प्रकाशितवाक्य 9:8 - सादरी नवाँ नियम

⁸ उमन केर केंस जनानामन केर केंस नियर आउर उमन केर दाँत सिंहमन केर दाँत नियर रहे।

प्रकाशितवाक्य 9:8 Iomraidhean Croise

रोमानियनमन 9:29

जइसन परमेश्‍वर केर संदेश के बताएक वाला यशायाह पहिलेहें कइह रहे कि अगर स्वरग केर सेनामन केर प्रभु हमरेमन के बंश बनेक केर हक नी देतक, तो हमरे सदोम आउर अमोरा नगरमन केर आदमीमन नियर होई जाती, जेमन के परमेश्‍वर पूरा-पुरी नाश काइर देलक।”

1 तीमुथियुस 2:9

ओहे नियर मोंय चाहोना कि बिसवासी जनानामन के हों, उचित तरीका से लुगा पिंधेक चाही, जे कि सभ्य आउर स्वीकार लायक होवोक, आउर बाल के एइसन गूँथोक कि जेके देखेक ले दोसरमन आकर्षित ना होवोक, आउर ना ही दोसरमन के देखाएक लगिन सोना आउर मोतीमन आउर ना महंगा लुगा पिंधोक।

1 पतरस 3:3

आउर तोहर सिंगार देखाएक लगिन ना होवोक, मतलब तोहरेमन केर केंस गूँथेक एइसन होवोक कि दोसरमन देखेक लगिन आकर्षित ना होवोक, आउर ना ही दोसरमन के देखाएक लगिन सोना आउर मोतीमन आउर ना महंगा-महंगा लुगामन के पिंधा।