत कोनोवें नखे, फिन भी बाड़ से बाड़ यीशु केर चुनल खास चेलामन में से कोनों गोइठ में कम नखों।

2 कुरिनथियनमन 2:12

आउर जब मोंय मसीह केर शुभ समाचार सुनाएक ले त्रोआस नगर में आलों, तब प्रभु मोके शुभ समाचार सुनाएक लगिन बढ़ियाँ मोका देलक।

2 कुरिनथियनमन 4:5

काले कि हमरे खुद के निहीं, मगर यीशु मसीह के परचार करिला कि यीशु मसीह प्रभु हेके, आउर अपन बारे में इ कहिला कि हमरे यीशु केर चलते तोहर सेवक हेकी।

गलातियनमन 1:1

मोंय पौलुस जे यीशु केर चुनल खास चेला हेकों आउर इ चिट्ठी के लिखाथों। मोंय केऊ आदमी चाहे आदमीमन केर दल से चुनल नी जाय हों, मगर मोंय हमर प्रभु यीशु मसीह आउर आबा परमेश्‍वर बटले चुनल जाय हों, जे यीशु के मुरदा में से जियालक।

इफिसियनमन 1:1

इ चिट्ठी के मोंय पौलुस जे परमेश्‍वर केर इच्छा से यीशु मसीह केर चुनल खास चेला हेकों, उ पवितर आउर मसीह यीशु में बिसवासी आदमीमन केर नाँव में लिखाथों। जेमन इफिसुस शहर में अहैं।

इफिसियनमन 1:13

आउर जब तोहरे हों छुटकारा केर शुभ समाचार के सुनला आउर यीशु मसीह उपरे बिसवास करला, तो परमेश्‍वर तोहरे के पवितर आत्मा के देलक। जेके उ अपन आदमीमन के देवेक केर करार काइर रहे। पवितर आत्मा तोहरे उपरे एगो छाप नियर अहे जे इ बतायला कि तोहरे परमेश्‍वर केर हेका।

इफिसियनमन 4:11

आउर यीशु मसीह थोरेक आदमीमन के अपन चुनल खास चेला ठहराय के, आउर थोरेक के परमेश्‍वर केर संदेश के बताएक वाला, थोरेक के शुभ समाचार सुनाएक वाला, थोरेक के चरवाहा, आउर थोरेक के उपदेस देवेक वाला ठहराय के देई देलक।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

फिलिप्पियनमन 2:11

आउर परमेश्‍वर आबा केर महिमा लगिन सोउब मनवा जाइत माइन लेवोक कि यीशु मसीह हें प्रभु हेके।

कुलुसियनमन 1:1

इ चिट्ठी मोंय पौलुस आउर हमरे केर भाई तीमुथियुस बटले हेके। मोंय परमेश्‍वर केर इच्छा से यीशु मसीह केर चुनल खास चेला हेकों।

कुलुसियनमन 1:25

परमेश्‍वर तोहरेमन के अपन संदेश के पूरा-पुरी समझाएक लगिन मोके ठहराय हे, सेहे लगिन मोंय कलीसिया केर सेवक बाइन हों।

1थिस्सलुनीकियनमन 2:2

मगर तोहरेमन जानाला कि हमरे पहिले फिलिप्पी शहर में दु:ख उठाली आउर हुड़दंग सहली, आउर परमेश्‍वर हमरे के एइसन साहस देलक कि हमरे परमेश्‍वर केर शुभ समाचार के हिंयाँ थिस्सलुनीके शहर में हों भारी बिरोधमन केर होते हुए हों तोहरेमन के सुनाली।

1थिस्सलुनीकियनमन 2:8

हमरे तोहरे के ढेइर प्रेम करिला से लगिन हमरे तोहरे के परमेश्‍वर केर शुभ समाचार भइर नी सुनाली मगर अपन प्राण हों तोहरेमन के देवेक लगिन तेयार रही, इ लगिन कि तोहरेमन हमर दुलारा होई जाय रहा।

