प्रकाशितवाक्य 9:4 - सादरी नवाँ नियम

⁴ आउर उमन से कहल गेलक कि ना धरती केर घास के, ना कोनों हरियार बुदा, ना कोनों गाँछ के हानि पोंहचाबा, सिरिफ उ आदमीमन के जे मनक माथा में परमेश्‍वर केर मोहर नी लाइग हे।

प्रकाशितवाक्य 9:4 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

इफिसियनमन 4:30

आउर परमेश्‍वर केर पवितर आत्मा के अपन काममन से दुःख ना देवा, जे तोहरे के इ बतायला कि परमेश्‍वर तोहरे के छुटकारा देई हे। जे तोहर उपरे एगो छाप नियर अहे।

प्रकाशितवाक्य 14:1

उकर पाछे मोंय नजइर उठाय के देखलों, उ मेमना सिय्योन पहार उपरे ठड़ाल अहे। उकर संगे एक लाख चौवालीस हजार आदमीमन अहैं, जे मनक माथा में उकर आउर उकर आबा केर नाँव लिखल अहे।

प्रकाशितवाक्य 6:6

आउर मोंय चाइरो जीवमन केर माझे में से एगो आवाज के इ कहते सुनलों, “एक दिन केर मजूरी केर बदली में एक दिन खाएक केर गोहोम आउर एक दिन केर मजूरी केर बदली में तीन दिन खाएक केर जौ किनेक केर बराबइर होवी। मगर जैतून तेल आउर अंगूर केर रस केर भाव नी बदली।”

प्रकाशितवाक्य 7:1

इकर पाछे मोंय धरती केर चाइरो कोना में चाइर गो स्वरगदूत के ठड़ाल देखलों, उमन चाइरो दिशा बटले आवेक वाला हवा के रोकत रहैं, ताकि धरती या समुदर या कोनों गाँछ उपरे हवा ना चलोक।

प्रकाशितवाक्य 8:7

जइसन हें पहला स्वरगदूत तुरही फुँकलक, तइसनेहें लोहू से मिलल बरफ आउर आइग दिसेक लगलक, आउर उमन के हेंठे धरती में उझलल गेलक। जेकर से धरती केर एक तिहाई हिस्सा पोइड़ के भसम होई गेलक आउर एक तिहाई गाँछमन पोइड़ के भसम होई गेलक आउर सोउब हरियार घास हों पोइड़ के भसम होई गेलक।