1थिस्सलुनीकियनमन 2:9

हे भाईमन, तोहरेमन हमर मेहनइत आउर दुःख के याइद कराला, कि हमरे इ लगिन राइत दिन काम धंधा करते तोहरेमन में परमेश्‍वर केर शुभ समाचार परचार करली, ताकि तोहर में से केकरो उपरे भार ना होवोक।

1 तीमुथियुस 1:1

इ चिट्ठी मोंय पौलुस बटले हेके। मोंय हमरे केर छुटकारा देवाइया परमेश्‍वर आउर यीशु मसीह जेकर में हमरे आसरा करिला, उकर अधिकार से यीशु मसीह केर एगो चुनल खास चेला हेकों।

1 तीमुथियुस 2:7

मोंय सच कहाथों, झूठ नी कहाथों, परमेश्‍वर मोके शुभ समाचार केर परचारक, आउर अपन खास चेला बनेक लगिन चुइन हे। उ मोके परजाइत आदमीमन के बिसवास आउर सच्चाई केर बारे में सिखाएक लगिन हों चुइन हे।

2 तीमुथियुस 1:11

इ शुभ समाचार केर लगिन परमेश्‍वर मोके एगो परचार करेक वाला, सिखाएक वाला, आउर एगो खास चेला केर रूप में चुइन हे।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

इब्रानीमन 5:4

केऊ आदमी महापुरोहित बनेक केर जे आदर केर पद हेके, इके खुद से नी लेवेला, जइसन कि परमेश्‍वर हारून के पहिला महापुरोहित बनेक लगिन बोलालक आउर चुनलक, ठीक एहे नियर उ दोसर महा पुरोहितमन के हों बोलायला आउर चुनेला।

इब्रानीमन 7:26

एइसनेहें महापुरोहित हमरे केर जरुरत के पूरा करेक पारेला, जे पवितर अहे, बेगर दोष केर अहे, आउर शुद्ध अहे, आउर पापीमन केर असर से दूर रहेला, आउर सोउब से उपरे स्वरग तक ऊँचा उठाल जाय हे।

याकूब 1:1

इ चिट्ठी मोंय याकूब बटले हेके, मोंय परमेश्‍वर आउर प्रभु यीशु मसीह केर सेवक हेकों। इ चिट्ठी के मोंय उ बारह गोतरमन केर नाँव से लिखाथों, जेमन गोटा दुनिया में तितिर-बितिर होई के रहैना। मोर बटले तोहरेमन के जोहार।

1 पतरस 4:17

काले कि फैसला करेक केर बेरा आय जाय हे कि पहिले परमेश्‍वर केर आदमीमन केर फैसला करल जाओक, आउर जबकि उ पहिले हमरे बिसवासीमन केर फैसला करी, से लगिन उ भयानक चीजमन केर बारे में सोचा, जे उ आदमीमन केर संगे होवी जेमन उ शुभ समाचार के नी मानैना, जे उकर बटले आवेला।

2 पतरस 1:1

मोंय सिमोन पतरस जे यीशु मसीह केर सेवक आउर चुनल खास चेला हेकों, इ चिट्ठी के उमन के लिखाथों, जेमन हमर परमेश्‍वर आउर छुटकारा देवाइया यीशु मसीह केर धरमी होवेक से हमर जइसन ढेइर किमती बिसवास पाय हैं।

यहूदा 1:1

इ चिट्ठी मोंय यहूदा केर बटले हेके। मोंय यीशु मसीह केर एगो सेवक आउर याकूब केर छोट भाई हेकों। मोंय इ चिट्ठी तोहरेमन के लिखाथों जेके परमेश्‍वर अपन उपरे बिसवास करेक लगिन बोलाय हे। आबा परमेश्‍वर तोहरेमन से प्रेम करेला आउर तोहरे के यीशु मसीह में सही-सलामत राइख हे।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”

प्रकाशितवाक्य 22:9

मगर उ मोर से कहलक, “देख, एइसन ना कर। काले कि मोंय तोर आउर परमेश्‍वर केर संदेश के बताएक वाला तोर भाईमन आउर उ आदमीमन केर जे इ किताब केर गोइठमन के मानैना, उ मनक संगी सेवक भाइर हेकों। तोंय परमेश्‍वर केर हें आराधना कर।”